ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬಾಲಿವುಡ್ ನಟಿ ಕಂಗನಾ ರಣಾವತ್ ನಿರೂಪಣೆಯಲ್ಲಿ ಮೂಡಿ ಬಂದ ‘ಲಾಕಪ್’ ರಿಯಾಲಿಟಿ ಶೋ ಫಿನಾಲೆ ಪೂರ್ಣಗೊಂಡಿದೆ.
ಶನಿವಾರ (ಮೇ 7) ರಾತ್ರಿ ನಡೆದ ಅದ್ದೂರಿ ಫಿನಾಲೆಯಲ್ಲಿ ಮುನಾವರ್ ಫರೂಖಿ ಅವರು’ಲಾಕಪ್’ ಶೋನ ಕಪ್ ಎತ್ತಿದ್ದಾರೆ.
ಫ್ಯಾನ್ಸ್ ಕಡೆಯಿಂದ ಮುನಾವರ್ಗೆ ಬರೋಬ್ಬರಿ 18 ಲಕ್ಷ ವೋಟ್ ಸಿಕ್ಕಿತ್ತು. ಇದಲ್ಲದೆ, ಕಂಗನಾ ಕೂಡ ಅವರಿಗೆ ವೋಟ್ ಮಾಡಿದರು. ಇದರಿಂದ ಮುನಾವರ್ ಗೆದ್ದು ಬೀಗಿದರು.
ಲಾಕಪ್’ ರಿಯಾಲಿಟಿ ಶೋ ಆರಂಭದಲ್ಲಿ ಸಾಕಷ್ಟು ಚರ್ಚೆ ಹುಟ್ಟು ಹಾಕಿತ್ತು.ಹಲವು ವಿವಾದಾತ್ಮಕ ಸ್ಪರ್ಧಿಗಳು ಶೋನಲ್ಲಿ ಇದ್ದಿದ್ದರಿಂದ ಈ ಶೋ ನಿಧಾನವಾಗಿ ಜನಪ್ರಿಯತೆ ಪಡೆದುಕೊಂಡಿತು. ಕಂಗನಾ ನಿರೂಪಣೆಗೂ ಮೆಚ್ಚುಗೆ ವ್ಯಕ್ತವಾದವು. ದಿನ ಕಳೆದಂತೆ ಶೋ ಜನಪ್ರಿಯತೆ ಹೆಚ್ಚಿತು. 70ಕ್ಕೂ ಹೆಚ್ಚು ದಿನ ಪ್ರಸಾರ ಕಂಡ ಈ ಶೋ ಈಗ ಪೂರ್ಣಗೊಂಡಿದೆ.
‘ಲಾಕಪ್’ ರಿಯಾಲಿಟಿ ಶೋಅನ್ನು ಏಕ್ತಾ ಕಪೂರ್ ನಿರ್ಮಾಣ ಮಾಡಿದ್ದರು. ಅವರು ಸೋಶಿಯಲ್ ಮೀಡಿಯಾದಲ್ಲಿ ಮುನಾವರ್ ವಿನ್ ಆದ ಬಗ್ಗೆ ಅವರು ಘೋಷಣೆ ಮಾಡಿದ್ದಾರೆ. ಇನ್ನು, ಪಾಯಲ್ ರೋಹಟ್ಗಿ ಅವರು ಮೊದಲ ರನ್ನರ್ಅಪ್ ಆಗಿ ಹೊರ ಹೊಮ್ಮಿದ್ದಾರೆ. ಅಂಜಲಿ ಅರೋರಾ ಎರಡನೇ ರನ್ನರ್ಅಪ್ ಆಗಿದ್ದಾರೆ.
ಮುನಾವರ್ ಅವರು 20 ಲಕ್ಷ ರೂಪಾಯಿ ಹಣ ಗೆದ್ದಿದ್ದಾರೆ. ಜತೆಗೆ ಅವರಿಗೆ ಕಾರು, ಸುಂದರ ಟ್ರೋಫಿ ಸಿಕ್ಕಿದೆ. ಇನ್ನು ಅವರ ಇಟಲಿ ಟ್ರಿಪ್ನ ಸಂಪೂರ್ಣ ಖರ್ಚನ್ನು ನಿರ್ಮಾಣ ಸಂಸ್ಥೆ ನೋಡಿಕೊಳ್ಳಲಿದೆ.