Monday, September 26, 2022

Latest Posts

ದೇಶದ 23 ಏಮ್ಸ್‌ಗಳಿಗೆ ಸ್ವಾತಂತ್ರ್ಯ ಹೋರಾಟಗಾರರ ಹೆಸರು: ಕೇಂದ್ರ ಸರಕಾರ ನಿರ್ಧಾರ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌

ದೆಹಲಿ ಸೇರಿದಂತೆ ದೇಶದ ಎಲ್ಲ 23 ಏಮ್ಸ್‌ಗಳಿಗೆ ಸ್ಥಳೀಯ ವೀರರು, ಸ್ವಾತಂತ್ರ್ಯ ಹೋರಾಟಗಾರರು, ಐತಿಹಾಸಿಕ ಘಟನೆಗಳು ಅಥವಾ ಪ್ರದೇಶದ ಸ್ಮಾರಕಗಳ ಹೆಸರನ್ನ ಇಡಲು ಮೋದಿ ಸರ್ಕಾರ ಮುಂದಾಗಿದೆ.
ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಈ ನಿಟ್ಟಿನಲ್ಲಿ ಸಲಹೆಗಳನ್ನು ಕೋರಿದ್ದು,ಇತ್ತ ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (AIIMS) ಬಹುತೇಕ ಹೆಸರುಗಳ ಪಟ್ಟಿಯನ್ನ ಸಲ್ಲಿಸಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಹಲವಾರು ಏಮ್ಸ್‌ಗಳು ಕಾರ್ಯನಿರ್ವಹಿಸುತ್ತಿವೆ ಮತ್ತು ಇತರವುಗಳನ್ನ ಪ್ರಧಾನಮಂತ್ರಿ ಸ್ವಾಸ್ಥ್ಯ ಸುರಕ್ಷಾ ಯೋಜನೆ (PMSSY) ಅಡಿಯಲ್ಲಿ ಸ್ಥಾಪಿಸಲಾಗುತ್ತಿದೆ. ಈ ನಿಟ್ಟಿನಲ್ಲಿ, ಸ್ಥಳೀಯ ಅಥವಾ ಪ್ರಾದೇಶಿಕ ವೀರರು, ಸ್ವಾತಂತ್ರ್ಯ ಹೋರಾಟಗಾರರು, ಸಂಬಂಧಪಟ್ಟ ಏಮ್ಸ್ ಇರುವ ಪ್ರದೇಶದ ನಿರ್ದಿಷ್ಟ ಭೌಗೋಳಿಕ ಗುರುತನ್ನ ಸಂಪರ್ಕಿಸಬಹುದಾದ ವಿವಿಧ ಎಐಐಎಂಎಸ್‌ಗಳಿಗೆ ನಿರ್ದಿಷ್ಟ ಹೆಸರುಗಳನ್ನ ನೀಡುವ ಬಗ್ಗೆ ಸಲಹೆಗಳನ್ನ ಕೇಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಹೆಚ್ಚಿನ AIIMS ಸೂಚಿಸಿದ ಹೆಸರುಗಳಿಗೆ ವಿವರಣಾತ್ಮಕ ಟಿಪ್ಪಣಿಯೊಂದಿಗೆ ಮೂರರಿಂದ ನಾಲ್ಕು ಹೆಸರುಗಳನ್ನು ಸೂಚಿಸಿದೆ ಎಂದು ನಂಬಲಾಗಿದೆ. ಆರು ಹೊಸ AIIMS – ಬಿಹಾರ (ಪಾಟ್ನಾ), ಛತ್ತೀಸ್‌ಗಢ (ರಾಯಪುರ), ಮಧ್ಯಪ್ರದೇಶ (ಭೋಪಾಲ್), ಒಡಿಶಾ (ಭುವನೇಶ್ವರ), ರಾಜಸ್ಥಾನ (ಜೋಧ್‌ಪುರ) ಮತ್ತು ಉತ್ತರಾಖಂಡ (ಋಷಿಕೇಶ) PMSSYಯ ಮೊದಲ ಹಂತದಲ್ಲಿ ಅನುಮೋದಿಸಲಾಗಿದೆ ಮತ್ತು ಸಂಪೂರ್ಣವಾಗಿ ಕಾರ್ಯನಿರ್ವಹಿಸುತ್ತಿವೆ.

 

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!