ಬಸಳೆ ಸೊಪ್ಪಿನ ಸಾಂಬಾರ್ ಆರೋಗ್ಯಕರವಾಗಿಯೂ, ರುಚಿಕರವಾಗಿಯೂ ಇರುವ ಸಾಂಪ್ರದಾಯಿಕ ಅಡುಗೆ. ಬಿಸಿ ಅನ್ನ, ತುಪ್ಪ ಅಥವಾ ರಾಗಿ ಮುದ್ದೆಯ ಜೊತೆಗೆ ಈ ಸಾಂಬಾರ್ ಸವಿದರೆ ಊಟದ ಸೊಗಸು ಇನ್ನಷ್ಟು ಹೆಚ್ಚುತ್ತದೆ.
ಬೇಕಾಗುವ ಸಾಮಗ್ರಿಗಳು
ಸಾಂಬಾರ್ಗೆ
ಬಸಳೆ ಸೊಪ್ಪು – 1 ಕಟ್ಟು (ಸಣ್ಣದಾಗಿ ಕತ್ತರಿಸಿದ್ದು)
ತೊಗರಿ ಬೇಳೆ – 1/2 ಕಪ್ (ಬೇಯಿಸಿದ್ದು)
ಈರುಳ್ಳಿ – 1 (ಚಿಕ್ಕದಾಗಿ ಕತ್ತರಿಸಿದ್ದು)
ಟೊಮೆಟೊ – 1
ಉಪ್ಪು – ರುಚಿಗೆ ತಕ್ಕಷ್ಟು
ಮಸಾಲೆ ರುಬ್ಬಿಕೊಳ್ಳಲು
ತೆಂಗಿನ ತುರಿ – 1 ಕಪ್
ಬ್ಯಾಡಗಿ ಮೆಣಸಿನಕಾಯಿ – 4 ರಿಂದ 5
ಕೊತ್ತಂಬರಿ ಬೀಜ – 1 ಚಮಚ
ಜೀರಿಗೆ – 1/2 ಚಮಚ
ಮೆಂತೆ – ಸ್ವಲ್ಪ
ಹುಣಸೆಹಣ್ಣು – ಚಿಕ್ಕ ನಿಂಬೆ ಗಾತ್ರದಷ್ಟು
ಒಗ್ಗರಣೆಗೆ
ಎಣ್ಣೆ – 2 ಚಮಚ
ಸಾಸಿವೆ – 1/2 ಚಮಚ
ಕರಿಬೇವು – ಸ್ವಲ್ಪ
ಬೆಳ್ಳುಳ್ಳಿ – 4 ರಿಂದ 5 ಎಸಳು
ಮಾಡುವ ವಿಧಾನ
ಮೊದಲು ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಕೊತ್ತಂಬರಿ ಬೀಜ, ಜೀರಿಗೆ, ಮೆಂತೆ ಹಾಗೂ ಮೆಣಸಿನಕಾಯಿ ಹುರಿಯಿರಿ. ನಂತರ ತೆಂಗಿನ ತುರಿ ಮತ್ತು ಹುಣಸೆಹಣ್ಣು ಸೇರಿಸಿ ಸ್ವಲ್ಪ ಬಾಡಿಸಿ. ತಣ್ಣಗಾದ ಬಳಿಕ ನುಣ್ಣಗೆ ರುಬ್ಬಿಕೊಳ್ಳಿ.
ಒಂದು ಪಾತ್ರೆಯಲ್ಲಿ ಬಸಳೆ ಸೊಪ್ಪು, ಈರುಳ್ಳಿ, ಟೊಮೆಟೊ ಮತ್ತು ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಬೇಯಿಸಿ. ಬೆಂದ ಸೊಪ್ಪಿಗೆ ತೊಗರಿ ಬೇಳೆ, ರುಬ್ಬಿದ ಮಸಾಲೆ ಹಾಗೂ ಉಪ್ಪು ಸೇರಿಸಿ 5 ನಿಮಿಷ ಕುದಿಸಿ.
ಕೊನೆಯಲ್ಲಿ ಸಾಸಿವೆ, ಬೆಳ್ಳುಳ್ಳಿ ಮತ್ತು ಕರಿಬೇವು ಒಗ್ಗರಣೆ ಹಾಕಿದರೆ ರುಚಿಕರವಾದ ಬಸಳೆ ಸೊಪ್ಪಿನ ಸಾಂಬಾರ್ ಸವಿಯಲು ಸಿದ್ಧ!
