ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮತಗಳ್ಳತನ ಕುರಿತು ಮತ್ತೆ ಕಾಂಗೆಸ್‌ ನಾಯಕ ರಾಹುಲ್ ಗಾಂಧಿ ಶನಿವಾರ ಚುನಾವಣಾ ಆಯೋಗದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಹೊಸ ವಿಡಿಯೋ ಒಂದನ್ನು ಹರಿ ಬಿಟ್ಟಿದ್ದಾರೆ.
ಬಾಲಿವುಡ್ ಸಿನಿಮಾಗಳನ್ನು ಉಲ್ಲೇಖಿಸಿದ ಕಾಂಗ್ರೆಸ್, ಶನಿವಾರ ‘ಮತಗಳ್ಳತನ’ ಆರೋಪದ ವಿರುದ್ಧ ‘ಲಾಪಾತಾ ವೋಟ್” ಎಂಬ ಹೊಸ ವಿಡಿಯೋವನ್ನು ಬಿಡುಗಡೆ ಮಾಡುವ ಮೂಲಕ ಚುನಾವಣಾ ಆಯೋಗದ ವಿರುದ್ಧದ ತನ್ನ ಹೋರಾಟವನ್ನು ಮತ್ತಷ್ಟು ತೀವ್ರಗೊಳಿಸಿದೆ.
‘ಚೋರಿ ಚೋರಿ, ಚುಪ್ಕೆ ಚುಪ್ಕೆ’ ಇನ್ನು ಮುಂದೆ ನಡೆಯಲ್ಲ. ಜನ ಈಗ ಎಚ್ಚೆತ್ತುಕೊಂಡಿದ್ದಾರೆ’ ಎಂಬ ಶೀರ್ಷಿಕೆಯಡಿಯಲ್ಲಿ ವಿಡಿಯೋ ಹರಿಬಿಟ್ಟಿದ್ದಾರೆ.
ಕಳ್ಳತನದ ದೂರು ದಾಖಲಿಸಲು ಮಧ್ಯವಯಸ್ಕ ವ್ಯಕ್ತಿಯೊಬ್ಬ ಪೊಲೀಸ್ ಠಾಣೆಗೆ ಪ್ರವೇಶಿಸುವುದನ್ನು ವೀಡಿಯೊ ತೋರಿಸುತ್ತದೆ. ಏನು ಕದ್ದಿದೆ ಎಂದು ಅಧಿಕಾರಿ ಕೇಳಿದಾಗ, ಆ ವ್ಯಕ್ತಿ ಒಂದು ಕ್ಷಣ ನಿಂತು, “ನನ್ನ ಮತ” ಎಂದು ಹೇಳುತ್ತಾನೆ. ಆಶ್ಚರ್ಯಚಕಿತನಾದ ಪೊಲೀಸ್, “ಯಾರಾದರೂ ಮತವನ್ನು ಹೇಗೆ ಕದಿಯಬಹುದು?” ಎಂದು ಕೇಳುತ್ತಾನೆ. ಇದಕ್ಕೆ ಆ ವ್ಯಕ್ತಿ, “ನಕಲಿ ಮತಗಳ ಮೂಲಕ ಲಕ್ಷಾಂತರ ಮತಗಳನ್ನು ಕದಿಯಲಾಗುತ್ತಿದೆ” ಎಂದು ಉತ್ತರಿಸುತ್ತಾನೆ. “ಯಾರ ಮತವನ್ನು ಕದಿಯುವುದು ಅವರ ಹಕ್ಕನ್ನು ಕದಿಯುವುದಕ್ಕೆ ಸಮಾನ” ಎಂಬ ಬಲವಾದ ಸಂದೇಶದೊಂದಿಗೆ ದೃಶ್ಯವು ಪರದೆಯ ಮೇಲೆ ಕೊನೆಗೊಳ್ಳುತ್ತದೆ.
https://x.com/RahulGandhi/status/1956581954880479716?ref_src=twsrc%5Etfw%7Ctwcamp%5Etweetembed%7Ctwterm%5E1956581954880479716%7Ctwgr%5E8bffdc18a17be5f727a1497e7835780b9bef9d68%7Ctwcon%5Es1_&ref_url=https%3A%2F%2Fvishwavani.news%2F%2Fnational%2Frahul-gandhi-shares-spoof-video-in-fresh-dig-at-ec-over-malpractice-claims-52040.html
ಒಂದು ನಿಮಿಷದ ವಿಡಿಯೋಗೆ ಲಾಪಾತಾ ವೋಟ್ ಎಂದು ಹೆಸರಿಸಲಾಗಿದ್ದು, ‘ಲೇಡೀಸ್’ ಅನ್ನು ತೆಗೆದು ಹಾಕಲಾಗಿದೆ. ಇದು ಕಿರಣ್ ರಾವ್ ನಿರ್ದೇಶನದ ‘ಲಾಪತಾ ಲೇಡಿಸ್‌ ಎಂಬುದನ್ನು ಲಾಪತಾ ವೋಟ್ ಎಂದು ಮಾಡಲಾಗಿದೆ. ರಾಹುಲ್ ಗಾಂಧಿಯವರು ಆ ಒಂದು ನಿಮಿಷದ ವಿಡಿಯೋವನ್ನು ಹಂಚಿಕೊಂಡಿದ್ದು, ‘ಆಪ್ಕೆ ವೋಟ್ ಕಿ ಚೋರಿ ಆಪ್ಕೆ ಅಧಿಕಾರ್ ಕಿ ಚೋರಿ, ಆಪ್ಕಿ ಪೆಹಚಾನ್ ಕಿ ಚೋರಿ ಹೈ’ ಎಂದು ಹೇಳಿದ್ದಾರೆ.
