ಹೊಸದಿಗಂತ ಡಿಜಿಟಲ್ ಡೆಸ್ಕ್:
2020ರ ದೆಹಲಿ ಹಿಂಸಾಚಾರದಲ್ಲಿ ಭಾಗವಹಿಸಿದ್ದ ಆರೋಪದಲ್ಲಿ ಜೈಲಿನಲ್ಲಿ ಇರುವ ಜೆಎನ್ಯು ವಿದ್ಯಾರ್ಥಿ ಮುಖಂಡ ಉಮರ್ ಖಾಲೀದ್ಗೆ ಅಮೆರಿಕದ ರಾಜಕೀಯ ನಾಯಕರಿಂದ ಬೇಡಿಕೆ ಬಂದಿದೆ. ಅಮೆರಿಕದ ಎಂಟು ಶಾಸಕರು ಉಮರ್ ಖಾಲೀದ್ ಮತ್ತು ಇತರ ಸಹ-ಆರೋಪಿಗಳನ್ನು ಜಾಮೀನಿನಲ್ಲಿ ಬಿಡುಗಡೆ ಮಾಡಿ, ನ್ಯಾಯಾಂಗ ಕ್ರಮವನ್ನು ಶಾಂತಿಪೂರಿತವಾಗಿ ನಡೆಸುವಂತೆ ಒತ್ತಾಯಿಸಿ ಭಾರತೀಯ ರಾಯಭಾರಿ ಮೋಹನ್ ಕ್ವಾತ್ರ ಅವರಿಗೆ ಪತ್ರ ಬರೆದಿದ್ದಾರೆ.
ನ್ಯೂಯಾರ್ಕ್ ಸಿಟಿಯ ಹೊಸ ಮೇಯರ್ ಜೋಹ್ರಾನ್ ಮಮ್ದಾನಿ ವೈಯಕ್ತಿಕವಾಗಿ ಉಮರ್ ಖಾಲೀದ್ ಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಅವರು ಡಿಸೆಂಬರ್ ತಿಂಗಳಲ್ಲಿ ಉಮರ್ ಖಾಲೀದ್ ಪೋಷಕರಿಗೆ ಪತ್ರ ನೀಡಿ, ‘ನಿಮ್ಮ ಕ್ಷಮೆ, ಶಾಂತಿ ಮತ್ತು ನ್ಯಾಯದ ಪರ ಚಿಂತಿಸುತ್ತಿದ್ದೇವೆ’ ಎಂದು ಹೇಳಿದ್ದಾರೆ. ಈ ಪತ್ರವನ್ನು ಉಮರ್ ಖಾಲೀದ್ ಅವರ ಸಹಚರ ಬನಜ್ಯೋತ್ಸ್ನಾ ಲಾಹಿರಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
2020ರ ದೆಹಲಿ ದಂಗೆಯ ಪ್ರಕರಣದಲ್ಲಿ ಉಮರ್ ಖಾಲೀದ್ ಮೇಲೆ ಪಿತೂರಿ ನಡೆಸಿದ ಆರೋಪವಿದೆ. ಐದು ವರ್ಷಗಳಿಂದ ಬಂಧನದಲ್ಲಿರುವ ಅವರು, ಡಿಸೆಂಬರ್ 16–29ರ ನಡುವೆ ತಮ್ಮ ಸಹೋದರಿಯ ಮದುವೆ ವೇಳೆ ಜಾಮೀನಿನಲ್ಲಿ ಬಿಡುಗಡೆಯಾದರೂ, ಡಿಸೆಂಬರ್ 29ರಿಂದ ಮತ್ತೆ ಬಂಧನದಲ್ಲಿದ್ದಾರೆ.
