Sunday, August 14, 2022

Latest Posts

ಸ್ವಿಸ್​ ಓಪನ್​: ಫೈನಲ್​ ಪ್ರವೇಶಿಸಿದ ಪಿವಿ ಸಿಂಧು

ಹೊಸದಿಗಂತ ಆನ್ ಲೈನ್ ಡೆಸ್ಕ್:

ಸ್ವಿಟ್ಜರ್ಲೆಂಡ್​ ನ ಸ್ವಿಸ್​ ಓಪನ್​ ಸೂಪರ್​ 300 ಟೂರ್ನಮೆಂಟ್​ ಸೆಮಿಫೈನಲ್​ನಲ್ಲಿ ವಿಶ್ವದ 12ನೇ ಶ್ರೇಯಾಂಕದ ಮಿಯಾ ಬ್ಲಿಚ್‌ಫೆಲ್ಡ್ ವಿರುದ್ಧ ವಿಶ್ವ ಚಾಂಪಿಯನ್​ ಸಿಂಧು ಗೆಲುವು ಸಾದಿಸುವ ಮೂಲಕ ಮಹಿಳೆಯರ ಸಿಂಗಲ್ಸ್​ನಲ್ಲಿ ಫೈನಲ್​ ಪ್ರವೇಶಿಸಿದ್ದಾರೆ.​
ಒಲಿಂಪಿಕ್ ಬೆಳ್ಳಿ ಪದಕ ವಿಜೇತ ಪಿವಿ ಸಿಂಧು ಟೂರ್ನಿಯಲ್ಲಿ 4ನೇ ಶ್ರೇಯಾಂಕ ಪಡೆದಿದ್ದ ಡೆನ್ಮಾರ್ಕ್​ನ ಬ್ಲಿಚ್​ಫೆಲ್ಡ್​ ವಿರುದ್ಧ 22-20, 21-10 ಗೇಮ್​ಗಳ ಅಂತರದಲ್ಲಿ 43 ನಿಮಿಷ ನಡೆದ ಪಂದ್ಯದಲ್ಲಿ ಗೆದ್ದು ಫೈನಲ್ ಪ್ರವೇಶಿಸಿದರು.
2019ರ ವಿಶ್ವಚಾಂಪಿಯನ್​ಶಿಪ್​ನಲ್ಲಿ​ ಫೈನಲ್ ಗೆದ್ದ ನಂತರ ಇದೇ ಮೊದಲ ಬಾರಿಗೆ ಟೂರ್ನಿಯೊಂದರಲ್ಲಿ ಫೈನಲ್​ ಪ್ರವೇಶಿಸಿದ್ದಾರೆ.
ಇನ್ನು ಪುರುಷರ ಸ್ಟಾರ್​ ಶಟ್ಲರ್​ ಕಿಡಂಬಿ ಶ್ರೀಕಾಂತ್​ ವಿಶ್ವದ 2ನೇ ಶ್ರೇಯಾಂಕ ಹಾಗೂ ಟೂರ್ನಿಯಲ್ಲಿ ಅಗ್ರ ಶ್ರೇಯಾಂಕ ಪಡೆದಿರುವ ವಿಕ್ಟರ್​ ಅಕ್ಸೆಲ್ಸನ್​ ವಿರುದ್ಧ 13-21, 19-21 ರ ಅಂತರದಲ್ಲಿ ಸೋಲುವ ಮೂಲಕ ನಿರಾಸೆಯನುಭವಿಸಿದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss