ಈಗ ಚಳಿಯಾಗೋಕೆ ಚಳಿಗಾಲವೇ ಬೇಕಿಲ್ಲ, ಯಾವಾಗ ಬೇಕು ಆವಾಗ ಚಳಿ, ಮಳೆ, ಬಿಸಿಲು ಎಲ್ಲಾ ರೀತಿಯ ಹವಾಮಾನ ವೈಪರೀತ್ಯಗಳನ್ನು ನಾವು ಎದುರಿಸುತ್ತಿದ್ದೇವೆ. ಚಳಿ ಎನಿಸಿದಾಗ ನಮ್ಮ ದೇಹವನ್ನು ಬೆಚ್ಚಗೆ ಇಡಬೇಕು.
ವೈರಸ್ ಹಾಗೂ ಸೋಂಕುಗಳ ವಿರುದ್ಧ ಹೋರಾಡುವ ನಿಮ್ಮ ದೇಹದ ಸಾಮರ್ಥ್ಯದ ಮೇಲೆ ಶೀತ ವಾತಾವರಣ ಪರಿಣಾಮ ಬೀರುತ್ತದೆ. ಹೀಗಾಗಿ ಚಳಿಯಿಂದ ರಕ್ಷಣೆ ಪಡೆಯುವುದು ಅತಿ ಮುಖ್ಯವಾಗಿದೆ. ಬೆಚ್ಚಗಿರುವುದರ ಮೂಲಕ ನಿಮ್ಮ ಆರೋಗ್ಯ ಚೆನ್ನಾಗಿ ಇಟ್ಟುಕೊಳ್ಳಬಹುದು..
ಯಾವಾಗಲೂ ಸ್ವೆಟರ್ ಹಾಕುವುದನ್ನು ಮರೆಯಬೇಡಿ, ದೇಹ ಬೆಚ್ಚಗಿರಲಿ.
ಕಿವಿಯ ಒಳಗಿಂದ ಥಂಡಿ ಗಾಳಿ ದೇಹದ ಒಳಗೆ ಹೋಗುತ್ತದೆ. ಆ ಕಾರಣ ಟೋಪಿ ಧಾರಣೆ ಮಾಡಿ.
ಹೊರಗೆ ಓಡಾಡುವುದಾದರೆ ಮೂಗಿಗೆ ಬಟ್ಟೆಯನ್ನು ಅಥವಾ ಮಾಸ್ಕ್‌ನ್ನು ಬಳಸಿ. ಮೂಗಿನಿಂದ ಗಾಳಿ ಹೋಗಿ, ಸೈನಸ್, ಶೀತ ಹಾಗೂ ಉಸಿರಾಟದ ತೊಂದರೆಯಂಥ ಸಮಸ್ಯೆ ಕಾಣುತ್ತದೆ.
ಚಳಿ ಎಂದು ಸುಮ್ಮನೆ ಹೊದ್ದು ಮಲಗಬೇಡಿ. ದೇಹಕ್ಕೆ ಚಟುವಟಿಕೆ ನೀಡುವುದರಿಂದ ದೇಹ ಬಿಸಿಯಾಗುತ್ತದೆ. ಕೈಲಾದಷ್ಟು ವ್ಯಾಯಾಮ ಮಾಡಿ.
ಬಿಸಿಬಿಸಿಯಾದ ಆಹಾರ ಸೇವನೆ ಮಾಡಿ, ಆಹಾರ ಬಿಸಿ ಮಾಡಿ ಎರಡು ನಿಮಿಷಕ್ಕೆ ಅದು ತಣ್ಣಗಾಗುತ್ತದೆ. ಬಿಸಿಬಿಸಿಯಾದ ಆಹಾರವನ್ನೇ ಸೇವಿಸಿ.
ಬಟ್ಟೆಗಳ ಲೇಯರ್ ನಿಮ್ಮ ಮೈಮೇಲೆ ಇರಲಿ. ಉದ್ದ ತೋಳಿನ ಅಂಗಿಗಳು, ಸ್ವೆಟರ್, ಹುಡ್ಡಿಗಳು ಕಬೋರ್ಡ್‌ನಿಂದ ನಿಮ್ಮ ಮೈಮೇಲೆ ಬರಲಿ.
ಆಗಾಗ ಕಷಾಯ, ಬಿಸಿ ನೀರು ಸೇವಿಸುತ್ತಿರಿ. ಚಳಿ ಎಂದು ಹೆಚ್ಚು ಜಂಕ್ ಫುಡ್, ಎಣ್ಣೆಯಲ್ಲಿ ಕರಿದ ಪದಾರ್ಥಗಳನ್ನು ತಿನ್ನಬೇಡಿ.
