ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
71 ಚೀನೀ ಮಿಲಿಟರಿ ವಿಮಾನಗಳು ಮತ್ತು ಒಂಬತ್ತು ನೌಕಾ ಹಡಗುಗಳನ್ನು ಶನಿವಾರ ಸಂಜೆ 4 ಗಂಟೆಯ ವೇಳೆಗೆ ತೈವಾನ್ ಟ್ರ್ಯಾಕ್ ಮಾಡಿದೆ ಎಂದು ತೈವಾನ್ ನ್ಯೂಸ್ ವರದಿ ಮಾಡಿದೆ. ರಾಷ್ಟ್ರೀಯ ರಕ್ಷಣಾ ಸಚಿವಾಲಯ (MND) ತೈವಾನ್ ಜಲಸಂಧಿಯ ಮಧ್ಯ ರೇಖೆಯನ್ನು ದಾಟಿದ 45 ವಿಮಾನಗಳನ್ನು ಒಳಗೊಂಡಿದೆ. ನೈಋತ್ಯದಿಂದ ತೈವಾನ್‌ನ ವಾಯು ರಕ್ಷಣಾ ಗುರುತಿನ ವಲಯವನ್ನು ಪ್ರವೇಶಿಸಿದೆ ಎಂದು ಹೇಳಿದೆ.
ಮೇಲ್ವಿಚಾರಣೆ ಮಾಡಲಾದ ಚೀನೀ ವಿಮಾನಗಳ ವಿಧಗಳಲ್ಲಿ J-10, J-11, ಮತ್ತು J-16 ಫೈಟರ್ ಜೆಟ್‌ಗಳು, ಕ್ಸಿಯಾನ್ Y-20 ಸಾರಿಗೆ ವಿಮಾನ, H-6K ಸ್ಟ್ರಾಟೆಜಿಕ್ ಬಾಂಬರ್ ಮತ್ತು KJ-500 ವಿಮಾನಗಳಿರುವದಾಗಿ ಘೋಷಿಸಿದೆ.
ಅಧ್ಯಕ್ಷ ತ್ಸೈ ಇಂಗ್-ವೆನ್ ಅವರು ಲಾಸ್ ಏಂಜಲೀಸ್‌ನಿಂದ ಹಿಂದಿರುಗಿದ ಮರುದಿನ, ಶುಕ್ರವಾರ ತೈವಾನ್ ಸುತ್ತಲೂ ಮೂರು ದಿನಗಳ ಮಿಲಿಟರಿ ವ್ಯಾಯಾಮಗಳನ್ನು ಬೀಜಿಂಗ್ ಘೋಷಿಸಿದ ಬಳಿಕ ಈ ಬೆಳವಣಿಗೆಗಳು ನಡೆಯುತ್ತಿವೆ.
ಚೀನಾದ ಮಾನ್‌ಶಾನ್ ಯುದ್ಧನೌಕೆಯ ಚಲನವಲನವನ್ನು ನೌಕಾಪಡೆಯ ಅಧಿಕಾರಿಗಳು ಮೇಲ್ವಿಚಾರಣೆ ಮಾಡುತ್ತಿರುವುದನ್ನು ತೋರಿಸುವ ಚೆಂಗ್ ಕುಂಗ್-ಕ್ಲಾಸ್ ಚಾಂಗ್ ಚಿಯೆನ್ ಕ್ಷಿಪಣಿ ಯುದ್ಧನೌಕೆಯಿಂದ ತೆಗೆದ ಫೋಟೋವನ್ನು ಸಚಿವಾಲಯ ಬಿಡುಗಡೆ ಮಾಡಿದೆ.
ಚೀನಾ ಪ್ರಾದೇಶಿಕ ಅಭದ್ರತೆ ಮತ್ತು ಅಸ್ಥಿರತೆಯನ್ನು ಉಂಟುಮಾಡುತ್ತಿದೆ ಎಂದು MND ಆರೋಪಿಸಿದ್ದು, ಸಶಸ್ತ್ರ ಪಡೆಗಳು ತಮ್ಮ ಜಾಗರೂಕತೆ ಮತ್ತು ಸನ್ನದ್ಧತೆಯನ್ನು ಹೆಚ್ಚಿಸಿದೆ. ತೈವಾನ್‌ನ ಸುತ್ತಲೂ ಚೀನಾದ ಮಿಲಿಟರಿ ಡ್ರಿಲ್‌ಗಳ ವಿರುದ್ಧ ತೈವಾನ್ ಪ್ರತಿಭಟನೆ ಕೈಗೊಂಡಿದ್ದು, ಯಾವುದೇ ಬೆದರಿಕೆಗಳಿಗೆ ದೇಶ ಮಣಿಯುವುದಿಲ್ಲ ಎಂಬ ಸಂದೇಶ ರವಾನಿಸಿದೆ.
