ಬೇಸಿಗೆಯಲ್ಲಿ ದೇಹಕ್ಕೆ ತಂಪು, ಹೊಟ್ಟೆಗೆ ಹಗುರ, ರುಚಿಗೂ ಸಖತ್ ಆಗಿರೋ ಪಾನೀಯ ಬೇಕಾ? ಹಾಗಿದ್ರೆ ಮನೆಯಲ್ಲೇ ಸುಲಭವಾಗಿ ಮಾಡಿಕೊಳ್ಳಬಹುದಾದ ಕರ್ಬೂಜ ಮಿಲ್ಕ್ ಶೇಕ್ ಬೆಸ್ಟ್. ಮಕ್ಕಳಿಂದ ದೊಡ್ಡವರವರೆಗೂ ಎಲ್ಲರಿಗೂ ಇಷ್ಟವಾಗುವ ಈ ಡ್ರಿಂಕ್ ಕೇವಲ 5 ನಿಮಿಷಗಳಲ್ಲಿ ರೆಡಿ ಆಗುತ್ತದೆ.
ಬೇಕಾಗುವ ಪದಾರ್ಥಗಳು
ಕರ್ಬೂಜ ಹಣ್ಣು – 1 ಕಪ್ (ಸಿಪ್ಪೆ, ಬೀಜ ತೆಗೆದು ತುಂಡು ಮಾಡಿದ್ದು)
ತಂಪಾದ ಹಾಲು – 1 ಕಪ್
ಸಕ್ಕರೆ ಅಥವಾ ಜೇನುತುಪ್ಪ – 2 ರಿಂದ 3 ಚಮಚ
ಏಲಕ್ಕಿ ಪುಡಿ – ಒಂದು ಚಿಟಿಕೆ
ಐಸ್ ಕ್ಯೂಬ್ಸ್ – ಬೇಕಾದಷ್ಟು
ವೆನಿಲ್ಲಾ ಐಸ್ ಕ್ರೀಮ್ – 1 ಸ್ಕೂಪ್ (ಐಚ್ಛಿಕ)
ಗೋಡಂಬಿ / ಒಣದ್ರಾಕ್ಷಿ – ಅಲಂಕಾರಕ್ಕೆ
ಮಾಡುವ ವಿಧಾನ
ಮೊದಲು ಕರ್ಬೂಜ ಹಣ್ಣಿನ ತುಂಡುಗಳನ್ನು ಮಿಕ್ಸಿ ಜಾರ್ಗೆ ಹಾಕಿ. ಅದಕ್ಕೆ ಸಕ್ಕರೆ ಅಥವಾ ಜೇನುತುಪ್ಪ ಮತ್ತು ಒಂದು ಚಿಟಿಕೆ ಏಲಕ್ಕಿ ಪುಡಿ ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.
ನಂತರ ಅದಕ್ಕೆ ತಂಪಾದ ಹಾಲು ಮತ್ತು ಐಸ್ ಕ್ಯೂಬ್ಸ್ ಸೇರಿಸಿ ಮತ್ತೊಮ್ಮೆ ಚೆನ್ನಾಗಿ ಬ್ಲೆಂಡ್ ಮಾಡಿ. ಇನ್ನಷ್ಟು ಕ್ರೀಮಿ ರುಚಿಗೆ ಒಂದು ಸ್ಕೂಪ್ ವೆನಿಲ್ಲಾ ಐಸ್ ಕ್ರೀಮ್ ಸೇರಿಸಬಹುದು.
ಈ ಮಿಶ್ರಣವನ್ನು ಗ್ಲಾಸ್ಗೆ ಸುರಿದು ಮೇಲೆ ಗೋಡಂಬಿ ಅಥವಾ ಒಣದ್ರಾಕ್ಷಿ ಹಾಕಿ ಅಲಂಕರಿಸಿ.
ತಣ್ಣಗೆ ಸರ್ವ್ ಮಾಡಿದರೆ ಬೇಸಿಗೆಯ ಬಿಸಿಲಿಗೆ ಸೂಪರ್ ರಿಫ್ರೆಶ್ ಡ್ರಿಂಕ್ ರೆಡಿ. ಇದು ದೇಹದ ಶಾಖ ಕಡಿಮೆ ಮಾಡಲು ಮತ್ತು ಹೈಡ್ರೇಟ್ ಆಗಿರಲು ಸಹ ಸಹಾಯ ಮಾಡುತ್ತದೆ.
