ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬೆಳಗಾವಿಯಲ್ಲಿ ಚಳಿಗಾಲದ ಅಧಿವೇಶನ ಕಾವೇರಿದೆ. ಆಡಳಿತ ಮತ್ತು ವಿಪಕ್ಷಗಳ ನಡುವೆ ಚರ್ಚೆ ಬಿರುಸು ಪಡೆದಿದೆ. ಪ್ರತಿಪಕ್ಷ ನಾಯಕ ಆರ್.ಅಶೋಕ್ ಕಾನೂನು ಸುವ್ಯವಸ್ಥೆ ಮೇಲಿನ ಚರ್ಚೆಯಲ್ಲಿ ಪರಪ್ಪನ ಅಗ್ರಹಾರ ಜೈಲಿನ ಕರ್ಮಕಾಂಡದ ಬಗ್ಗೆ ಪ್ರಸ್ತಾಪ ಮಾಡಿದ್ದಾರೆ. ಜೈಲಿನಲ್ಲಿ ದುಡ್ಡು ಕೊಟ್ರೆ ಏನು ಬೇಕಾದ್ರೂ ಸಿಗುತ್ತದೆ, ಪೊಲೀಸರೇ ಎದ್ದು ಹೊಲ ಮೇಯ್ದ್ರು ಅಂತಾಗಿದೆ ಎಂದು ಸರ್ಕಾರದ ವಿರುದ್ಧ ಚಾಟಿ ಬೀಸಿದ್ದಾರೆ. ಈ ವೇಳೆ ಸದನದಲ್ಲಿ ಆರ್. ಅಶೋಕ್ ನಟ ದರ್ಶನ್ ವಿಚಾರವನ್ನ ಸಹ ಪ್ರಸ್ತಾಪಿಸಿದ್ದಾರೆ.
ಕಾನೂನು ಸುವ್ಯವಸ್ಥೆ ಮೇಲಿನ ಬಗ್ಗೆ ವಿಧಾನಸಭೆಯಲ್ಲಿ ಮಾತನಾಡಿದ ವಿಪಕ್ಷ ನಾಯಕ ಆರ್. ಅಶೋಕ್, ಪರಪ್ಪನ ಅಗ್ರಹಾರ ಜೈಲಿನ ಕರ್ಮಕಾಂಡದ ಬಗ್ಗೆ ಪ್ರಸ್ತಾಪಿಸಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ರು. ಪೊಲೀಸರೇ ಎದ್ದು ಹೊಲ ಮೇಯ್ದ್ರು ಅಂತಾಗಿದೆ, ದುಡ್ಡು ಕೊಟ್ರೆ ಏನು ಬೇಕಾದ್ರೂ ಸಿಗುತ್ತದೆ, ಜೈಲಿನಲ್ಲಿ ಇರೋರಿಗೆ ಹೈಫೈ ಫೆಸಿಲಿಟಿ ಸಿಗುತ್ತೆ. ನಾಲ್ಕೈದು ಅಪರಾಧ ಮಾಡಿದ್ರೆ ರೆಸಾರ್ಟ್ ಪೆಸಿಲಿಟಿ ಸಿಗುತ್ತೆ. ಅಂತರಾಷ್ಟ್ರೀಯ ಅಪರಾಧಕ್ಕೆ ಹೈಫೈ ಪೆಸಿಲಿಟಿ ಅಂತಾ ಸರ್ಕಾರದ ವಿರುದ್ಧ ಆರ್. ಅಶೋಕ್ ಹರಿಹಾಯ್ದರು.
ರೌಡಿ ಶೀಟರ್ ಸೀನ ಐದಾರು ಮರ್ಡರ್ ಮಾಡಿದ್ದಾನೆ, ಅವನು ಜೈಲಲ್ಲೇ ಹುಟ್ಟು ಹಬ್ಬ ಆಚರಿಸಿಕೊಳ್ಳುತ್ತಾನೆ. ಅವನಿಗೆ ಕೇಕ್ ಎಲ್ಲ ಹೇಗೆ ಒಳಗೆ ಬಂತು? ಜೈಲಿಗೆ ಏನು ಬಿಡಲ್ಲ ಅಂತ ಹೇಳುತ್ತಾರೆ, ಅಲ್ಲಿ ಹೇಗೆ ಜನ್ಮದಿನ ಆಚರಣೆ ಮಾಡಿಕೊಳ್ತಾರೆ ಅಲ್ಲಿ ಗೆಸ್ಟ್ಗಳು ಯಾರು? ಐದಾರು ಮರ್ಡರ್ ಮಾಡಿದವರು ಗೆಸ್ಟ್, ನಾವು ಮದುವೆಗೆ ಹೇಗೆ ಗೆಸ್ಟ್ ಕರೆಯುತ್ತೇವೆ, ಅದೇ ರೀತಿ ಅಲ್ಲಿಯೂ ಕರೆಯುತ್ತಾರೆ ಅಲ್ಲಿ ಆಚರಣೆ ಮಾಡಿದ್ದು ಈ ಪೆನ್ಡ್ರೈವ್ನಲ್ಲಿದೆ, ನಾವು ಎಲ್ಲಿಯೂ ಸುಳ್ಳು ಹೇಳಲ್ಲ ಅದಕ್ಕೆ ಎಲ್ಲಾ ದಾಖಲೆ ಈ ಪೆನ್ ಡ್ರೈವ್ ನಲ್ಲಿದೆ ನೋಡಿ ಎಂದು ವಿಪಕ್ಷ ನಾಯಕ ಆರ್ ಅಶೋಕ್ ಪೆನ್ಡ್ರೈವ್ ಪ್ರದರ್ಶಿಸಿದ್ದಾರೆ.
