ನಾವೆಲ್ಲರೂ ಒಂದಲ್ಲ ಒಂದು ಹಂತದಲ್ಲಿ ಸೋಲುತ್ತೇವೆ, ನೋವುಣ್ಣುತ್ತೇವೆ ಅಥವಾ ದಾರಿ ಕಾಣದೆ ಕತ್ತಲೆಯಲ್ಲಿ ನಿಲ್ಲುತ್ತೇವೆ. ಆಗ ನಮಗೆ ಅನ್ನಿಸುವುದು “ಇನ್ನೇನು ಲೈಫು ಮುಗೀತು” ಎಂದು. ಆದರೆ ಸತ್ಯವೇನೆಂದರೆ, ಮುಕ್ತಾಯ ಎಂಬುದು ಕೇವಲ ಒಂದು ಭ್ರಮೆ.
ನೋವು ಅಥವಾ ಸೋಲು ಉಂಟಾದಾಗ ಅದನ್ನು ನಿರಾಕರಿಸಬೇಡಿ. “ಹೌದು, ನಾನು ಈಗ ಸಂಕಷ್ಟದಲ್ಲಿದ್ದೇನೆ” ಎಂದು ಒಪ್ಪಿಕೊಳ್ಳಿ. ಪಾತ್ರೆ ಖಾಲಿಯಾದಾಗಲೇ ಅದಕ್ಕೆ ಹೊಸ ಸುಧೆಯನ್ನು ತುಂಬಲು ಸಾಧ್ಯ. ನಿಮ್ಮ ಹಳೆಯ ನೋವುಗಳನ್ನು ಹೊರಹಾಕಿ ಮನಸ್ಸನ್ನು ಖಾಲಿ ಮಾಡಿಕೊಳ್ಳಿ.
ಕಂಪ್ಯೂಟರ್ ಹ್ಯಾಂಗ್ ಆದಾಗ ನಾವು ಏನು ಮಾಡುತ್ತೇವೆ? ಸ್ವಿಚ್ ಆಫ್ ಮಾಡಿ ಮತ್ತೆ ಆನ್ ಮಾಡುತ್ತೇವೆ ಅಲ್ವಾ? ಜೀವನವೂ ಅಷ್ಟೇ. ಹಳೆಯ ಸಂಬಂಧಗಳು, ಹಳೆಯ ಅಭ್ಯಾಸಗಳು ಅಥವಾ ಹಳೆಯ ಸೋಲಿನ ನೆನಪುಗಳು ನಿಮ್ಮನ್ನು ಹ್ಯಾಂಗ್ ಮಾಡುತ್ತಿದ್ದರೆ, ಸ್ವಲ್ಪ ವಿರಾಮ ತೆಗೆದುಕೊಳ್ಳಿ. ನಿಮ್ಮ ಆಸಕ್ತಿಗಳನ್ನು ಬದಲಾಯಿಸಿ, ಹೊಸ ಹವ್ಯಾಸಗಳನ್ನು ರೂಢಿಸಿಕೊಳ್ಳಿ.
ಒಂದೇ ದಿನದಲ್ಲಿ ಪವಾಡ ನಡೆಯಬೇಕೆಂದು ಬಯಸಬೇಡಿ. ಇಂದು ಕೇವಲ ಒಂದು ಪುಸ್ತಕದ ಪುಟ ಓದುವುದು, ಹತ್ತು ನಿಮಿಷ ನಡೆಯುವುದು ಅಥವಾ ಒಬ್ಬ ಹೊಸ ವ್ಯಕ್ತಿಯ ಜೊತೆ ಮಾತನಾಡುವುದರಿಂದ ಆರಂಭಿಸಿ. ಈ ಸಣ್ಣ ಹೆಜ್ಜೆಗಳೇ ಮುಂದೆ ದೊಡ್ಡ ದಾರಿಯಾಗುತ್ತವೆ.
ಸೋಲನ್ನು “ಅಂತ್ಯ” ಎಂದು ನೋಡುವ ಬದಲು “ಅನುಭವ” ಎಂದು ನೋಡಿ. ಕೆಳಗೆ ಬಿದ್ದಾಗ ಅಲ್ಲಿ ಬಿದ್ದಿರುವ ಮಣ್ಣನ್ನು ನೋಡುವುದಕ್ಕಿಂತ, ಮೇಲೆ ಕಾಣುವ ವಿಶಾಲವಾದ ಆಕಾಶವನ್ನು ನೋಡಿ. ನೀವು ಎಷ್ಟು ಕೆಳಕ್ಕೆ ಬೀಳುತ್ತೀರೋ, ಅಷ್ಟೇ ಎತ್ತರಕ್ಕೆ ಜಿಗಿಯುವ ಅವಕಾಶ ನಿಮಗಿರುತ್ತದೆ.
ಇಲ್ಲಿಯವರೆಗೆ ಬೇರೆಯವರ ಪ್ರಶಂಸೆಗಾಗಿ ಅಥವಾ ಸಮಾಜಕ್ಕಾಗಿ ಬದುಕಿರಬಹುದು. ಈಗ ‘ಲೈಫು ಮುಗೀತು’ ಅನ್ನಿಸಿದ ಮೇಲೆ, ನಿಮಗೆ ಕಳೆದುಕೊಳ್ಳಲು ಏನೂ ಇರುವುದಿಲ್ಲ. ಹಾಗಿದ್ದ ಮೇಲೆ, ನಿಮಗಿಷ್ಟ ಬಂದಂತೆ, ನಿಮ್ಮ ಕನಸುಗಳ ಬೆನ್ನತ್ತಿ ಏಕೆ ಬದುಕಬಾರದು?
ನೆನಪಿಡಿ.. ಕತ್ತಲೆ ದಟ್ಟವಾಗಿದ್ದಷ್ಟೂ ಸೂರ್ಯೋದಯ ಹತ್ತಿರದಲ್ಲಿದೆ ಎಂದರ್ಥ. ಜೀವನದಲ್ಲಿ ಸೋಲು ಎಂಬುದು ಸಾಯುವುದಕ್ಕಲ್ಲ, ಹೊಸದಾಗಿ ಹುಟ್ಟುವುದಕ್ಕೆ!
