ಯಾವುದೇ ಸಂಬಂಧದಲ್ಲಿ ಅಂತರವು ಒಂದೇ ದಿನದಲ್ಲಿ ಬರೋದಿಲ್ಲ. ಮನಸ್ಸಿನ ಒಲವು ನಿಧಾನವಾಗಿ ಕಡಿಮೆಯಾಗಲು ಪ್ರಾರಂಭಿಸಿದಾಗ, ವ್ಯಕ್ತಿಯ ಮಾತನಾಡುವ ಬಗೆ, ನಡೆ-ನುಡಿ ಮತ್ತು ದಿನನಿತ್ಯದ ವರ್ತನೆಯಲ್ಲಿ ಸಣ್ಣ ಬದಲಾವಣೆಗಳು ಕಾಣಿಸಿಕೊಳ್ಳುತ್ತವೆ. ಹಲವರು ಈ ಮೊದಲಿನ ಸೂಚನೆಗಳನ್ನು ನಿರ್ಲಕ್ಷಿಸುವುದರಿಂದ, ಸಂಬಂಧ ಗಲಿಬಿಲಿಯಾಗುವಷ್ಟರಲ್ಲಿ ನಿಯಂತ್ರಣ ಕೈ ತಪ್ಪಿರುತ್ತದೆ. ಹುಡುಗಿಯ ವರ್ತನೆಯಲ್ಲಿ ಕಂಡುಬರುವ ಕೆಲವು ಲಕ್ಷಣಗಳು ಸಂಬಂಧ ಬದಲಾಗುತ್ತಿರುವುದಕ್ಕೆ ಸ್ಪಷ್ಟ ಸಂಕೇತವಾಗಬಹುದು.
- ಮಾತನಾಡುವ ಶೈಲಿ ಬದಲಾಗುವುದು: ಹಿಂದಿನಂತೆ ಮೃದು, ಪ್ರೀತಿ ತುಂಬಿದ ಸಂಭಾಷಣೆ ಇನ್ನು ಕಾಣಿಸದೆ, ಮಾತುಗಳು ಔಪಚಾರಿಕ ಅಥವಾ ದೂರದ ಅನುಭವವನ್ನು ನೀಡಬಹುದು.
- ಫೋನ್ ಸಂಭಾಷಣೆ ಕಡಿಮೆಯಾಗುವುದು: ಮೊದಲು ಗಂಟೆಗಟ್ಟಲೆ ಮಾತನಾಡುತ್ತಿದ್ದಳು, ಈಗ ಕೆಲವೇ ನಿಮಿಷಗಳಲ್ಲಿ ಕರೆ ಕಟ್ ಮಾಡೋದು ಅಥವಾ ‘ಮತ್ತೆ ಮಾತಾಡೋಣ’ ಎನ್ನುವುದು ದೂರವಾಗುವ ಸೂಚನೆ.
- ವ್ಯಂಗ್ಯ ಮತ್ತು ನಿರ್ಲಕ್ಷ್ಯ ಹೆಚ್ಚಾಗುವುದು: ನಿಮ್ಮ ಮಾತುಗಳನ್ನು ಲಘುವಾಗಿ ತೆಗೆದುಕೊಳ್ಳುವುದು, ವ್ಯಂಗ್ಯವಾಗಿ ಪ್ರತಿಕ್ರಿಯಿಸುವುದು ಮನಸ್ಸಿನ ದೂರವನ್ನು ತೋರಿಸುತ್ತದೆ.
- ನಿಮ್ಮಗಿಂತ ಬೇರೆಯವರಿಗೆ ಆದ್ಯತೆ: ನಿಜವಾದ ಕಾರಣ ಗೊತ್ತಾಗದಿದ್ದರೂ, ನಿಮ್ಮ ಕರೆಗಳಿಗಿಂತ ಬೇರೆ ಕರೆಗಳಿಗೆ ಆದ್ಯತೆ ನೀಡುವ ವರ್ತನೆ ಸಂಬಂಧ ಕುಗ್ಗುವ ಸಂಕೇತ.
- ನೆಪಗಳ ಮೂಲಕ ದೂರವಿರುವುದು: ಸಮಯವಿಲ್ಲ, ಮನಸ್ಥಿತಿ ಸರಿಯಿಲ್ಲ ಎಂಬ ಕಾರಣಗಳನ್ನು ಹೇಳುತ್ತಾ ಭೇಟಿಗಳನ್ನು ತಪ್ಪಿಸುವುದು, ಫೋನ್ ಪ್ರೈವೆಸಿಯಲ್ಲಿ ಬದಲಾವಣೆ ಇವೆಲ್ಲವೂ Breakup ಸೂಚನೆ.
