ಬೇಕಾಗುವ ಸಾಮಗ್ರಿಗಳು:
ಹೂರಣಕ್ಕಾಗಿ:
- ತುರಿದ ಕ್ಯಾರೆಟ್: 1 ಕಪ್
- ತುಪ್ಪ: 2 ಚಮಚ
- ಬೆಲ್ಲದ ಪುಡಿ: ಅರ್ಧ ಕಪ್ (ಸಿಹಿ ಇಷ್ಟಪಡುವವರು ಸ್ವಲ್ಪ ಹೆಚ್ಚಿಗೆ ಬಳಸಬಹುದು)
- ಏಲಕ್ಕಿ ಪುಡಿ: ಅರ್ಧ ಚಮಚ
- ನೀರು: ಕಾಲು ಕಪ್
ಹೋಳಿಗೆ ಹಿಟ್ಟಿಗಾಗಿ: - ಗೋಧಿ ಹಿಟ್ಟು: 1 ಕಪ್ (ಮೈದಾ ಹಿಟ್ಟು ಸಹ ಬಳಸಬಹುದು)
- ಎಣ್ಣೆ ಅಥವಾ ತುಪ್ಪ: 2 ಚಮಚ
- ಉಪ್ಪು: ಚಿಟಿಕೆ
- ನೀರು: ಅಗತ್ಯವಿರುವಷ್ಟು
- ಮಾಡುವ ವಿಧಾನ:
- ಮೊದಲಿಗೆ, ಹೋಳಿಗೆ ಹಿಟ್ಟನ್ನು ತಯಾರಿಸಿ. ಒಂದು ದೊಡ್ಡ ಪಾತ್ರೆಯಲ್ಲಿ ಗೋಧಿ ಹಿಟ್ಟು, ಎಣ್ಣೆ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಸ್ವಲ್ಪ ಸ್ವಲ್ಪ ನೀರು ಸೇರಿಸುತ್ತಾ ನಯವಾದ ಮತ್ತು ಮೃದುವಾದ ಹಿಟ್ಟನ್ನು ನಾದಿ. ಹಿಟ್ಟಿಗೆ ಒಂದು ಚಮಚ ಎಣ್ಣೆ ಸವರಿ ಒಂದು ಗಂಟೆ ಕಾಲ ಮುಚ್ಚಿಡಿ.
- ಈಗ, ಹೂರಣ ತಯಾರಿಸಿ. ಒಂದು ಪ್ಯಾನ್ನಲ್ಲಿ ತುಪ್ಪ ಬಿಸಿ ಮಾಡಿ. ತುರಿದ ಕ್ಯಾರೆಟ್ ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ.
- ನಂತರ ಬೆಲ್ಲದ ಪುಡಿ ಮತ್ತು ನೀರು ಸೇರಿಸಿ. ಬೆಲ್ಲ ಕರಗಿದ ನಂತರ, ಮಿಶ್ರಣವು ಗಟ್ಟಿಯಾಗುವವರೆಗೆ ಮಧ್ಯಮ ಉರಿಯಲ್ಲಿ ಬೇಯಿಸಿ.
- ಮಿಶ್ರಣ ಗಟ್ಟಿಯಾದ ಮೇಲೆ, ಏಲಕ್ಕಿ ಪುಡಿ ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿ.
- ಹೂರಣ ತಣ್ಣಗಾದ ಮೇಲೆ, ಸಣ್ಣ ಉಂಡೆಗಳನ್ನು ಮಾಡಿ.
- ಹಿಟ್ಟನ್ನು ಸಣ್ಣ ಉಂಡೆಗಳನ್ನಾಗಿ ಮಾಡಿ, ಅದನ್ನು ಅಂಗೈಯಲ್ಲಿ ತಟ್ಟಿ ಕಪ್ ಆಕಾರ ಮಾಡಿ. ಅದರೊಳಗೆ ಕ್ಯಾರೆಟ್ ಹೂರಣದ ಉಂಡೆಯನ್ನು ಇರಿಸಿ. ನಂತರ ಹಿಟ್ಟಿನಿಂದ ಹೂರಣವನ್ನು ಮುಚ್ಚಿ ಚೆನ್ನಾಗಿ ಮುಚ್ಚಿ.
- ಹೋಳಿಗೆಯನ್ನು ಲಟ್ಟಣಿಗೆಯಿಂದ ನಿಧಾನವಾಗಿ ಲಟ್ಟಿಸಿ, ರೌಂಡ್ ಆಕಾರಕ್ಕೆ ತನ್ನಿ. ಹೋಳಿಗೆ ಒಡೆಯದಂತೆ ಎಚ್ಚರವಹಿಸಿ.
- ಕಾವಲಿಯನ್ನು ಬಿಸಿ ಮಾಡಿ, ತುಪ್ಪ ಅಥವಾ ಎಣ್ಣೆ ಹಾಕಿ. ಹೋಳಿಗೆಯನ್ನು ಎರಡೂ ಕಡೆ ಚಿನ್ನದ ಬಣ್ಣ ಬರುವವರೆಗೆ ಬೇಯಿಸಿ.
- ಬಿಸಿಬಿಸಿಯಾದ ಕ್ಯಾರೆಟ್ ಹೋಳಿಗೆಯನ್ನು ತುಪ್ಪ ಅಥವಾ ಹಾಲು ಜೊತೆ ಸವಿಯಿರಿ.
