ಹೊಸದಿಗಂತ ಡಿಜಿಟಲ್ ಡೆಸ್ಕ್
ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯವಾಗಿರುವ ಮಹೀಂದ್ರಾ ಗ್ರೂಪ್ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರು ,ಇತ್ತೀಚೆಗೆ ರಿಟ್ವೀಟ್ ಮಾಡಿದ ಪೋಸ್ಟ್ ಗೆ ವಿಶೇಷ ಫೋಟೋ ಜೊತೆಗೆ ಚಿಂತನಾ ಪ್ರಚೋದಕ ಶೀರ್ಷಿಕೆ ನೀಡಿದ್ದು, ಎಲ್ಲೆಡೆ ವೈರಲ್ ಆಗಿದೆ.
ಜುಲೆ 21 ರಂದು ಮಂಗಳ ಗ್ರಹದಿಂದ ತೆಗೆದ ಭೂಮಿಯ ಚಿತ್ರವನ್ನು ಆನಂದ್ ಮಹೀಂದ್ರಾ ಹಂಚಿಕೊಂಡಿದ್ದಾರೆ. ಗ್ರೇ ಕಲರ್ನ ವಿಸ್ತಾರವಾದ ಪ್ರದೇಶದಲ್ಲಿ ಭೂಮಿ ಸಣ್ಣ ಚುಕ್ಕೆಯಂತೆ ಗೋಚರಿಸುತ್ತದೆ. ಈ ಅದ್ಭುತ ಫೋಟೋವನ್ನು ವಾಸ್ತವವಾಗಿ ಮಂಗಳ ಗ್ರಹದಿಂದ ತೆಗೆಯಲಾಗಿದೆ. ಹೌದು, ಆ ಚಿಕ್ಕ ನಕ್ಷತ್ರದಂತಹ ಬಿಳಿ ಚುಕ್ಕೆ ನಮ್ಮ ಪ್ರೀತಿಯ ಭೂಮಿಯಾಗಿದೆ’ ಎಂದು ಎರಡು ಸಾಲನ್ನು ಬರೆದಿದ್ದಾರೆ. ‘ಈ ಫೋಟೋ ನಮಗೆ ಕಲಿಸಬೇಕಾದ ಒಂದೇ ಒಂದು ವಿಷಯವಿದ್ದರೆ, ಅದು ನಮ್ರತೆ’ ಎಂದು ಅವರು ಬರೆದಿದ್ದಾರೆ.
If there’s just one thing this photo should teach us….it’s humility.. https://t.co/S2WN9thBBd
— anand mahindra (@anandmahindra) July 21, 2022
ಈ ಪೋಸ್ಟ್ ನೆಟ್ಟಿಗರಿಂದ ಬಗೆಬಗೆಯ ಅಭಿಪ್ರಾಯಗಳನ್ನು ಪಡೆದುಕೊಂಡಿತು. ಒಬ್ಬರು, ಮಂಗಳ ಗ್ರಹವನ್ನು ಭವಿಷ್ಯದ ಪೀಳಿಗೆಗೆ ‘ಸೆಲ್ಫಿ ಪಾಯಿಂಟ್’ ಎಂದೂ ಕರೆದಿದ್ದಾರೆ. ‘ಈ ಇಡೀ ವಿಶ್ವದಲ್ಲಿ ನಾವು ಕೇವಲ ಒಂದು ಸಣ್ಣ ಧೂಳಿನ ಚುಕ್ಕೆ! ಎಂದು ಇನ್ನೊಬ್ಬರು ಅಭಿಪ್ರಾಯಪಟ್ಟಿದ್ದಾರೆ.