ಪ್ರತಿ ವರ್ಷ ನವೆಂಬರ್ 4ರಂದು ನ್ಯಾಷನಲ್ ಕ್ಯಾಂಡಿ ಡೇ (National Candy Day) ಆಚರಿಸಲಾಗುತ್ತದೆ. ಈ ದಿನವು ಕೇವಲ ಸಿಹಿತಿಂಡಿಗಳ ದಿನವಲ್ಲ, ಬದಲಾಗಿ ಸಿಹಿಯ ಮೂಲಕ ಉಂಟಾಗುವ ಸಂತೋಷ, ಹಂಚಿಕೊಳ್ಳುವ ಮತ್ತು ಬಾಲ್ಯದ ನೆನಪುಗಳ ಸಂಭ್ರಮವನ್ನು ಆಚರಿಸುವ ದಿನ. ಕ್ಯಾಂಡಿ ಎಂದರೆ ಕೇವಲ ಒಂದು ಆಹಾರವಸ್ತು ಅಲ್ಲ, ಅದು ಸಂಸ್ಕೃತಿಯ, ಹಬ್ಬಗಳ ಮತ್ತು ಹ್ಯಾಪ್ಪಿನೆಸ್ ನ ಸಂಕೇತ.
‘ಕ್ಯಾಂಡಿ’ ಎಂಬ ಪದದ ಮೂಲ ಪರ್ಷಿಯನ್ ಭಾಷೆಯ “ಕ್ಯಾಂಡ್” ಅಥವಾ “ಕ್ಯಾಂಡಿಸ್” ಎಂಬ ಪದದಿಂದ ಬಂದಿದ್ದು, ಅದರ ಅರ್ಥ ‘ಸಕ್ಕರೆ’ ಅಥವಾ ‘ಸಿಹಿತಿಂಡಿ’. ಈ ಪದವು ನಂತರ ಸಂಸ್ಕೃತದ “ಖಂಡ” ಎಂಬ ಪದದಿಂದ ಪ್ರೇರಿತವಾಗಿದೆ ಎಂದು ಇತಿಹಾಸಕಾರರು ಹೇಳುತ್ತಾರೆ. ‘ಖಂಡ’ ಎಂದರೆ ಸಕ್ಕರೆಯ ತುಂಡು, ಅಂದರೆ ನಾವು ಇಂದಿನ ಕಾಲದಲ್ಲಿ ಬಳಸುವ ಶುದ್ಧ ಸಕ್ಕರೆಯ ಪ್ರಾರಂಭಿಕ ರೂಪ. ಭಾರತದ ಪುರಾತನ ಕಾಲದಲ್ಲಿ ಸಕ್ಕರೆ ಕಬ್ಬಿನಿಂದ ತಯಾರಿಸಿ “ಖಂಡ” ಎಂದು ಕರೆಯಲಾಗುತ್ತಿತ್ತು. ಆ ಪದವೇ ನಂತರ ಪರ್ಷಿಯನ್ ಹಾಗೂ ಅರಬಿಕ್ ಭಾಷೆಗಳ ಮೂಲಕ ಯೂರೋಪ್‌ಗೆ ತಲುಪಿತು ಮತ್ತು ಅಂತಿಮವಾಗಿ “ಕ್ಯಾಂಡಿ” ಆಗಿ ರೂಪಾಂತರಗೊಂಡಿತು.
ಪ್ರಾರಂಭಿಕ ಯುಗದಲ್ಲಿ ಕ್ಯಾಂಡಿ ತಯಾರಿಕೆ ಬಹುಮುಖ್ಯವಾಗಿ ಔಷಧೀಯ ಉದ್ದೇಶಕ್ಕಾಗಿ ಮಾಡಲಾಗುತ್ತಿತ್ತು. ಹಸಿವನ್ನು ತಣಿಸಲು, ಶಕ್ತಿಯನ್ನು ನೀಡಲು ಮತ್ತು ಗಂಟಲಿನ ನೋವು ನಿವಾರಿಸಲು ಸಕ್ಕರೆಯ ಮಿಶ್ರಣಗಳನ್ನು ಉಪಯೋಗಿಸಲಾಗುತ್ತಿತ್ತು. ಕಾಲಕ್ರಮೇಣ ಅದು ಸಾಮಾನ್ಯ ಜನರ ಆಹಾರ ಸಂಸ್ಕೃತಿಯ ಭಾಗವಾಯಿತು. ಇಂದಿನ ಕಾಲದಲ್ಲಿ, ಕ್ಯಾಂಡಿ ಪ್ರಪಂಚದ ಎಲ್ಲೆಡೆ ಅನೇಕ ರೂಪಗಳಲ್ಲಿ ದೊರೆಯುತ್ತದೆ – ಚಾಕೊಲೇಟ್, ಟಾಫಿ, ಗಮ್, ಲಾಲಿಪಾಪ್ ಮತ್ತು ಇನ್ನಿತರ ಸಿಹಿಗಳಾಗಿ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
