ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಾಜ್ಯ ಚುನಾವಣಾ ಅಖಾಡದಲ್ಲಿ ಬಿರುಸಿನ ಪ್ರಚಾರಗಳು ನಡೆಯುತ್ತಿದ್ದು, ಬಿಜೆಪಿ ಅಭ್ಯರ್ಥಿಗಳ ಗೆಲುವಿಗಾಗಿ ಖುದ್ದು ಪ್ರಧಾನಿ ಮೋದಿ ಅವರೇ ಮತಪ್ರಚಾರ ಮಾಡುತ್ತಿದ್ದಾರೆ .
ಇಂದು ಮುಂಜಾನೆಯಿಂದಲೇ ಬಿರುಸಿನ ಪ್ರಚಾರ ಆರಂಭಿಸಿದ ಪ್ರಧಾನಿ ಮೋದಿ ಸಂಜೆ ಕಲಬುರಗಿ ತಲುಪಿದ್ದು, ಈ ವೇಳೆ ಜನಸೇವಕನ ನಡೆ ಎಲ್ಲರ ಮೆಚ್ಚುಗೆಗೆ ಕಾರಣವಾಗಿದೆ.
ಹೌದು, ಅದೇನೆಂದರೆ ಕಲಬುರಗಿಗೆ ಆಗಮಿಸಿದ ವೇಳೆ ಪ್ರಧಾನಿ ಮೋದಿ ನೇರ ಪುಟಾಣಿ ಮಕ್ಕಳ ಬಳಿ ತೆರಳಿ ಕುಶಲೋಪರಿ ಮಾತುಕತೆ ನಡೆಸಿದರು.
ಕಲಬುರಗಿಗೆ ಬಿಜೆಪಿ ಅಭ್ಯರ್ಥಿ ಪರ ರೋಡ್ ಶೋ ನಡೆಸಲು ಆಗಮಿಸಿದ ಮೋದಿ , ಅಲ್ಲಿಯೇ ನಿಂತಿದ್ದ ಮಕ್ಕಳ ಬಳಿ ತೆರಳಿ ಚೇತೋಹಾರಿ ಪ್ರಶ್ನೆಗಳನ್ನು ಕೇಳಿ ಅವರನ್ನು ಹುರಿದುಂಬಿಸಿದರು.
ಈ ವೇಳೆ ಮಕ್ಕಳಲ್ಲಿ ಮುಂದೆ ಏನಾಗುತ್ತೀರಿ ಎಂಬ ಪ್ರಶ್ನೆಗಳನ್ನು ಕೇಳಿದಾಗ ಮಕ್ಕಳು ನೀಡುತ್ತಿದ್ದ ಉತ್ತರ ಕೇಳಿ ಪ್ರಧಾನಿ ಮೋದಿ ಖುಷಿಪಟ್ಟರು.
ಬಿಡುವಿಲ್ಲದ ಚುನಾವಣೆಯ ಪ್ರಚಾರದ ಕರ್ತವ್ಯದ ನಡುವೆಯೂ ದೇಶದ ಭವಿಷ್ಯದ ಪ್ರಜೆಗಳಿಗೆ ಚೇತೋಹಾರಿ ಪ್ರಶ್ನೆಗಳನ್ನು ಕೇಳಿ ಅವರನ್ನು ಹುರಿದುಂಬಿಸಿದ ವಿಶ್ವನಾಯಕ, ಭಾರತದ ಪ್ರಧಾನ ಸೇವಕ ಸನ್ಮಾನ್ಯ ಪ್ರಧಾನಿ ಶ್ರೀ @narendramodi. ಕರ್ನಾಟಕದ ಕಲಬುರಗಿ ಇಂದು ಈ ಅಪರೂಪದ ಘಳಿಗೆಗೆ ಸಾಕ್ಷಿಯಾಯಿತು. pic.twitter.com/PYTlezOHyT
— Basavaraj S Bommai (@BSBommai) May 2, 2023
ಈ ಕುರಿತು ವಿಡಿಯೋವನ್ನು ಸಿಎಂ ಬಸವರಾಜ್ ಬೊಮ್ಮಾಯಿ ಅವರು ಹಂಚಿಕೊಂಡಿದ್ದು, ‘ಬಿಡುವಿಲ್ಲದ ಚುನಾವಣೆಯ ಪ್ರಚಾರದ ಕರ್ತವ್ಯದ ನಡುವೆಯೂ ದೇಶದ ಭವಿಷ್ಯದ ಪ್ರಜೆಗಳಿಗೆ ಚೇತೋಹಾರಿ ಪ್ರಶ್ನೆಗಳನ್ನು ಕೇಳಿ ಅವರನ್ನು ಹುರಿದುಂಬಿಸಿದ ವಿಶ್ವನಾಯಕ, ಭಾರತದ ಪ್ರಧಾನ ಸೇವಕ ಸನ್ಮಾನ್ಯ ಪ್ರಧಾನಿ ಶ್ರೀ @narendramodi ಕರ್ನಾಟಕದ ಕಲಬುರಗಿ ಇಂದು ಈ ಅಪರೂಪದ ಘಳಿಗೆಗೆ ಸಾಕ್ಷಿಯಾಯಿತು’ ಎಂದು ಬರೆದುಕೊಂಡಿದ್ದಾರೆ.