ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಜಗತ್ತಿನ್ನಲ್ಲೇ ಮೊದಲಬಾರಿಗೆ ಮೂಗಿನ ಮೂಲಕ ನೀಡಬಹುದಾದ ಕೋವಿಡ್ ಲಸಿಕೆಯ ಪ್ರಯೋಗಗಳನ್ನು ಭಾರತದ ಔಷಧಿತಯಾರಿಕಾ ಕಂಪನಿ ಭಾರತ್ ಬಯೋಟೆಕ್ ಪೂರ್ಣಗೊಳಿಸಿರುವುದಾಗಿ ಹೇಳಿದೆ.
ಈ ಕುರಿತು ಭಾರತ್ ಬಯೋಟೆಕ್ನ ಅಧ್ಯಕ್ಷ ಮತ್ತು ಎಂಡಿ ಡಾ.ಕೃಷ್ಣ ಎಲಾ ಅವರು “ಶ್ವದ ಮೊದಲ ಪ್ರಾಯೋಗಿಕವಾಗಿ ಸಾಬೀತಾಗಿರುವ ಮೂಗಿನ ಕೋವಿಡ್ -19 ಲಸಿಕೆಗಾಗಿ ಪ್ರಾಯೋಗಿಕ ಪ್ರಯೋಗವನ್ನು ಪೂರ್ಣಗೊಳಿಸಲಾಗಿದೆ. ಪರೀಕ್ಷೆಯ ಡೇಟಾಗಳನ್ನು ವಿಶ್ಲೇಷಣೆ ಮಾಡಲಾಗುತ್ತಿದೆ. ಎಲ್ಲವೂ ಸರಿಯಾಗಿದ್ದರೆ ಲಸಿಕೆಯನ್ನು ಹೊರತರಲು ಅನುಮತು ಪಡೆಯುತ್ತೇವೆ. ಇದು ವಿಶ್ವದ 1 ನೇ ಪ್ರಾಯೋಗಿಕವಾಗಿ ಸಾಬೀತಾಗಿರುವ ಮೂಗಿನ ಕೋವಿಡ್ -19 ಲಸಿಕೆಯಾಗಿದೆ” ಎಂದು ಹೇಳಿದ್ದಾರೆ.
ಭಾರತ್ ಬಯೋಟೆಕ್ ಪ್ರಕಾರ ಮೂಗಿನ ಮೂಲಕ ಹಾಕಬಹುದಾದ ಈ ಲಸಿಕೆಯು ಮೂಗಿನ ಲೋಳೆಪೊರೆಯಲ್ಲಿ ಸೋಂಕು ಮತ್ತು ಕೋವಿಡ್ ಪ್ರಸರಣ ಎರಡನ್ನೂ ತಡೆಯಲು ಅಗತ್ಯವಾದ ಪ್ರತಿರಕ್ಷಣಾ ಪ್ರತಿಕ್ರಿಯೆಯನ್ನು ಸೃಷ್ಟಿಸುತ್ತದೆ.