Tuesday, August 16, 2022

Latest Posts

ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಿ ಒಂದು ಚಮಚ ತುಪ್ಪ: ಇದರಿಂದ ಏನೆಲ್ಲ ಲಾಭವಿದೆ ಗೊತ್ತಾ?

‘ತುಪ್ಪ ಸೇವಿಸಿದರೆ ದೇಹದಲ್ಲಿ ಕೊಬ್ಬು ಹೆಚ್ಚುತ್ತದೆ, ದಪ್ಪ ಆಗುತ್ತೇವೆಂಬ’ ಕಾರಣಕ್ಕೆ ತುಂಬಾ ಜನ ತುಪ್ಪದ ಹತ್ತಿರಕ್ಕೂ ಸುಳಿಯುವುದಿಲ್ಲ. ಆದರೆ ಇದು ತಪ್ಪು ತಿಳುವಳಿಕೆ. ತುಪ್ಪದಲ್ಲಿ ಸಾಕಷ್ಟು ಆರೋಗ್ಯಕರ ಲಾಭವಿದೆ. ನ ನಿತ್ಯ ಒಂದು ಚಮಚ ತುಪ್ಪ ಸೇವಿಸುವುದರಿಂದ ಕೊಬ್ಬು ಹೆಚ್ಚುವುದಿಲ್ಲ. ಬದಲಾಗಿ ಆರೋಗ್ಯಕರವಾಗಿ ಸುಧಾರಿಸುತ್ತದೆ. ತುಪ್ಪದಲ್ಲಿ ವಿಟಮಿನ್ ಎ, ಡಿ, ಕ್ಯಾಲ್ಸಿಯಂ, ಫಾಸ್ಫರಸ್, ಖನಿಜಗಳು ಮತ್ತು ಪೊಟ್ಯಾಸಿಯಮ್ ಮುಂತಾದ ಪೋಷಕಾಂಶಗಳಿವೆ.

  • ವಿಟಮಿನ್:
    ತುಪ್ಪದಲ್ಲಿ ಎ,ಇ,ಡಿ,ಕೆ ಯಂತಹ ವಿಟಮಿನ್ ಅಂಶಗಳು ಹೆಚ್ಚಿದ್ದು, ಇವು  ಶರೀರಕ್ಕೆ ಅಗತ್ಯವಿರುವ ಪೋಷಕಾಂಶಗಳನ್ನು ಕೊಡುತ್ತವೆ.ಆರೋಗ್ಯ ವೃದ್ಧಿಗೆ ಬಹಳ ಸಹಾಯವಾಗುತ್ತದೆ.
  • ರೋಗ ನಿರೋಧಕ:
    ತುಪ್ಪದಲ್ಲಿ ಇರುವ ವಿಟಮಿನ್‌ಗಳಿಂದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ತುಪ್ಪವನ್ನು ನೇರವಾಗಿ ತಿನ್ನುವುದು ಕಷ್ಟವಾದರೆ, ಆಹಾರ ಪದಾರ್ಥದೊಂದಿಗೆ ಸೇರಿಸಿಕೊಂಡು ಸೇವಿಸಿ. ಈ ಕೋವಿಡ್ ಸಮಯದಲ್ಲಿ ತುಪ್ಪ ಸೇವಿಸುವುದು ಅಗತ್ಯ.
  • ಸ್ನಾಯು ಆರೋಗ್ಯ:
    ಸ್ನಾಯುಗಳಿಗೆ, ಕೀಲುಗಳಿಗೆ, ಬೇಕಾದ ಪೋಷಕಾಂಶಗಳು ತುಪ್ಪದಿಂದ ಸಿಗುತ್ತದೆ. ಗಟ್ಟಿ ಮುಟ್ಟಾಗಿ ದೇಹ ಇರಬೇಕೆಂದರೆ ತುಪ್ಪ ಅಗತ್ಯ. ಹಿಂದಿನ ಕಾಲದವರು ಹೆಚ್ಚಾಗಿ ತುಪ್ಪವನ್ನು ಬಳಸುತ್ತಿದ್ದರು. ಹಾಗಾಗಿಯೇ ಅವರು ನಮಗಿಂತ ಗಟ್ಟಿ ಮುಟ್ಟಾಗಿ ಇದ್ದಾರೆ
  • ಎದೆ ಉರಿ:
    ಎದೆ ಉರಿ, ಹೊಟ್ಟೆ ಉರಿ ಸಮಸ್ಯೆಯಿಂದ ಬಳಲುವವರು ಪ್ರತಿ ದಿನ ಬೆಳಗ್ಗೆ ಒಂದು ಚಮಚ ತುಪ್ಪವನ್ನು ಖಾಲಿ ಹೊಟ್ಟೆಯಲ್ಲಿ ಸೇವಿಸಿ, ಬಿಸಿ ಬಿಸಿ ನೀರನ್ನು ಕುಡಿಯಿರಿ ಇದರಿಂದ ಖಂಡಿತ ಎದೆ ಉರಿ, ಹೊಟ್ಟೆ ಉರಿ, ಗ್ಯಾಸ್ಟ್ರಿಕ್ ಸಮಸ್ಯೆ ನಿವಾರಣೆಯಾಗುತ್ತದೆ.
  • ಹೃದಯ ಆರೋಗ್ಯ:
    ಹೃದಯ ಸಂಬಂಧಿ ಕಾಯಿಲೆಗಳು ಬರದಂತೆ ತಡೆಯುವಲ್ಲಿ ತುಪ್ಪದ ಪಾತ್ರ ದೊಡ್ಡದಿದೆ. ದಿನವೂ ತುಪ್ಪವನ್ನು ಸೇವನೆ ಮಾಡಿದರೆ ಹೃದಯ ಸಂಬಂಧಿ ಕಾಯಿಲೆಗಳು ಬರುವುದನ್ನು ತಡೆಯಬಹುದು.
  • ಚರ್ಮ-ಕೂದಲು:
    ತುಪ್ಪದಲ್ಲಿರುವ ಕೊಬ್ಬಿನಾಮ್ಲಗಳು ನಿಮ್ಮ ಚರ್ಮ ಮತ್ತು ಕೂದಲನ್ನು ಒಳಗಿನಿಂದ ಪೋಷಿಸುತ್ತದೆ. ಇದು ನಿಮ್ಮ ಚರ್ಮ ಮತ್ತು ನೆತ್ತಿಯನ್ನು ಹೈಡ್ರೇಟ್ ಮಾಡಲು ಸಹಾಯ ಮಾಡುತ್ತದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss