ಏನ್ರಿ ಇದು! ನಾವೆಲ್ಲ ಚಿನ್ನ ಬೆಳ್ಳಿ ಮುಟ್ಟೋಕು ಸಾಧ್ಯನಾ? ಮತ್ತೆ ಇವತ್ತು ರೇಟ್ ಜಾಸ್ತಿಯಾಯ್ತಂತೆ!

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಚಿನ್ನ ಮತ್ತು ಬೆಳ್ಳಿ ದರಗಳು ಭಾರತೀಯ ಮಾರುಕಟ್ಟೆಯಲ್ಲಿ ನಿರಂತರವಾಗಿ ಏರಿಕೆಯಲ್ಲಿವೆ. ನಿನ್ನೆ ದಿನವೂ ನೂರು ರೂಪಾಯಿಯ ಮೇಲೆ ಏರಿಕೆಯಾದ ಚಿನ್ನದ ಬೆಲೆ ಇಂದು 115 ರೂ ಹೆಚ್ಚಳ ಕಂಡು, ಆಭರಣ ಚಿನ್ನದ ದರವು 11,200 ರೂ ಹತ್ತಿರಕ್ಕೆ ಏರಿದೆ. ಅಪರಂಜಿ ಚಿನ್ನದ ಬೆಲೆ 12,200 ರೂ ದಾಟಿದೆ. ಬೆಳ್ಳಿ ಬೆಲೆಯೂ ಸತತ ಏರಿಕೆ ಹೊಂದಿದ್ದು, 100 ಗ್ರಾಂ ಬೆಳ್ಳಿಯ ಬೆಲೆ 15,700 ರೂ ಇದೆ.

ಭಾರತದಲ್ಲಿ 10 ಗ್ರಾಂ 22 ಕ್ಯಾರೆಟ್ ಚಿನ್ನದ ಬೆಲೆ 1,11,850 ರೂ, 24 ಕ್ಯಾರೆಟ್ ಅಪರಂಜಿ ಚಿನ್ನ 1,22,020 ರೂ, 100 ಗ್ರಾಂ ಬೆಳ್ಳಿ 15,700 ರೂ ಆಗಿದ್ದು, ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಚಿನ್ನ-ಬೆಳ್ಳಿ ಬೆಲೆ ಸಮಾನಾಂತರದಲ್ಲಿ ವ್ಯಾಪ್ತಿಯಲ್ಲಿದೆ. ತಮಿಳುನಾಡು, ಕೇರಳ ಮೊದಲಾದ ಕೆಲವು ರಾಜ್ಯಗಳಲ್ಲಿ ಬೆಳ್ಳಿ ಬೆಲೆ 16,700 ರೂ ತಲುಪಿದೆ.

ಬೆಂಗಳೂರು, ಚೆನ್ನೈ, ಮುಂಬೈ, ದೆಹಲಿ, ಕೋಲ್ಕತಾ, ಕೇರಳ, ಅಹ್ಮದಾಬಾದ್, ಜೈಪುರ, ಲಕ್ನೋ, ಭುವನೇಶ್ವರ್ ಸೇರಿದಂತೆ ಪ್ರಮುಖ ನಗರಗಳಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ 11,185 ರೂ – 11,200 ರೂ ವ್ಯಾಪ್ತಿಯಲ್ಲಿ ಇದ್ದರೆ, ವಿದೇಶಗಳಲ್ಲಿ ಮಲೇಷ್ಯಾ 10,953 ರೂ, ದುಬೈ 10,633 ರೂ, ಅಮೆರಿಕ 10,917 ರೂ, ಸಿಂಗಾಪುರ 10,809 ರೂ, ಕತಾರ್ 10,739 ರೂ, ಸೌದಿ ಅರೇಬಿಯಾ 10,625 ರೂ, ಓಮನ್ 10,720 ರೂ, ಕುವೇತ್ 10,425 ರೂ ಆಗಿದೆ.

ಬೆಲೆ ತ್ವರಿತವಾಗಿ ಬದಲಾಗುತ್ತಿರುವುದರಿಂದ, ಪ್ರಮುಖ ಹೂಡಿಕೆಗಳು, ಮೇಕಿಂಗ್ ಚಾರ್ಜ್ ಹಾಗೂ ಜಿಎಸ್ಟಿ ವಿಚಾರಗಳನ್ನು ಗಮನದಲ್ಲಿಟ್ಟುಕೊಂಡು ನಿರ್ಧಾರ ತೆಗೆದುಕೊಳ್ಳುವುದು ಸೂಕ್ತ.