ಹಸಿಕೊಬ್ಬರಿಯಿಂದ ಹೊಸ ರೀತಿಯ ಸಿಹಿ ತಿಂಡಿ ಟ್ರೈ ಮಾಡಿ ನೋಡಿ

ಹಸಿ ಕೊಬ್ಬರಿ – 1
ಕಾಲು ಕಪ್ – ಕಾರ್ನ್‌ಫ್ಲೋರ್
ರುಚಿಗೆ ತಕ್ಕಂತೆ – ಸಕ್ಕರೆ
ಮೊದಲು ಹಸಿ ಕೊಬ್ಬರಿ ಹಿಂಭಾಗದ ಕಂದು ಭಾಗವನ್ನು ತೆಗೆದು ಸಣ್ಣ ತುಂಡುಗಳಾಗಿ ಕತ್ತರಿಸಿ.
ಈಗ ಹಸಿ ಕೊಬ್ಬರಿ ತುಂಡುಗಳನ್ನು ಮಿಕ್ಸರ್ ಜಾರ್ನಲ್ಲಿ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಬಳಿಕ ಎರಡು ಕಪ್ ನೀರು ಸೇರಿಸಿ ಮತ್ತೆ ಚೆನ್ನಾಗಿ ಪೇಸ್ಟ್ ಮಾಡಿ.
ಕೊಬ್ಬರಿ ರುಬ್ಬಿದ ಹಾಲನ್ನು ಸೋಸಿ. ಇದಕ್ಕಾಗಿ ಹತ್ತಿ ಬಟ್ಟೆ ತೆಗೆದುಕೊಂಡು ಅದರಲ್ಲಿ ಹಾಲನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ. ರುಬ್ಬುವಾಗ ಹೊರಬರುವ ತುರಿದ ಕೊಬ್ಬರಿ ಎಸೆಯಬೇಡಿ. ಈ ಹಸಿ ಕೊಬ್ಬರಿಯೊಂದಿಗೆ ಜಲ್ಲಿ ತಯಾರಿಸಬಹುದು.
ಈಗ ಒಂದು ಸಣ್ಣ ಬಟ್ಟಲಿನಲ್ಲಿ ಅರ್ಧ ಕಪ್ ನೀರು ತೆಗೆದುಕೊಳ್ಳಿ. ಅದಕ್ಕೆ ಕಾಲು ಕಪ್ ಕಾರ್ನ್‌ಫ್ಲೋರ್ ಸೇರಿಸಿ ಮತ್ತು ಯಾವುದೇ ಉಂಡೆಗಳಿಲ್ಲದೆ ಚೆನ್ನಾಗಿ ಮಿಶ್ರಣ ಮಾಡಬೇಕು. ಈ ಕಾರ್ನ್‌ಫ್ಲೋರ್ ಮಿಶ್ರಣವನ್ನು ತೆಂಗಿನ ಹಾಲಿಗೆ ಸೇರಿಸಿ ಮಿಶ್ರಣ ಮಾಡಿ.
ಪಾತ್ರೆಯಲಿ ಹಾಕಿದ ಕೊಬ್ಬರಿ ಹಾಲಿನ ಮಿಶ್ರಣಕ್ಕೆ ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿ ಕುದಿಸಿ. ಮತ್ತು ತೆಂಗಿನ ಹಾಲು ಯಾವುದೇ ಉಂಡೆಗಳಿಲ್ಲದೇ ದಪ್ಪವಾಗುವವರೆಗೆ ಕುದಿಸಿ.
ಈ ತೆಂಗಿನ ಹಾಲಿನ ಮಿಶ್ರಣವನ್ನು ಗಾಜಿನ ಟ್ರೇಗೆ ವರ್ಗಾಯಿಸಿ ಮತ್ತು ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ. ಬಳಿಕ ಟ್ರೇ ಅನ್ನು ಒಂದು ಗಂಟೆ ಫ್ರಿಜ್‌ನಲ್ಲಿ ಇಡಿ. ನಂತರ ತೆಂಗಿ ಜಲ್ಲಿಯಲ್ಲಿ ನಿಮ್ಮ ಆಯ್ಕೆಯ ಆಕಾರಕ್ಕೆ ಕತ್ತರಿಸಿ ಬಡಿಸಿ. ಇದೀಗ ಮೃದುವಾದ ತೆಂಗಿನ ಜಲ್ಲಿ ಸಿದ್ಧ.