Monday, July 4, 2022

Latest Posts

‘ವೆಲ್​ ಕಮ್​ ಬ್ಯಾಕ್​​, ಏರ್​ ಇಂಡಿಯಾ’: ಸಂತಸ ಹಂಚಿಕೊಂಡ ರತನ್​ ಟಾಟಾ!

ಹೊಸದಿಗಂತ ಆನ್ ಲೈನ್ ಡೆಸ್ಕ್:

68 ವರ್ಷಗಳ ನಂತರ ಏರ್​ ಇಂಡಿಯಾ ವಿಮಾನಯಾನ ಸಂಸ್ಥೆ ಬರೋಬ್ಬರಿ 18,000 ಕೋಟಿ ರೂಪಾಯಿಗೆ ಟಾಟಾ ಸನ್ಸ್​​​ ಗ್ರೂಪ್​​ ಪಾಲಾಗಿದೆ. ತಮ್ಮ ತೆಕ್ಕೆಗೆ ಏರ್​ ಇಂಡಿಯಾ ಸೇರಿಕೊಳ್ಳುತ್ತಿದ್ದಂತೆ ರತನ್​ ಟಾಟಾ ಟ್ವೀಟ್ ಮಾಡಿ ಸಂತಸ ಹೊರಹಾಕಿದ್ದಾರೆ.
“ವೆಲ್​ ಕಮ್​ ಬ್ಯಾಕ್​​, ಏರ್​ ಇಂಡಿಯಾ”(“Welcome back, Air India,”) ಎಂದು ಟ್ವಿಟರ್​ನಲ್ಲಿ ಬರೆದುಕೊಳ್ಳುವ ಮೂಲಕ ರತನ್ ಟಾಟಾ ತಮ್ಮ ಸಂತಸ ಹೊರಹಾಕಿದ್ದಾರೆ.
1953ರಲ್ಲಿ ಭಾರತ ಸರ್ಕಾರದ ಪಾಲಾಗಿದ್ದ ಎರ್​ ಇಂಡಿಯಾ 2007 ರ ನಂತರ ಸಾಲದ ಸುಳಿಗೆ ಸಿಲುಕಿಕೊಂಡಿತ್ತು. ಹೀಗಾಗಿ 2001ರಲ್ಲಿ ಅಟಲ್​ ಬಿಹಾರಿ ವಾಜಪೇಯಿ ನೇತೃತ್ವದ ಎನ್​ಡಿಎ ಸರ್ಕಾರ ಏರ್​ಲೈನ್​ ಮಾರಾಟದ ಮೊದಲ ಪ್ರಯತ್ನ ಮಾಡಿತ್ತು. ಈ ವೇಳೆ ಶೇ. 40ರಷ್ಟು ಷೇರು ಮಾರಾಟ ಮಾಡಲಾಗಿತ್ತು. 2002-03 ಏರ್ ಇಂಡಿಯಾ ಕಂಪನಿ 133 ಕೋಟಿ ರೂ. ಹಾಗೂ 2003-04ರಲ್ಲಿ 105 ಕೋಟಿ ರೂ. ಲಾಭದಲ್ಲಿತ್ತು. ಆ ಬಳಿಕ 2018ರಲ್ಲೂಮೋದಿ ಸರ್ಕಾರ ಏರ್ ಇಂಡಿಯಾ ಮಾರಾಟ ಮಾಡುವ ಕಸರತ್ತು ನಡೆಸಿತ್ತು. ಆದರೆ, ಈ ವೇಳೆ ಅದು ಸಫಲ ಆಗಿರಲಿಲ್ಲ. ಇದಾದ ಬಳಿಕ ವಿಮಾನಯಾನ ಸಂಸ್ಥೆಯ ಒಟ್ಟು ಸಾಲದ ಮೊತ್ತ 61,562 ಕೋಟಿ ರೂ. ಆಗಿದೆ. ಹೀಗಾಗಿ ಕೇಂದ್ರ ಸರ್ಕಾರ ಈ ಸಲ 18,000 ಕೋಟಿ ರೂ.ಗೆ ವಿಮಾನಯಾನ ಸಂಸ್ಥೆ ಮಾರುವಲ್ಲಿ ಯಶಸ್ವಿಯಾಗಿದೆ.
1932ರ ಅಕ್ಟೋಬರ್​ನಲ್ಲಿ ‘ಟಾಟಾ ಏರ್‌ಲೈನ್ಸ್’ ಹೆಸರಿನಲ್ಲಿ ಏರ್ ಇಂಡಿಯಾವನ್ನು ಟಾಟಾ ಗ್ರೂಪ್ ಸ್ಥಾಪಿಸಿತ್ತು. 1953 ರಲ್ಲಿ ಭಾರತ ಸರ್ಕಾರವು ಇದನ್ನು ರಾಷ್ಟ್ರೀಕರಣಗೊಳಿಸಿತ್ತು. ಆದರೆ, ಕಳೆದ ಕೆಲ ವರ್ಷಗಳಿಂದ ಏರ್​ ಇಂಡಿಯಾ ವಿಮಾನಯಾನವು ಭಾರೀ ನಷ್ಟ ಅನುಭವಿಸುತ್ತಿತ್ತು. ಹೀಗಾಗಿ ಇದೀಗ ಶೇ. 100ರಷ್ಟು ಷೇರು ಮಾರಾಟ ಮಾಡಲಾಗಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss