ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಗಳ ಪಟ್ಟಿ ಹೊರಬಿದಿದ್ದು, ಟೆಸ್ಲಾ ಮತ್ತು ಸ್ಪೇಸ್‌ಎಕ್ಸ್ ಸಿಇಒ ಎಲಾನ್ ಮಸ್ಕ್ ಈ ವರ್ಷದ ಜಗತ್ತಿನ ಸಿರಿವಂತರಾಗಿದ್ದು, 274.3 ಬಿಲಿಯನ್ ಡಾಲರ್ ಸಂಪತ್ತ ಇವರ ಬಳಿಯಿದೆ.
2022ರ ಫೋರ್ಬ್ಸ್ ಬಿಲಿಯನೇರ್‌ಗಳ ಪಟ್ಟಿಯ ಪ್ರಕಾರ, . ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ಅವರಿಗಿಂತ 100 ಕೋಟಿಗೂ ಅಧಿಕ ಸಂಪತ್ತನ್ನು ಹೊಂದಿರುವ ಮಸ್ಕ್ ಅವರ ನಿವ್ವಳ ಮೌಲ್ಯವು 270 ಬಿಲಿಯನ್ ಡಾಲರ್ಗೆ ಏರಿದೆ.
ಕೋವಿಡ್ ಸಾಂಕ್ರಾಮಿಕದ ಹೊಡೆತದ ಬಳಿಕ ಅತಿ ಹೆಚ್ಚು ನಷ್ಟ ಹೊಂದಿದವರಲ್ಲಿ ಎಲಾನ್ ಮಸ್ಕ್ ಕೂಡ ಒಬ್ಬರು. ಇದರಿಂದ 2020 ರ ಆರಂಭದಲ್ಲಿ ಮಸ್ಕ್ ಕೇವಲ 26.6 ಬಿಲಿಯನ್ ಡಾಲರ್ ಮೌಲ್ಯ ಸಂಪತ್ತನ್ನು ಹೊಂದಿದ್ದರು. ಆದರೆ ಈ ವರ್ಷ ಅವರ ಸಂಪತ್ತು ಏಕಾಏಕಿ 110 ಬಿಲಿಯನ್ ಡಾಲರ್ಗಳಷ್ಟು ವೃದ್ಧಿಸಿದೆ.
ಅವರ ಬಳಿಕ ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ಸ್ಥಾನದಲ್ಲಿದ್ದು, ೧೮೦. ೨ ಬಿಲಿಯನ್ ಡಾಲರ್ನಷ್ಟು ಹೊಂದಿದ್ದಾರೆ. ನಂತರ ಎಲ್ವಿಎಂಎಚ್ ಸಿಇಒ ಬರ್ನಾರ್ಡ್ 165.5 ಬಿಲಿಯನ್ ಡಾಲರ್ ಸಂಪತ್ತನ್ನು ಹೊಂದಿ ವಿಶ್ವದ ಮೂರನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಅವರು ಮೈಕ್ರೋಸಾಫ್ಟ್ ಸಂಸ್ಥಾಪಕರಾದ ಬಿಲ್ ಗೇಟ್ಸ್ (134.2 ಬಿಲಿಯನ್ ಡಾಲರ್) ಮತ್ತು ಸ್ಟೀವ್ ಬಾಲ್ಮರ್ (97 ಬಿಲಿಯನ್ ಡಾಲರ್) ಅವರು ನಂತರದ ಸ್ಥಾನದಲ್ಲಿದ್ದಾರೆ.
ಮುಖೇಶ್ ಅಂಬಾನಿ ಭಾರತದ ಶ್ರೀಮಂತ:
ಫೋರ್ಬ್ಸ್ ಪಟ್ಟಿಯಲ್ಲಿ ಭಾರತದ ರಿಲಯನ್ಸ್ ಕಂಪನಿ ಮುಖ್ಯಸ್ಥ ಮುಖೇಶ್ ಅಂಬಾನಿ ಅಗ್ರ 10 ಶ್ರೀಮಂತರಲ್ಲಿ ಕಾಣಿಸಿಕೊಂಡಿದ್ದಾರೆ. 10 ನೇ ಸ್ಥಾನದಲ್ಲಿರುವ ಮುಖೇಶ್ ಅಂಬಾನಿ ಅವರು ಭಾರತದ ಶ್ರೀಮಂತರಲ್ಲಿ ಪ್ರಥಮರಾಗಿದ್ದಾರೆ. ಗೌತಮ್ ಅದಾನಿ 11 ಸ್ಥಾನದಲ್ಲಿದ್ದು, ದೇಶದ 2ನೇ ಶ್ರೀಮಂತರಾಗಿದ್ದಾರೆ.
