ಹೊಸ ವರ್ಷ ಪ್ರಾರಂಭವಾಗುವ ಮುನ್ನ ಹಲವರಿಗೆ ತೂಕ ಇಳಿಸುವ ಗುರಿ ಇರುತ್ತದೆ. ಆದರೆ, ವರ್ಷವೆಲ್ಲಾ ಅದನ್ನು ಅನುಸರಿಸುವುದು ಸವಾಲಿನ ಕೆಲಸ. ಈ ವರ್ಷ, ನೀವು ಡಯೆಟ್ ಅಥವಾ ಜಿಮ್ಗೆ ಹೋಗದೇ, ಮನೆಯಲ್ಲೇ ಸುಲಭವಾಗಿ ತೂಕ ನಿಯಂತ್ರಿಸಬಹುದಾದ ಕೆಲವು ಪರಿಣಾಮಕಾರಿ ಟಿಪ್ಸ್ ಅನ್ನು ಪಾಲಿಸಬಹುದು. ಕೇವಲ ಆಹಾರವಷ್ಟೇ ನಮ್ಮ ದೇಹದ ತೂಕ ಹೆಚ್ಚಳಕ್ಕೆ ಕಾರಣವಲ್ಲ; ನಿದ್ರೆ, ಜೀವನ ಶೈಲಿ, ಕೆಲಸದ ಪದ್ಧತಿ, ಜಂಕ್ ಫುಡ್, ರಕ್ತದ ಒತ್ತಡ ಇವೆಲ್ಲವೂ ತೂಕ ಹೆಚ್ಚಳಕ್ಕೆ ಸಹ ಪ್ರಮುಖ ಕಾರಣ.
ತೂಕ ಇಳಿಸುವ ಪ್ರಯತ್ನಕ್ಕೆ ಆರಂಭದಲ್ಲಿ ಹೆಚ್ಚು ಗಮನವಿಡಿ, ನಂತರ ಆಸಕ್ತಿ ಕಳೆದುಕೊಳ್ಳುವುದು ತಪ್ಪಿಸಿ. ಆಹಾರ ಸೇವನೆ ಬಗ್ಗೆ ಹೆಚ್ಚು ಗಮನ ಕೊಡಿ. ನಿಮ್ಮ ದೇಹಕ್ಕೆ ಎಷ್ಟು ಕ್ಯಾಲೋರಿ ಅಗತ್ಯವಿದೆ ಎಂಬುದು ವಯಸ್ಸು ಮತ್ತು ತೂಕದ ಆಧಾರದ ಮೇಲೆ ನಿರ್ಧರಿಸಲಾಗುತ್ತದೆ. ಹೆಚ್ಚು ಕ್ಯಾಲೋರಿ ಸೇವನೆಯಿಂದ ತೂಕ ಹೆಚ್ಚಳವಾಗುತ್ತದೆ. ಯಾವುದೇ ಆಹಾರ ಸೇವಿಸುವಾಗ ಅದರ ಕ್ಯಾಲೋರಿ ಎಷ್ಟಿದೆ, ಎಷ್ಟು ಸೇವಿಸಬಹುದು ಎಂಬುದನ್ನು ಗಮನಿಸುವ ಅಭ್ಯಾಸ ಬೆಳೆಸಿಕೊಳ್ಳಿ. ಇಂಟರ್ನೆಟ್ ಅಥವಾ ಅಪ್ಲಿಕೇಶನ್ ಸಹಾಯದಿಂದ ಇದನ್ನು ಸುಲಭವಾಗಿ ಪರಿಶೀಲಿಸಬಹುದು.
ದೈಹಿಕ ಚಟುವಟಿಕೆಗೆ ಆದ್ಯತೆ ನೀಡಿ. ನೀವು ಗೃಹಿಣಿಯಾಗಿದ್ದರೆ, ಮನೆಯ ಕೆಲಸಗಳಲ್ಲಿ ಬಟ್ಟೆ ತೊಳೆಯುವುದು, ಒರೆಸುವುದು, ಕ್ಲೀನಿಂಗ್, ಗಾರ್ಡನಿಂಗ್, ವಾಕಿಂಗ್ ನಿರಂತರವಾಗಿ ಮಾಡುವುದು ನಿಮ್ಮ ತೂಕ ನಿಯಂತ್ರಣದಲ್ಲಿ ಸಹಾಯ ಮಾಡುತ್ತದೆ.
ನಿದ್ರೆ ನಿಯಮಿತವಾಗಿರಲಿ. ಅನಿಯಂತ್ರಿತ ನಿದ್ರೆ ಅಥವಾ ಹೆಚ್ಚು ನಿದ್ರೆ ತೂಕ ಹೆಚ್ಚಳಕ್ಕೆ ಕಾರಣವಾಗಬಹುದು. ನಿತ್ಯ ಸಮಯಕ್ಕೆ ಮಲಗುವುದು, ಏಳುವುದು ಅಭ್ಯಾಸ ಮಾಡುವುದರಿಂದ ಮೆಟಾಬೋಲಿಸಂ ಸಮತೋಲನವಾಗುತ್ತದೆ. ಜೊತೆಗೆ, ಹೆಚ್ಚು ನೀರು ಕುಡಿಯುವುದು ಮತ್ತು ದ್ರವ್ಯಯುಕ್ತ ಆಹಾರ ಸೇವಿಸುವುದು ತೂಕ ನಿಯಂತ್ರಣದಲ್ಲಿ ನೆರವಾಗುತ್ತದೆ.
