ನಾವು ಸಾಮಾನ್ಯವಾಗಿ ನಿಂಬೆ ರಸ ಹಿಂಡಿ ಸಿಪ್ಪೆಗಳನ್ನು ಕಸದ ಬುಟ್ಟಿಗೆ ಎಸೆದುಬಿಡುತ್ತೇವೆ. ಆದರೆ ಇತ್ತೀಚಿನ ಪರಿಸರ ಸ್ನೇಹಿ ಟ್ರೆಂಡ್ ಒಂದನ್ನು ನೋಡಿದ್ರೆ, ಈ ಸಿಪ್ಪೆಗಳೇ ಮನೆ ಕೆಲಸಗಳಲ್ಲಿ ಚಿನ್ನಕ್ಕೆ ಸಮಾನವಾಗಿ ಸಹಾಯ ಮಾಡುತ್ತವೆ ಅನ್ನೋದು ಖಚಿತ. ದುಡ್ಡು ಉಳಿಸುವುದು, ಪರಿಸರವನ್ನು ಕಾಪಾಡುವುದು ಮತ್ತು ಮನೆಯಲ್ಲಿ ನೈಸರ್ಗಿಕ ಸುಗಂಧವನ್ನು ನೀಡುವುದು ಎಲ್ಲವನ್ನೂ ನಿಂಬೆ ಸಿಪ್ಪೆಗಳು ಒಂದೇ ಹೊತ್ತಿನಲ್ಲಿ ಮಾಡಿಬಿಡುತ್ತವೆ.
- ನೈಸರ್ಗಿಕ ಏರ್ ಫ್ರೆಶನರ್: ನಿಂಬೆ ಸಿಪ್ಪೆಗಳನ್ನು ಒಣಗಿಸಿ ಚಿಕ್ಕ ಚೀಲಗಳಲ್ಲಿ ಹಾಕಿ ವಾರ್ಡ್ರೋಬ್, ಶೂ ರ್ಯಾಕ್ಗಳಲ್ಲಿ ಇಟ್ಟರೆ ತಾಜಾ ವಾಸನೆ ಹರಡುತ್ತದೆ. ಫ್ರಿಜ್ ವಾಸನೆಗಳನ್ನೂ ಇವು ಸುಲಭವಾಗಿ ಹೀರಿಕೊಂಡು ತಾಜಾತನ ನೀಡುತ್ತವೆ.
- ಮನೆ ಸ್ವಚ್ಛತೆಗೆ ಪರಿಪೂರ್ಣ: ನಿಂಬೆ ಸಿಪ್ಪೆಗಳನ್ನು ವಿನೆಗರ್ನಲ್ಲಿ ಎರಡು ವಾರ ನೆನೆಸಿಟ್ಟು ತಯಾರಿಸುವ ಕ್ಲೀನಿಂಗ್ ಸ್ಪ್ರೇ ಅಡುಗೆಮನೆ, ಸಿಂಕ್, ಗಾಜಿನ ವಸ್ತುಗಳಿಗೆ ಸೂಪರ್. ಸ್ವಲ್ಪ ಬೇಕಿಂಗ್ ಸೋಡಾ ಮಿಕ್ಸ್ ಮಾಡಿದರೆ ಪಾತ್ರೆಗಳು ಹೊಸದಾಗಿ ಹೊಳೆಯುತ್ತವೆ.
- ಅಡುಗೆಯ ರುಚಿಯನ್ನು ಹೆಚ್ಚಿಸುವ ಪುಡಿ: ಒಣಗಿಸಿದ ಸಿಪ್ಪೆ ಪುಡಿ ಚಹಾ, ಕರಿ, ಸಲಾಡ್ ಮತ್ತು ಕೇಕ್ಗಳಲ್ಲಿ ಬಳಸಿದರೆ ರುಚಿ ಮತ್ತು ಸುಗಂಧ ಎರಡೂ ಹೆಚ್ಚುತ್ತವೆ.
- ತೋಟಗಾರಿಕೆಗೆ ಸಹಾಯ: ನಿಂಬೆ ಸಿಪ್ಪೆ ತುರಿಯನ್ನು ಗಿಡಗಳಿಗೆ ಸೇರಿಸಿದರೆ ಮಣ್ಣಿನ ಗುಣವರ್ಧನೆ ಆಗಿ ಹೂವುಗಳು ಉತ್ತಮವಾಗಿ ಅರಳುತ್ತವೆ.
