Wednesday, August 10, 2022

Latest Posts

ಪಿಲಿಕುಳದ ಜೈವಿಕ ಉದ್ಯಾನವನಕ್ಕೆ ಹೊಸ ಅತಿಥಿಗಳ ಆಗಮನ

ಹೊಸದಿಗಂತ ವರದಿ, ಮಂಗಳೂರು:

ನಗರ ಹೊರವಲಯದ ಪಿಲಿಕುಳದ ಜೈವಿಕ ಉದ್ಯಾನವನಕ್ಕೆ ಅತಿಥಿಗಳು ಆಗಮಿಸಿದ್ದಾರೆ. ಎರಡು ಬಿಳಿ ರಿಯಾ, ಎರಡು ಕಂದು ರಿಯಾ ಮತ್ತು ಮೂರು ಬಾರಸಿಂಗ (ಸ್ವಾಂಪ್ ಜಿಂಕೆ) ಪಿಲಿಕುಳದ ಪ್ರಾಣಿಗಳ ಕುಟುಂಬಕ್ಕೆ ಹೊಸ ಸೇರ್ಪಡೆ.

ಪ್ರವಾಸಿಗರ ಆಕರ್ಷಣೆಯಾಗಿರುವ ಇವುಗಳನ್ನು ಕೇರಳದ ತಿರುವನಂತಪುರ ಮೃಗಾಲಯದಿಂದ ತರಲಾಗಿದೆ. ಅಲ್ಲಿಗೆ ಕಾಳಿಂಗ ಸರ್ಪ ಹಾಗೂ ವಿಟೇಕರ್ಸ್‌ಗಳನ್ನು ಹಾವುಗಳನ್ನು ನೀಡಲಾಗಿದೆ ಎಂದು ಉದ್ಯಾನದ ನಿರ್ದೇಶಕ ಜಯಪ್ರಕಾಶ್‌ ಭಂಡಾರಿ ತಿಳಿಸಿದರು.

ಕೊರೋನಾ ಲಾಕ್ ಡೌನ್ ತೆರವುಗೊಂಡ ಬಳಿಕ ಮತ್ತೆ ಪ್ರಾಣಿಗಳ ವಿನಿಮಯ ಆರಂಭಗೊಂಡಿದೆ. ರಿಯಾ ಹಕ್ಕಿಯು ದಕ್ಷಿಣ ಅಮೆರಿಕಾ, ಬ್ರೆಜಿಲ್, ಅರ್ಜಂಟೈನಾ ಮತ್ತಿತರ ದೇಶಗಳಲ್ಲಿ ಕಂಡುಬರುವ ಹಾರಾಡದ ಅತಿದೊಡ್ಡ ಪಕ್ಷಿಯಾಗಿದೆ. ಇದು ಉಷ್ಟ್ರಪಕ್ಷಿ ಜಾತಿಗೆ ಸೇರಿದ್ದು, ವೇಗವಾಗಿ ಓಡುವುದು ಇದರ ವಿಶೇಷತೆ. ಹುಳುಹುಪ್ಪಟೆ, ದವಸ–ಧಾನ್ಯ ಇತ್ಯಾದಿಗಳೇ ಇದರ ಆಹಾರ.

ಹೆಣ್ಣು ರಿಯಾ ಮೊಟ್ಟೆ ಇಟ್ಟರೆ, ಗಂಡು ರಿಯಾ ಕಾವು ಕೊಡುತ್ತದೆ. ಅಲ್ಲದೇ, ಗಂಡು ರಿಯಾ ನೋಡಿಕೊಳ್ಳುತ್ತದೆ. ಹೀಗಾಗಿ, ಮರಿಗಳ ಬಳಿ ಯಾರೇ ಬಂದರೂ ಗಂಡು ರಿಯಾ ದಾಳಿ ನಡೆಸುತ್ತದೆ.

ಉತ್ತರ ಭಾರತ ಹಾಗೂ ಹಿಮಾಲಯ ಸುತ್ತಲ ಪ್ರದೇಶದಲ್ಲಿ ಕಂಡುಬರುವ ಸ್ವಾಂಪ್ ಜಿಂಕೆಯನ್ನು ಬಾರಸಿಂಗ ಎಂದೂ ಕರೆಯುತ್ತಾರೆ. ಸುರುಳಿ ಸುತ್ತಿದ ಕೊಂಬಿನಲ್ಲಿ ತಲಾ ಆರು ಕವಲುಗಳಿದ್ದು, ಒಟ್ಟು 12 (ಹಿಂದಿಯಲ್ಲಿ ಬಾರಹ್) ಇರುವುದರಿಂದ ಬಾರಸಿಂಗ ಎನ್ನುತ್ತಾರೆ. ನೋಡಲು ಆಕರ್ಷಕ ಮೈಕಟ್ಟು, ಮೈ ಮೇಲೆ ನವಿರಾದ ಕೂದಲು, ನೋಟಗಳಿಂದ ಕಣ್ಮನ ಸೆಳೆಯುತ್ತವೆ.

ಉತ್ತರ ಭಾರತ ಹಾಗೂ ನೇಪಾಳದ ಕೆಲವು ಪ್ರದೇಶಗಳಲ್ಲಿ ಹೊರತು ಪಡಿಸಿದರೆ ಇದು ವಿರಳವಾಗಿದೆ. ಇದನ್ನು ಅಳಿವಿನಂಚಿನಲ್ಲಿರುವ ಪ್ರಭೇದವಾಗಿ ಗುರುತಿಸಲಾಗಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss