ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತ ಮತ್ತು ಅಮೆರಿಕ ನಡುವಿನ ರಕ್ಷಣಾ ಸಹಕಾರ ಹೊಸ ಹಂತಕ್ಕೆ ಏರಿದೆ. ಎರಡೂ ರಾಷ್ಟ್ರಗಳ ನಡುವೆ ಮಹತ್ವದ ರಕ್ಷಣಾ ಒಪ್ಪಂದಕ್ಕೆ ಅಮೆರಿಕದ ವಿದೇಶಾಂಗ ಇಲಾಖೆ ಹಸಿರು ನಿಶಾನೆ ತೋರಿದೆ. ಸುಮಾರು ₹775 ಕೋಟಿಯ ಮೌಲ್ಯದ ಈ ಒಪ್ಪಂದದಡಿ, ಭಾರತಕ್ಕೆ ಅತಿ ಆಧುನಿಕ FGM-148 ಜಾವೆಲಿನ್ ಆಂಟಿ-ಟ್ಯಾಂಕ್ ಕ್ಷಿಪಣಿ ವ್ಯವಸ್ಥೆ ಹಾಗೂ ಎಕ್ಸಾಲಿಬರ್ ನಿಖರ-ಮಾರ್ಗದರ್ಶಿತ ಫಿರಂಗಿ ಗೋಲಗಳು ಸಿಗಲಿವೆ. ಇದರಿಂದ ಭಾರತೀಯ ಸೇನೆಯ ತಂತ್ರಜ್ಞಾನದ ಸಾಮರ್ಥ್ಯ ಹಾಗೂ ಯುದ್ಧಸನ್ನಾಹ ಶಕ್ತಿ ಬಹಳ ಹೆಚ್ಚಾಗಲಿದೆ.
ಅಮೆರಿಕಾ ಡಿಫೆನ್ಸ್ ಸೆಕ್ಯುರಿಟಿ ಕೋಆಪರೇಷನ್ ಏಜೆನ್ಸಿ (DSCA) ಪ್ರಕಾರ, ಜಾವೆಲಿನ್ ಪ್ಯಾಕೇಜ್ದಲ್ಲಿ 100 ಕ್ಷಿಪಣಿಗಳು, ಪರೀಕ್ಷಾ ಕ್ಷಿಪಣಿ, 25 ಕಮಾಂಡ್ ಲಾಂಚ್ ಯೂನಿಟ್ಗಳು ಮತ್ತು ತರಬೇತಿ ಸಾಧನಗಳು, ಸಿಮ್ಯುಲೇಷನ್ ರೌಂಡ್ಗಳು, ಬಿಡಿಭಾಗಗಳು ಒಳಗೊಂಡಿದೆ.
ಹೊಸ ಕ್ಷಿಪಣಿ ಫೈರ್-ಅಂಡ್-ಫರ್ಗೆಟ್ ತಂತ್ರಜ್ಞಾನ, ಟಾಪ್-ಅಟ್ಯಾಕ್ ಸಾಮರ್ಥ್ಯ, 2.5 ಕಿಮೀ ಗಿಂತ ಅಧಿಕ ವ್ಯಾಪ್ತಿ ಹಾಗೂ ಯಾವುದೇ ಹವಾಮಾನದಲ್ಲಿಯೂ ಹೆಚ್ಚಿನ ನಿಖರತೆ ಜಾವೆಲಿನ್ನ್ನು ವಿಶ್ವದ ಅತ್ಯುತ್ತಮ ಟ್ಯಾಂಕ್-ವಿರೋಧಿ ಕ್ಷಿಪಣಿ ವ್ಯವಸ್ಥೆಗಳಲ್ಲಿ ಒಂದಾಗಿ ಮಾಡುತ್ತದೆ.
ಎಕ್ಸಾಲಿಬರ್ 155mm GPS-ಮಾರ್ಗದರ್ಶಿತ ಫಿರಂಗಿ ಗೋಲುಗಳು 40 ಕಿಲೋಮೀಟರ್ಗಿಂತ ದೂರದ ಗುರಿಯನ್ನು ಕೇವಲ ಕೆಲ ಮೀಟರ್ ಅಂತರದಲ್ಲಿ ಹೊಡೆಯುವ ಸಾಮರ್ಥ್ಯ ಹೊಂದಿದ್ದು, ಭಾರತೀಯ ಫಿರಂಗಿ ಪಡೆಯ ನಿಖರತೆ ಮತ್ತು ಪರಿಣಾಮಕಾರಿತ್ವಕ್ಕೆ ಭಾರೀ ಬಲ ನೀಡಲಿದೆ.
ಈ ಒಪ್ಪಂದ ಚೀನಾ ಮತ್ತು ಪಾಕಿಸ್ತಾನದ ಗಡಿ ಪ್ರದೇಶಗಳಲ್ಲಿ ಭಾರತದ ತಂತ್ರಾತ್ಮಕ ಬಲವರ್ಧನೆಗೆ ನೆರವಾಗುವಂತಿದ್ದು, ಅಮೆರಿಕದೊಂದಿಗೆ ರಕ್ಷಣಾ ಕ್ಷೇತ್ರದ ವಿಶ್ವಾಸ, ತಾಂತ್ರಿಕ ಸಹಕಾರ ಮತ್ತು ಪರಸ್ಪರ ಕಾರ್ಯಸಾಧ್ಯತೆಯನ್ನು ಮತ್ತಷ್ಟು ಬಲಪಡಿಸುತ್ತದೆ. ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ಸ್ಥೈರ್ಯ ಮತ್ತು ಶಕ್ತಿ ಸಮತೋಲನ ಕಾಪಾಡಲು ಇದು ಮಹತ್ವದ ಹೆಜ್ಜೆಯಾಗಿದೆ.
