ಇಂದಿನ ನಗರ ಜೀವನದಲ್ಲಿ ಹಸಿರು ಸೌಂದರ್ಯವನ್ನು ಮನೆಯಲ್ಲಿ ಕಾಪಾಡಿಕೊಳ್ಳುವುದು ತುಂಬ ಕಷ್ಟದ ಕೆಲಸ. ಆದರೆ ಅಲೋವೆರಾ ಎಂಬ ಈ ಅದ್ಭುತ ಸಸ್ಯವು ನಿಮ್ಮ ಮನೆಯನ್ನು ಸುಂದರಗೊಳಿಸುವುದಷ್ಟೇ ಅಲ್ಲ, ಆರೋಗ್ಯ ಮತ್ತು ಅದೃಷ್ಟವನ್ನೂ ತರುತ್ತದೆ ಎಂದು ನಂಬಲಾಗಿದೆ. ಚರ್ಮ, ಕೂದಲು ಹಾಗೂ ಗೃಹಶೋಭೆಗೆ ಉಪಯುಕ್ತವಾದ ಅಲೋವೆರಾವನ್ನು ಮನೆಯ ಬಾಲ್ಕನಿಯಲ್ಲೇ ಸುಲಭವಾಗಿ ಬೆಳೆಯಬಹುದು. ಇದಕ್ಕೆ ಹೆಚ್ಚು ಕಾಳಜಿ ಬೇಕಿಲ್ಲ. ಸ್ವಲ್ಪ ಪ್ರೀತಿ ಮತ್ತು ಸರಿಯಾದ ವಿಧಾನ ಸಾಕು!
- ಸೂಕ್ತವಾದ ಪಾಟ್ ಮತ್ತು ಸ್ಥಳ ಆಯ್ಕೆ: ಅಲೋವೆರಾವನ್ನು ಬೆಳೆಯಲು ಅಗಲವಿಲ್ಲದ, ಆಳ ಕಡಿಮೆ ಇರುವ, ನೀರು ಬಸಿದು ಹೋಗುವ ರಂದ್ರ ಹೊಂದಿರುವ ಮಣ್ಣಿನ ಮಡಕೆ ಆಯ್ಕೆಮಾಡಿ. ಟೆರಾಕೋಟಾ ಅಥವಾ ಜೇಡಿಮಣ್ಣಿನ ಪಾಟ್ಗಳು ಉತ್ತಮ ಆಯ್ಕೆಯಾಗಿದೆ ಏಕೆಂದರೆ ಅವು ತೇವಾಂಶವನ್ನು ಶೋಷಿಸಿ ಸಸ್ಯದ ಬೇರು ಕೊಳೆಯುವುದನ್ನು ತಪ್ಪಿಸುತ್ತವೆ. ಸಸ್ಯ ಬೆಳಕಿನಲ್ಲಿ ಇರಬೇಕು ಆದರೆ ನೇರ ಮಧ್ಯಾಹ್ನದ ಸೂರ್ಯನ ಬಿಸಿಲು ಅದರ ಮೇಲೆ ಬೀಳಬಾರದು ಇಲ್ಲವಾದರೆ ಎಲೆಗಳು ಕೆಂಪಾಗಿಬಿಡುತ್ತವೆ.
- ಸೂಕ್ತ ಮಣ್ಣು ಬಳಸಿ: ಅಲೋವೆರಾ ನೀರು ತಡೆದುಕೊಳ್ಳದ ಮಣ್ಣಿನಲ್ಲಿ ಉತ್ತಮವಾಗಿ ಬೆಳೆಯುತ್ತದೆ. ಕ್ಯಾಕ್ಟಸ್ ಅಥವಾ ಸಕ್ಯೂಲೆಂಟ್ ಮಿಶ್ರಣಕ್ಕೆ ಸ್ವಲ್ಪ ಮರಳು, ಪರ್ಲೈಟ್ ಅಥವಾ ಗ್ರಿಟ್ ಸೇರಿಸಿ ಬಳಸಿ. ಈ ಮಣ್ಣು ನೀರನ್ನು ಬೇಗನೆ ಹೊರಹಾಕುತ್ತದೆ ಮತ್ತು ಬೇರುಗಳ ಸುತ್ತ ನೀರು ನಿಲ್ಲುವುದನ್ನು ತಡೆಯುತ್ತದೆ.
- ನೀರು ಮಿತವಾಗಿ ಹಾಕಿ: ಅಲೋವೆರಾ ತನ್ನ ಎಲೆಗಳಲ್ಲಿ ನೀರನ್ನೇ ಸಂಗ್ರಹಿಸಿಕೊಳ್ಳುವ ಸಸ್ಯ. ಹೀಗಾಗಿ ನಿರಂತರ ನೀರಿನ ಅಗತ್ಯವಿಲ್ಲ. ಮೇಲ್ಮಣ್ಣು ಸಂಪೂರ್ಣವಾಗಿ ಒಣಗಿದಾಗ ಮಾತ್ರ ನೀರು ಹಾಕಿ. ಚಳಿ ಅಥವಾ ಮಳೆಯ ಕಾಲದಲ್ಲಿ ನೀರಿನ ಪ್ರಮಾಣವನ್ನು ಇನ್ನಷ್ಟು ಕಡಿಮೆ ಮಾಡಿ.
- ತಾಪಮಾನ ಮತ್ತು ಆರೈಕೆ: ಅಲೋವೆರಾ ಬೆಚ್ಚಗಿನ ಹವಾಮಾನವನ್ನು ಇಷ್ಟಪಡುತ್ತದೆ — ಸುಮಾರು 15 ರಿಂದ 27 ಡಿಗ್ರಿ ಸೆಲ್ಸಿಯಸ್ ತಾಪಮಾನ ಅದಕ್ಕೆ ಸೂಕ್ತ. ಹಿಮ ಅಥವಾ ಮಂಜು ಇರುವ ಪ್ರದೇಶಗಳಲ್ಲಿ ಅಲೋವೆರಾವನ್ನು ಒಳಮನೆಗೆ ಸರಿಸಲು ಒಳ್ಳೆಯದು. ಸತ್ತ ಎಲೆಗಳನ್ನು ತೆಗೆದುಹಾಕಿ.
- ಮರುನೆಡುವಿಕೆ (Repotting): ಪ್ರತಿ 2–3 ವರ್ಷಗಳಿಗೊಮ್ಮೆ ಅಲೋವೆರಾವನ್ನು ಹೊಸ ಮಣ್ಣಿನೊಂದಿಗೆ ಸ್ವಲ್ಪ ದೊಡ್ಡ ಮಡಕೆಗೆ ವರ್ಗಾಯಿಸಿ. ಇದು ಸಸ್ಯದ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಮತ್ತು ಪೋಷಕಾಂಶಗಳನ್ನು ಮರುಪೂರೈಸುತ್ತದೆ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
