ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬೆಂಗಳೂರು ನಗರದಲ್ಲಿ ರಸ್ತೆ ಬದಿ ವಾಹನಗಳನ್ನು ಪಾರ್ಕಿಂಗ್ ಮಾಡುವ ಸಮಸ್ಯೆಯನ್ನು ನಿಯಂತ್ರಿಸಲು ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (GBA) ತಾತ್ಕಾಲಿಕ ಕ್ರಮಕ್ಕೆ ಮುಂದಾಗಿದೆ.
ಬೀದಿ ಬದಿ, ಫುಟ್ಪಾತ್ ಮತ್ತು ಮನೆ ಮುಂಭಾಗದಲ್ಲಿ ಅಕ್ರಮವಾಗಿ ನಿಲ್ಲಿಸಿರುವ ವಾಹನಗಳನ್ನು ಶೀಘ್ರದಲ್ಲೇ ಟೋಯಿಂಗ್ ಮಾಡಲಾಗುವುದು. ಈ ಯೋಜನೆಯು ಟ್ರಾಫಿಕ್ ಹಿತಾಸಕ್ತಿಯ ಜೊತೆಗೆ ನಗರ ಸಂಚಾರವನ್ನು ಸುಗಮಗೊಳಿಸಲು ನಡೆಸಲಾಗುತ್ತಿದೆ.
ಈಗಾಗಲೇ ಒಂದು ಟೋಯಿಂಗ್ ವಾಹನವನ್ನು ಖರೀದಿಸಿರುವ GBA, ಉಳಿದ ನಾಲ್ಕು ಪಾಲಿಕೆಗಳಲ್ಲಿ ಕೂಡ ಶೀಘ್ರವೇ ವಾಹನಗಳನ್ನು ತರಲು ಸಿದ್ಧತೆ ನಡೆಸಿದೆ. ಪ್ರತಿ ಪಾಲಿಕೆಗೆ ಟೋಯಿಂಗ್ ವ್ಯವಸ್ಥೆಯನ್ನು ಸ್ಥಾಪಿಸಿ ಒಂದು ತಿಂಗಳೊಳಗಾಗಿ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಳಿಸಲು ಜಿಬಿಎ ಸಿದ್ಧತೆ ನಡೆಸುತ್ತಿದೆ. ಇತ್ತೀಚೆಗೆ ನಗರದಲ್ಲಿ ವಾಹನ ಪಾರ್ಕಿಂಗ್ ನಿಯಂತ್ರಣ ಸಮಸ್ಯೆ ಹೆಚ್ಚುತ್ತಲೇ ಬಂದಿದೆ. GBA ಈ ಕಾರ್ಯವನ್ನು ಸ್ವಂತವಾಗಿ ನಿರ್ವಹಿಸುವ ಮೂಲಕ ನಗರ ನಿವಾಸಿಗಳಿಗೆ ಸರಿಯಾದ ಸಂಚಾರ ವ್ಯವಸ್ಥೆ ನೀಡಲು ಪ್ರಯತ್ನಿಸುತ್ತಿದೆ.
