ನಾವು ಪ್ರತಿದಿನ ರಸ್ತೆ ಮೇಲೆ ನೋಡೋ ಎರಡು ವಾಹನಗಳು ಸ್ಕೂಟರ್ ಮತ್ತು ಬೈಕ್. ಎರಡೂ ತಮ್ಮ ತಮ್ಮ ಕೆಲಸದಲ್ಲಿ ಸೂಪರ್, ಆದರೆ ಸ್ಕೂಟರ್ಗೆ ಚಿಕ್ಕ ಚಕ್ರ, ಬೈಕ್ಗೆ ದೊಡ್ಡ ಚಕ್ರ ಎಂದ್ರೇನು ಅರ್ಥ? ಮೊದಲ ನೋಟಕ್ಕೆ ಇದು ಸರಳ ವ್ಯತ್ಯಾಸದಂತೆ ಕಾಣಿಸಿದರೂ, ಇದರ ಹಿಂದೆ ನಿಜಕ್ಕೂ ಆಸಕ್ತಿಕರ ಇಂಜಿನಿಯರಿಂಗ್ ತತ್ವಗಳಿವೆ. ನಮ್ಮ ದೈನಂದಿನ ಸಂಚಾರ ಸುಲಭವಾಗಲಿ, ಸುರಕ್ಷಿತವಾಗಲಿ ಅಂದುಕೊಂಡೇ ಈ ವಿನ್ಯಾಸ ರೂಪುಗೊಂಡಿದೆ.
- ನಗರ ಸಂಚಾರಕ್ಕೆ ಸೂಕ್ತವಾದ ವಿನ್ಯಾಸ: ಸ್ಕೂಟರ್ಗಳನ್ನು ಹೆಚ್ಚು ಟ್ರಾಫಿಕ್ ಇರುವ ನಗರ ಪ್ರದೇಶಗಳಿಗೆ ವಿನ್ಯಾಸಗೊಳಿಸಲಾಗಿದೆ. ಚಿಕ್ಕ ಚಕ್ರಗಳು ತಿರುಗುವಿಕೆ, ಯೂ-ಟರ್ನ್, ಪಾರ್ಕಿಂಗ್ ಇವುಗಳಲ್ಲಿ ವೇಗವಾಗಿ ಪ್ರತಿಕ್ರಿಯೆ ಕೊಡುತ್ತವೆ.
- ತೂಕ ಸಮತೋಲನ ಸುಲಭವಾಗುತ್ತದೆ: ಚಿಕ್ಕ ಚಕ್ರಗಳಿರುವುದರಿಂದ ವಾಹನದ ಭಾರ ಕೇಂದ್ರ ಕೆಳಕ್ಕೆ ಬರುತ್ತದೆ. ಇದರಿಂದ ಸ್ಕೂಟರ್ ಚಲಿಸುವುದು ಮಹಿಳೆಯರು, ಹಿರಿಯರು, ಹೊಸಬರಿಗೆ ಹೆಚ್ಚು ಸುಲಭ.
- ಎಂಜಿನ್ ಮತ್ತು ಸ್ಟೋರೇಜ್ ಜಾಗಕ್ಕೆ ಅನುಗುಣ: ಸ್ಕೂಟರ್ನಲ್ಲಿ ಎಂಜಿನ್ ಹಿಂಭಾಗದಲ್ಲಿ ಮತ್ತು ಫುಟ್ಬೋರ್ಡ್ ಕೆಳಗೆ ಸ್ಟೋರೇಜ್ ಜಾಗ ಬೇಕಾಗುತ್ತದೆ. ಇದನ್ನು ಹೊಂದಿಸಲು ಚಿಕ್ಕ ಚಕ್ರಗಳಿದ್ದರೆ ಹೆಚ್ಚು ಅನುಕೂಲ.
- ಕಡಿಮೆ ವೇಗಕ್ಕೆ ಬೇಸ್ಟ್ ಪರ್ಫಾರ್ಮೆನ್ಸ್: ನಗರದಲ್ಲಿ 40–60 km/h ವೇಗದೊಳಗೆ ಓಡುವುದಕ್ಕೆ ಚಿಕ್ಕ ಚಕ್ರಗಳು ಸೂಕ್ತ. ವೇಗದಲ್ಲಿ ಸ್ಟೇಬಿಲಿಟಿ ಕೊಡುತ್ತವೆ ಮತ್ತು ಹ್ಯಾಂಡ್ಲಿಂಗ್ ಕೂಡ ಸುಲಭ.
- ಕಡಿಮೆ ಖರ್ಚಿನ ನಿರ್ವಹಣೆ: ಚಿಕ್ಕ ಚಕ್ರಗಳಿರುವುದರಿಂದ ಟೈರ್ ಬದಲಾವಣೆ, ಅಲೈನ್ಮೆಂಟ್, ಸಸ್ಪೆನ್ಷನ್ ಕಾಳಜಿ ಇವು ಕಡಿಮೆ ವೆಚ್ಚದಲ್ಲಿ ಸಾಧ್ಯವಾಗುತ್ತದೆ.
