ಹೊಸ ದಿಗಂತ ಡಿಜಿಟಲ್ ಡೆಸ್ಕ್
ಅಮೆರಿಕದ ಜತೆ ಭಾರತದ 2+2 ಮಾತುಕತೆ ನಡೆಯುತ್ತಿದೆ. ಅಂದರೆ, ಭಾರತದ ಇಬ್ಬರು ಸಚಿವರಾದ ರಕ್ಷಣಾ ಸಚಿವ ರಾಜನಾಥ ಸಿಂಗ್ ಹಾಗೂ ವಿದೇಶ ಸಚಿವ ಜೈಶಂಕರ್ ಅವರು ಅಲ್ಲಿನ ತತ್ಸಮಾನ ಸಚಿವರೊಂದಿಗೆ ಆ ಸಚಿವಾಲಯದ ವ್ಯಾಪ್ತಿಯಲ್ಲಿ ಬರುವ ವಿಷಯಗಳ ಬಗ್ಗೆ ಸಹಕಾರ ಒಪ್ಪಂದಗಳ ಬಗ್ಗೆ ಸಮಾಲೋಚಿಸುವುದು.
ಈ ಸಂಬಂಧ ಭಾರತದ ಸಚಿವದ್ವಯರು ಅಮೆರಿಕದಲ್ಲಿ ಸಮಾಲೋಚನೆ ನಿರತರಾಗಿರುವಾಗ ಸಹಜವಾಗಿಯೇ ಭಾರತವು ರಷ್ಯದಿಂದ ಅಗ್ಗದ ತೈಲ ಖರೀದಿಸುತ್ತಿರುವ ವಿಷಯ ಚರ್ಚೆಗೆ ಬಂದಿದೆ. ಇದಕ್ಕೆ ಅಮೆರಿಕದ ಪ್ರತಿರೋಧ ಗೊತ್ತಿರುವಂಥದ್ದೇ. ಇದಕ್ಕೆ ಸಚಿವ ಜೈಶಂಕರ್ ನೀಡಿರುವ ಉತ್ತರ ಮಾರ್ಮಿಕವಾಗಿದೆ- “ಪ್ರತಿದಿನ ಮಧ್ಯಾಹ್ನದ ವೇಳೆ ಯುರೋಪ್ ಎಷ್ಟು ತೈಲವನ್ನು ರಷ್ಯದಿಂದ ಖರೀದಿಸುತ್ತಿದೆಯೋ ಅಷ್ಟು ಪ್ರಮಾಣವನ್ನು ನಾವು ಒಂದು ತಿಂಗಳಲ್ಲಿ ಖರೀದಿಸುತ್ತೇವೆ. ಹೀಗಾಗಿ ನಿಮ್ಮ ಗಮನ ಇರಬೇಕಿರುವುದು ಯುರೋಪ್ ಮೇಲೆಯೇ ಹೊರತು ನಮ್ಮ ಮೇಲಲ್ಲ. ನಮ್ಮ ಇಂಧನ ಸುರಕ್ಷತೆಗಾಗಿ ಈ ಕ್ರಮವೇ ಹೊರತು ಮತ್ತೇನಕ್ಕಲ್ಲ” ಎಂದು ಸಚಿವ ಜೈಶಂಕರ್ ಹೇಳಿದ್ದಾರೆ.
If you're looking at(India's)energy purchases from Russia, I'd suggest your attention should be on Europe. We buy some energy necessary for our energy security. But I suspect, looking at figures, our purchases for the month would be less than what Europe does in an afternoon: EAM pic.twitter.com/lyzwttCvtM
— ANI (@ANI) April 11, 2022