ಡಿಫರೆಂಟ್ ಆಗಿ ವೆಡ್ಡಿಂಗ್ ಫೋಟೋ ಶೂಟ್ ಮಾಡಿಸಿಕೊಂಡು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾದ ಜೋಡಿ.. ಕಾರಣ ಏನು ಗೊತ್ತಾ?

ಹೊಸ ದಿಗಂತ ಆನ್ ಲೈನ್ ಡೆಸ್ಕ್:

ಇತ್ತೀಚೆಗೆ ಡಿಫರೆಂಟ್ ಆಗಿ ಫೋಟೋ ಶೂಟ್ ಮಾಡಿಸಿ ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡುವುದು ಒಂದು ಕ್ರೇಜ್ ಆಗಿದೆ. ಅದರಲೂ ವೆಡ್ಡಿಂಗ್ ಶೂಟ್ ಗಳನ್ನು ನಾನಾತರದಲ್ಲಿ ಮಾಡಿಸುತ್ತಾರೆ.

ಇದೀಗ ಡಿಫರೆಂಟ್ ಆಗಿ ವೆಡ್ಡಿಂಗ್ ಫೋಟೋ ಶೂಟ್ ಮಾಡಿಸಿದ ಇಸ್ಲಾಮಾಬಾದ್​ ಜೋಡಿಯ ವಿರುದ್ಧ ಎಲ್ಲೆಡೆ ಆಕ್ರೋಶ ವ್ಯಕ್ತವಾಗಿದೆ.

ಹೌದು.. ಈ ದಂಪತಿ ಸಿಂಹದ ಮರಿಯ ಜೊತೆ ವಿಡಿಯೋ, ಫೋಟೋ ಶೂಟ್ ಮಾಡಿಸಿಕೊಂಡಿದ್ದಾರೆ.  ಇದು ಪ್ರಾಣಿ ಹಿಂಸೆಗೆ ಸಮವಾಗಿದ್ದು ಎಂದು ನೆಟ್ಟಿಗರ  ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.

@PunjabWildlife does your permit allow for a lion cub to be rented out for ceremonies?Look at this poor cub sedated and being used as a prop.This studio is in Lahore where this cub is being kept.Rescue him please pic.twitter.com/fMcqZnoRMd

— save the wild (@wildpakistan) March 7, 2021

ಈ ವೆಡ್ಡಿಂಗ್ ಶೂಟ್ ಮಾಡಿದ ಸ್ಟುಡಿಯೋ ಇನ್ಸ್ಟಾಗ್ರಾಂ ಖಾತೆ ಈ ಫೋಟೋ, ವಿಡಿಯೋ ಹಂಚಿಕೊಂಡಿದ್ದು, ಫೋಟೋಗಾಗಿಯೇ ಹುಲಿ ಮರಿಯನ್ನು ತರಲಾಗಿತ್ತು. ಅದು ನಿದ್ದೆ ಮಾಡುತ್ತಿರುವಾಗ ಫೋಟೋ ತೆಗೆಸಿಕೊಂಡಿರುವುದಾಗಿ ಅವರು ಹೇಳಿದ್ದರು.

ನಂತರ  “ಸ್ಟುಡಿಯೋ ಈ ಪ್ರಾಣಿಯನ್ನು ದುರುಪಯೋಗಪಡಿಸಿಕೊಂಡಿದೆ, ಅದಕ್ಕೆ ನಿದ್ರೆ ಭರಿಸುವ ಔಷಧಿ ಕೊಟ್ಟು ಫೋಟೋ ತೆಗೆಯಲಾಗಿದೆ” ಎಂದು ನೆಟ್ಟಿಗರು ಕಮೆಂಟ್ ಮಾಡುವ ಮೂಲಕ ವಿರೋಧ ವ್ಯಕ್ತಪಡಿಸಿದ್ದರು.

ಈ ಎಲ್ಲ ಟೀಕೆ, ವಿರೋಧಗಳ ನಂತರ ಸ್ಟುಡಿಯೋ ಆ ಫೋಟೋವನ್ನು ತನ್ನ ಖಾತೆಯಿಂದ ಡಿಲೀಟ್ ಮಾಡಿದೆ. ಆದಾಗ್ಯೂ ಅದರ ಸ್ಕ್ರೀನ್ ಶಾಟ್ ಗಳು ಎಲ್ಲೆಡೆ ಹರಿದಾಡುತ್ತಿವೆ.

ಈ ಸಿಂಹದ ಮರಿಯನ್ನು ದುರುಪಯೋಗಪಡಿಸಿಕೊಂಡಿಲ್ಲ ಅಥವಾ ಅದಕ್ಕೆ ನಿದ್ರೆ ಭರಿಸುವ ಔಷಧಿ ಕೊಟ್ಟಿಲ್ಲ, ಅದು ಸಾಕುಪ್ರಾಣಿ ಆಗಿದ್ದು, ಫೋಟೋ ಶೂಟ್ ಸಮಯದಲ್ಲಿ ಅದರ ಮಾಲೀಕರು ಸಹ ಇದ್ದರು ಎಂದು  ಸ್ಟುಡಿಯೋ ಸ್ಪಷ್ಟಪಡಿಸಿದೆ. ಆದರೂ ನೆಟ್ಟಿಗರೂ ಆಕ್ರೋಶ ವ್ಯಕ್ತ ಪಡಿಸುತ್ತಿದ್ದಾರೆ