ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನಟಿ ಮತ್ತು ಬಿಜೆಪಿ ನಾಯಕಿ ಸೋನಾಲಿ ಫೋಗಟ್ ಸಾವು ಸಂಭವಿಸಿ ದಿನಗಳು ಕಳೆದಿದ್ದು, ಇದೀಗ ಕೇಂದ್ರೀಯ ತನಿಖಾ ದಳ ಇಬ್ಬರು ಆರೋಪಿಗಳ ವಿರುದ್ಧ ಗೋವಾದ ನ್ಯಾಯಾಲಯಕ್ಕೆ ಚಾರ್ಜ್ ಶೀಟ್ ಸಲ್ಲಿಸಿದೆ.
ಸೋನಾಲಿ ಫೋಗಟ್ ಅವರಿಗೆ ಒತ್ತಾಯ ಪೂರ್ವಕವಾಗಿ ಡ್ರಗ್ಸ್ ಮಿಶ್ರಿತ ಜ್ಯೂಸ್ನ್ನು ನೀಡಿದ ಇಬ್ಬರು ಅವರ ಆಪ್ತ ಸಹಾಯಕ ಸುಧೀರ್ ಸಾಂಗ್ವಾನ್ ಮತ್ತು ಸುಖ್ವಿಂದರ್ ಸಿಂಗ್ ನೀಡಿ ಕೊಂದಿದ್ದಾರೆ ಎಂದು ಆರೋಪಿಸಲಾಗಿತ್ತು. ಇಬ್ಬರನ್ನೂ ಆಗಸ್ಟ್ನಲ್ಲಿ ಬಂಧಿಸಲಾಗಿತ್ತು.
ಈ ಕುರಿತು ತನಿಖೆ ನಡೆಸಿದ ಕೇಂದ್ರೀಯ ತನಿಖಾ ದಳ ಇಬ್ಬರು ಆರೋಪಿಗಳ ವಿರುದ್ಧ ಗೋವಾದ ನ್ಯಾಯಾಲಯಕ್ಕೆ ಚಾರ್ಜ್ ಶೀಟ್ ಸಲ್ಲಿಸಿದೆ.
ಗೋವಾದ ಅಂಜುನಾ ಬೀಚ್ನಲ್ಲಿರುವ ಪ್ರಸಿದ್ಧ ರೆಸ್ಟೋರೆಂಟ್-ಕಮ್-ನೈಟ್ಕ್ಲಬ್ ಕರ್ಲೀಸ್ನಲ್ಲಿ ಆರೋಪಿಗಳು ಫೋಗಟ್ ಅವರಿಗೆ ಬಲವಂತವಾಗಿ ಮೆಥಾಂಫೆಟಮೈನ್ ಡ್ರಗ್ಸ್ (ಮೆಥ್) ಕುಡಿಯಲು ಒತ್ತಾಯಿಸಿದರು ಎಂದು ಗೋವಾ ಪೊಲೀಸರು ಭದ್ರತಾ ಕ್ಯಾಮೆರಾ ದೃಶ್ಯಗಳು ಮತ್ತು ಆರೋಪಿಗಳ ತಪ್ಪೊಪ್ಪಿಗೆಗಳನ್ನು ಉಲ್ಲೇಖಿಸಿದ್ದಾರೆ.
ಸೋನಾಲಿ ಜ್ಯೂಸ್ ಕುಡಿಯುವ ಮೊದಲು ಆಕೆಗೆ ಅಸೌಖ್ಯ ಇತ್ತು, ನಂತರ ಡ್ರಗ್ಸ್ ಮಿಶ್ರಿತ ಜ್ಯೂಸ್ ಕುಡಿದ ನಂತರ ನಡೆಯಲು ಸಾಧ್ಯವಾಗಲಿಲ್ಲ ಮತ್ತು ಅವರು ತಂಗಿದ್ದ ಗ್ರ್ಯಾಂಡ್ ಲಿಯೋನಿ ಎಂಬ ಹೋಟೆಲ್ಗೆ ಅವರ ಸಹಚರರು ಕರೆದೊಯ್ದಿದ್ದಾರೆ. ಮರುದಿನ ಬೆಳಿಗ್ಗೆ ಸೋನಾಲಿ ಫೋಗಟ್ ಅವರನ್ನು ಸೇಂಟ್ ಆಂಥೋನಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಅಲ್ಲಿ ಅವರು ಸಾವನ್ನಪ್ಪಿದ್ದಾರೆ ವೈದ್ಯರು ತಿಳಿಸಿದ್ದರು.