ಕೇಂದ್ರದ ಜಲ್ ಸಂಚಯನ್-ಜನ್ ಭಾಗಿದಾರಿ ಅಭಿಯಾನ: ತುಮಕೂರು ಜಿಲ್ಲೆ ಮುಡಿಗೆ ಜೆಎಸ್‌ಜೆಬಿ ರಾಷ್ಟ್ರ ಪ್ರಶಸ್ತಿಯ ಗರಿ

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಕೇಂದ್ರ ಜಲಶಕ್ತಿ ಮಂತ್ರಾಲಯವು ಆರಂಭಿಸಿರುವ “ಜಲ್ ಸಂಚಯನ್-ಜನ್ ಭಾಗಿದಾರಿ” ಅಭಿಯಾನದಡಿ ತುಮಕೂರು ಜಿಲ್ಲೆ ಜೆಎಸ್‌ಜೆಬಿ ರಾಷ್ಟ್ರ ಪ್ರಶಸ್ತಿಗೆ ಭಾಜನವಾಗಿದೆ ಎಂದು ಜಿಲ್ಲಾ ಪಂಚಾಯತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಜಿ. ಪ್ರಭು ತಿಳಿಸಿದ್ದಾರೆ.

ಜಿಲ್ಲೆಯಲ್ಲಿ 2024-25ನೇ ಸಾಲಿನಲ್ಲಿ 9 ಸಾವಿರದ 885 ಜಲಸಂರಕ್ಷಣಾ ಕಾಮಗಾರಿ ಕೈಗೊಂಡು ಪರಿಣಾಮಕಾರಿಯಾಗಿ ಅನುಷ್ಠಾನ ಮಾಡಿರುವುದರಿಂದ ಈ ಪ್ರಶಸ್ತಿ ಲಭಿಸಿದ್ದು, ಪ್ರಶಸ್ತಿಯು 25ಲಕ್ಷ ರೂಪಾಯಿಗಳ ಬಹುಮಾನವನ್ನೊಳಗೊಂಡಿದೆ.