ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಉತ್ತರಾಖಂಡದ ಜೋಶಿಪುರ ಎಂಬು ಊರು ಕುಸಿಯುತ್ತಲೇ ಇದ್ದು, ಸಾಕಷ್ಟು ಆತಂಕಕ್ಕೆ ಎಡೆಮಾಡಿಕೊಟ್ಟಿದೆ. ಈ ಊರು ಕುಸಿಯುತ್ತಿರುವುದು ಏಕೆ? ಇಲ್ಲಿದೆ ಮಾಹಿತಿ..
ಮಾನವ ಮತ್ತು ನಿಸರ್ಗದ ಮೂಲ ಅಂಶಗಳು ಊರು ಕುಸಿಯುವುದಕ್ಕೆ ಕಾರಣವಾಗಿದೆ. ಈ ಬಗ್ಗೆ ವಾಡಿಯಾ ಇನ್ಸಿಟ್ಯೂಟ್ ಆಫ್ ಹಿಮಾಲಯನ್ ಜಿಯಾಲಜಿಯ ನಿರ್ದೇಶಕ ಕಲಾಚಂದ್ ಸೇನ್ ಮಾಹಿತಿ ನೀಡಿದ್ದಾರೆ.
ಇದು ಈಗ ಬಂದ ಬೆಳವಣಿಗೆ ಅಲ್ಲ, ಸುಮಾರು ವರ್ಷಗಳಿಂದ ಬೆಳೆದಿರುವ ಸಮಸ್ಯೆಯಾಗಿದೆ. ಕಲ್ಲುಗಳು ಕುಸಿದು, ಊರಿಗೆ ಊರೇ ನಾಶ ಆಗುತ್ತಿರುವುದಕ್ಕೆ ಮೂರು ಕಾರಣಗಳಿವೆ ಎಂದು ಸೇನ್ ವಿವರಿಸಿದ್ದಾರೆ.
ಶತಮಾನಕ್ಕೂ ಹಿಂದೆ ಭೂಕಂಪ ಸಂಭವಿಸಿದ್ದು, ಅದರ ಅವಶೇಷಗಳ ಮೇಲೆ ಊರು ಅಭಿವೃದ್ಧಿಯಾಗಿದೆ.
ಈ ಪ್ರದೇಶ ಭೂಕಂಪನ ವಲಯ ವಿಯಲ್ಲಿ ನೆಲೆಗೊಂಡಿದ್ದು, ಹೆಚ್ಚು ಭೂಕಂಪನ ಸಂಭವಿಸುತ್ತಲೇ ಇರುತ್ತದೆ.
ಮಣ್ಣಿನಡಿ ನೀರು ಜಿನುಗುತ್ತಲೇ ಇರುವ ಕಾರಣ ಮಣ್ಣು, ಬಂಡೆಗಳ ಧಾರಣ ಶಕ್ತಿ ಕಳೆದುಕೊಳ್ಳುತ್ತವೆ ಎಂದಿದ್ದಾರೆ.
