ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಮಹಿಳೆಯರು ಮೈಸೂರು ಸಿಲ್ಕ್‌ ಸೀರೆ ಕೊಳ್ಳೋದಕ್ಕೆ ಕ್ಯೂ ನಿಂತು, ಜಗಳ ಆಡಿಕೊಳ್ಳೋ ಸುದ್ದಿ ಓದಿರ್ತೀರಿ. ಇಲ್ಲಿ ಬಾಯ್ಸ್‌ ಐ ಫೋನ್‌ಗೋಸ್ಕರ ಹೊಡೆದಾಡಿಕೊಂಡಿದ್ದಾರೆ.
ಐಫೋನ್ 17 ಸರಣಿಯ ಮೊದಲ ಮಾರಾಟ ಇಂದು ಪ್ರಾರಂಭವಾಗಿದೆ. ಬೆಳಗ್ಗೆಯಿಂದಲೇ ಆಪಲ್ ಸ್ಟೋರ್ ಹೊರಗೆ ಜನಸಂದಣಿ ಹೆಚ್ಚಿದೆ.
ಇದರಿಂದ ಐಫೋನ್ 17 ಸರಣಿಯ ಕ್ರೇಜ್ ಎಷ್ಟಿದೆ ಎಂಬುದು ಗ್ರಹಿಸಬಹುದು. ಐಫೋನ್ 17, ಐಫೋನ್ 17 ಪ್ರೊ, ಐಫೋನ್ 17 ಪ್ರೊ ಮ್ಯಾಕ್ಸ್ ಮತ್ತು ಐಫೋನ್ ಏರ್ ಆನ್‌ಲೈನ್‌ನಲ್ಲಿಯೂ ಲಭ್ಯವಿದೆ. ಇದರ ಮಧ್ಯೆ ಮುಂಬೈನ ಬಿಕೆಸಿ ಆಪಲ್ ಅಂಗಡಿಯ ಹೊರಗಿನಿಂದ ಬಂದ ವಿಡಿಯೋವೊಂದು ಜನರನ್ನು ಬೆಚ್ಚಿಬೀಳಿಸಿದೆ.
ಐಫೋನ್ 17 ಸರಣಿಯನ್ನು ಖರೀದಿಸಲು ಪ್ರಯತ್ನಿಸುತ್ತಿರುವ ಜನರ ಗುಂಪು ಮುಂಬೈನ ಆಪಲ್ ಸ್ಟೋರ್ ಹೊರಗೆ ನಿಯಂತ್ರಣ ತಪ್ಪಿದ್ದು, ಗುಂಪಿನಲ್ಲಿದ್ದ ಕೆಲವು ಜನರ ನಡುವೆ ತಳ್ಳಾಟ, ಹೊಡೆದಾಟ ಮತ್ತು ಗಲಾಟೆ ನಡೆದಿದೆ. ಭದ್ರತಾ ಸಿಬ್ಬಂದಿ ಮಧ್ಯಪ್ರವೇಶಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದರು.
ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ (ಬಿಕೆಸಿ) ನಲ್ಲಿರುವ ಆಪಲ್ ಸ್ಟೋರ್ ಹೊರಗೆ ಪಿಟಿಐ ಸುದ್ದಿ ಸಂಸ್ಥೆ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದೆ. ಐಫೋನ್ 17 ಸರಣಿಯನ್ನು ಖರೀದಿಸಲು ಜನರು ಬೆಳಿಗ್ಗೆಯಿಂದಲೇ ಸರತಿ ಸಾಲಿನಲ್ಲಿ ನಿಂತಿದ್ದರು. ಇದ್ದಕ್ಕಿದ್ದಂತೆ, ಬೃಹತ್ ಜನಸಮೂಹದಲ್ಲಿ ಅವ್ಯವಸ್ಥೆ ಭುಗಿಲೆದ್ದಿತು, ಮತ್ತು ಕೆಲವರು ತಳ್ಳಾಡಲು ಪ್ರಾರಂಭಿಸಿದರು. ಜನರು ಪರಸ್ಪರ ಒದೆಯುವುದು ಮತ್ತು ಹೊಡೆದಾಡಲು ಶುರುಮಾಡಿದರು. ನಂತರ ಭದ್ರತಾ ಸಿಬ್ಬಂದಿ ಮಧ್ಯಪ್ರವೇಶಿಸಿದರು. ಕಳಪೆ ಭದ್ರತಾ ವ್ಯವಸ್ಥೆಯಿಂದಾಗಿ ಇದು ಸಂಭವಿಸಿದೆ ಎಂದು ಹೇಳಲಾಗಿದೆ. ಆದಾಗ್ಯೂ, ಯಾರಿಗೂ ಗಾಯಗಳಾಗಿಲ್ಲ.
.
ಐಫೋನ್ 17 ಖರೀದಿಗೆ ನೂಕು-ನುಗ್ಗಲು: ಹೊಡೆದಾಟ-ಬಡಿದಾಟ
