ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತದ ಹೆಮ್ಮೆಯ ಸಂಘಟಿತ ಸಂಸ್ಥೆಗಳಲ್ಲಿ ಒಂದಾದ ಟಾಟಾ ಗ್ರೂಪ್ ಮುಂಬರುವ ವರ್ಷಗಳಲ್ಲಿ ದೇಶದೊಳಗೆ ಅರೆವಾಹಕಗಳನ್ನು ಉತ್ಪಾದಿಸುವ ಯೋಜನೆಯನ್ನು ಪ್ರಕಟಿಸಿದೆ ಎಂದು ಖಾಸಗಿ ಮಾಧ್ಯಮವೊಂದು ವರದಿ ಮಾಡಿದೆ.
ಈ ಕುರಿತು Nikkei Asia ಗೆ ನೀಡಿದ ಸಂದರ್ಶನದಲ್ಲಿ, ಟಾಟಾ ಸನ್ಸ್ ಅಧ್ಯಕ್ಷ ನಟರಾಜನ್ ಚಂದ್ರಶೇಖರನ್ ಅವರು ಎಲೆಕ್ಟ್ರಿಕ್ ವಾಹನಗಳಂತಹ ಉದಯೋನ್ಮುಖ ಕ್ಷೇತ್ರಗಳಲ್ಲಿ ಈಗಾಗಲೇ ತನ್ನ ಛಾಪು ಮೂಡಿಸುರುವ ಸಂಸ್ಥೆಯು ಇದೀಗ ಸೆಮಿಕಂಡಕ್ಟರ್ ಉತ್ಪಾದನೆ ಪ್ರಾರಂಭಿಸಲು ಯೋಜಿಸುತ್ತಿದೆ ಎಂದು ಬಹಿರಂಗಪಡಿಸಿದ್ದಾರೆ ಎನ್ನಲಾಗಿದೆ.
“ನಾವು ಟಾಟಾ ಎಲೆಕ್ಟ್ರಾನಿಕ್ಸ್ ಅನ್ನು ರಚಿಸಿದ್ದೇವೆ, ಅದರ ಅಡಿಯಲ್ಲಿ ನಾವು ಸೆಮಿಕಂಡಕ್ಟರ್ ಅಸೆಂಬ್ಲಿ ಪರೀಕ್ಷಾ ವ್ಯವಹಾರವನ್ನು ಸ್ಥಾಪಿಸಲಿದ್ದೇವೆ” ಎಂದು ಚಂದ್ರಶೇಖರನ್ ನಿಕ್ಕಿ ಏಷ್ಯಾ ವರದಿಯಲ್ಲಿ ಉಲ್ಲೇಖಿಸಿದ್ದಾರೆ.ಅಸ್ತಿತ್ವದಲ್ಲಿರುವ ಚಿಪ್ ತಯಾರಕರೊಂದಿಗೆ ಪಾಲುದಾರಿಕೆ ಮಾಡುವ ಸಾಧ್ಯತೆಯನ್ನು ಅವರು ಪ್ರಸ್ತಾಪಿಸಿದ್ದು ಅಂತಿಮವಾಗಿ ಅಪ್‌ಸ್ಟ್ರೀಮ್ ಚಿಪ್ ಫ್ಯಾಬ್ರಿಕೇಶನ್ ಪ್ಲಾಟ್‌ಫಾರ್ಮ್ ಅನ್ನು ಪ್ರಾರಂಭಿಸುವ ಕುರಿತು ಮಾಹಿತಿ ನೀಡಿದ್ದಾರೆ.
ಭಾರತದಲ್ಲಿ ಸ್ಮಾರ್ಟ್‌ಫೋನ್‌ಗಳು ಮತ್ತು ಎಲೆಕ್ಟ್ರಿಕ್ ವಾಹನಗಳಂತಹ ಸೆಮಿಕಂಡಕ್ಟರ್ ಆಧರಿತ ಉತ್ಪನ್ನಗಳಿಗೆ ಬೇಡಿಕೆ ವೇಗವಾಗಿ ಬೆಳೆಯುತ್ತಿರುವುದರಿಂದ ಚಿಪ್‌ಮೇಕಿಂಗ್‌ಗೆ ಟಾಟಾ ಕೂಡ ಚಿಂತಿಸುತ್ತಿದೆ ಎನ್ನಲಾಗಿದೆ.
ಇಂಡಿಯಾ ಎಲೆಕ್ಟ್ರಾನಿಕ್ಸ್ ಮತ್ತು ಸೆಮಿಕಂಡಕ್ಟರ್ ಅಸೋಸಿಯೇಷನ್ ಪ್ರಕಾರ, ಭಾರತದ ಸೆಮಿಕಂಡಕ್ಟರ್ ಮಾರುಕಟ್ಟೆಯು 2021 ಮತ್ತು 2026 ರ ನಡುವೆ 64 ಶತಕೋಟಿ ಡಾಲರ್‌ ಗೆ ದ್ವಿಗುಣಗೊಳ್ಳುವ ನಿರೀಕ್ಷೆಯಿದೆ.
ಜಾಗತಿಕ ಚಿಪ್ ಕೊರತೆ ಮತ್ತು US ಮತ್ತು ಚೀನಾ ನಡುವೆ ಹೆಚ್ಚುತ್ತಿರುವ ಉದ್ವಿಗ್ನತೆಗಳು ಪ್ರಮುಖ ಚಿಪ್‌ಮೇಕರ್‌ಗಳು ಹೆಚ್ಚು ವೈವಿಧ್ಯಮಯ ಪೂರೈಕೆ ಸರಪಳಿ ಸ್ಥಳಗಳನ್ನು ಹುಡುಕಲು ಕಾರಣವಾಗಿವೆ. ಇದು ಪ್ರಸ್ತುತ ಪೂರ್ವ ಮತ್ತು ಆಗ್ನೇಯ ಏಷ್ಯಾದಲ್ಲಿ ಕೇಂದ್ರೀಕೃತವಾಗಿರುವ ಚಿಪ್ ಪೂರೈಕೆ ಸರಪಳಿಗಳನ್ನು ವೈವಿಧ್ಯಗೊಳಿಸಲು ಆವೇಗವನ್ನು ಸೃಷ್ಟಿಸಿದೆ.
ಅರೆವಾಹಕ ತಂತ್ರಜ್ಞಾನದ ಹೊಸ ಕೇಂದ್ರವಾಗಿ ಭಾರತ ಹೊರಹೊಮ್ಮುತ್ತಿದ್ದು ಈ ಬದಲಾವಣೆಯ ಲಾಭವನ್ನು ಪಡೆಯಲು ಟಾಟಾ ಮತ್ತು ಭಾರತ ಸರ್ಕಾರ ಎರಡೂ ಎದರುರ ನೋಡುತ್ತಿವೆ ಎಂದು ಮೂಲಗಳ ವರದಿ ಉಲ್ಲೇಖಿಸಿದೆ.
