ಸಾರ್ವಜನಿಕ ಆಸ್ಪತ್ರೆಗೆ ಶಾಸಕ ಬಿ.ಸಿ.ನಾಗೇಶ್ ಕುಟುಂಬದಿಂದ 10 ಆಮ್ಲಜನಕ ಸಾಂದ್ರಕ ಯಂತ್ರಗಳ ಕೊಡುಗೆ

ಪ್ರೀತಿಯ ಓದುಗರೇ,
ಕೋವಿಡ್ ನಿರ್ನಾಮ ನಮ್ಮ ಕೈಯಲ್ಲೇ ಇದೆ. ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ, ಕೈ, ಮುಖವನ್ನು ಸ್ವಚ್ಛವಾಗಿ ಇಟ್ಟುಕೊಳ್ಳಿ. ನೀವೂ ಸುರಕ್ಷಿತರಾಗಿರಿ, ನಿಮ್ಮವರನ್ನೂ ಸುರಕ್ಷಿತರಾಗಿ ಇರುವಂತೆ ನೋಡಿಕೊಳ್ಳಿ.
………………………………….

ಹೊಸ ದಿಗಂತ ವರದಿ, ತಿಪಟೂರು:

ನಗರದ ಸಾರ್ವಜನಿಕ ಆಸ್ಪತ್ರೆಗೆ ಶಾಸಕ ಬಿ.ಸಿ.ನಾಗೇಶ್ ತಮ್ಮ ಅಜ್ಜ , ಅಜ್ಜಿ ಯಾದ ಬೆಳ್ಳೂರು ಕಮಲಮ್ಮ ಮತ್ತು ಸುಬ್ಬಣ್ಣ ಇವರ ಸ್ಮರಣಾರ್ಥ ಸುಮಾರು 8 ಲಕ್ಷ ರೂಗಳ ವೆಚ್ಚದ 10 ಆಮ್ಲಜನಕ ಸಾಂದ್ರಕ ಯಂತ್ರಗಳನ್ನು ಕೊಡುಗೆಯಾಗಿ ನೀಡಿದರು.
ಕೊವಿಡ್-19 ರ ಮಹಾಮಾರಿ ಎರಡನೇ ಅಲೆಯಿಂದ ಜನರು ತತ್ತರಿಸಿದ್ದಾರೆ. ರೂಪಾಂತರಿ ವೈರಸ್ ನಿಂದ ಆಮ್ಲಜನಕ ಏರಿಳಿತದಿಂದ ಸಾವು, ನೋವು ಹೆಚ್ಚು ಸಂಭವಿಸುತ್ತಿದೆ. ಈ ದೃಷ್ಟಿಯಿಂದ ಆಮ್ಲಜನಕ ಮಟ್ಟ ಕುಸಿತಕಂಡ ರೋಗಿಗಳ ಉಪಯೋಗಕ್ಕಾಗಿ ಆಮ್ಲಜನಕ ಸಾಂದ್ರಕ ಯಂತ್ರಗಳನ್ನು ನೀಡಲಾಗಿದ್ದು ಇದರ ಸದ್ಬಳಕೆಗೆ ವೈದ್ಯರು ನಿಗಾವಹಿಸುವಂತೆ ಶಾಸಕರು ಸೂಚಿಸಿದರು.
ಈ ಸಂದರ್ಭದಲ್ಲಿ ತಹಶೀಲ್ದಾರ್ ಆರ್.ಜಿ.ಚಂದ್ರಶೇಖರ್, ವೈದ್ಯಾಧಿಕಾರಿ ಡಾ.ಪ್ರಹ್ಲಾದ್ , ಡಿವೈಎಸ್ ಪಿ ಚಂದನ್ ಕುಮಾರ್, ತಾ ಪಂ ಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ , ತಾಲ್ಲೂಕು ವೈದ್ಯಾಧಿಕಾರಿ ರವಿಕುಮಾರ್ ಹಾಗೂ ಕುಟುಂಬ ಸದಸ್ಯ ಶ್ರೀಕಂಠ ಉಪಸ್ಥಿತರಿದ್ದರು.