ಚರ್ಮದ ಕಪ್ಪು ಕಲೆಗಳು, ಬ್ಲ್ಯಾಕ್‌ಹೆಡ್ಸ್ ಅಥವಾ ಹೈಪರ್‌ಪಿಗ್ಮೆಂಟೇಶನ್ ಸಮಸ್ಯೆಗಳನ್ನು ಪರಿಹರಿಸಲು ಹಲವರು ರಾಸಾಯನಿಕಗಳಿಲ್ಲದ ವಿಧಾನಗಳನ್ನು ಹುಡುಕುತ್ತಾರೆ. ಇಂತಹ ಸಂದರ್ಭಗಳಲ್ಲಿ ಆಲೂಗಡ್ಡೆ ರಸವು ಉತ್ತಮ ಆಯ್ಕೆ ಎಂದು ಹೇಳಬಹುದು. ಆಲೂಗಡ್ಡೆ ರಸದಲ್ಲಿ ವಿಭಿನ್ನ ಪೌಷ್ಟಿಕಾಂಶಗಳು ಮತ್ತು ನೈಸರ್ಗಿಕ ಕಿಣ್ವಗಳು (enzyme) ಲಭ್ಯವಿದ್ದು, ಇದು ಚರ್ಮದ ಆರೋಗ್ಯವನ್ನು ಸುಧಾರಿಸಲು ಮತ್ತು ತಾಜಾತನವನ್ನು ನೀಡಲು ಸಹಾಯಕವಾಗಿದೆ.
- ಕ್ಯಾಟೆಕೊಲೇಸ್ ಎಂಬ ಕಿಣ್ವದ ಸಹಾಯದಿಂದ ಚರ್ಮದ ಬಣ್ಣ ಸಮಗೊಳ್ಳುತ್ತದೆ ಮತ್ತು ಹೈಪರ್‌ಪಿಗ್ಮೆಂಟೇಶನ್ ಕಡಿಮೆ ಮಾಡುತ್ತದೆ.
- ವಿಟಮಿನ್ ಸಿ ಮತ್ತು ಇತರ ಆಂಟಿಆಕ್ಸಿಡೆಂಟ್‌ಗಳು ಚರ್ಮವನ್ನು ಮುಕ್ತ ರಾಡಿಕಲ್ ಹಾನಿಯಿಂದ ರಕ್ಷಿಸುತ್ತವೆ ಮತ್ತು ಚರ್ಮದ ನೈಸರ್ಗಿಕ ಪ್ರಕ್ರಿಯೆಯನ್ನು ಬೆಂಬಲಿಸುತ್ತವೆ.
- ನೈಸರ್ಗಿಕ ಆಮ್ಲಗಳ ಸಹಾಯದಿಂದ ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕುತ್ತವೆ, ಚರ್ಮವು ತಾಜಾ ಮತ್ತು ಪ್ರಕಾಶಮಾನವಾಗುತ್ತದೆ.
- ವಿಟಮಿನ್ ಸಿ ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸಿ ಚರ್ಮದ ಸ್ಥಿತಿಸ್ಥಾಪಕತೆಯನ್ನು ಸುಧಾರಿಸುತ್ತದೆ ಮತ್ತು ನೈಸರ್ಗಿಕವಾಗಿ ಕಪ್ಪು ಕಲೆಗಳನ್ನು ಕಡಿಮೆ ಮಾಡುತ್ತದೆ.
ಬಳಸೋದು ಹೇಗೆ?
ಒಂದು ಸ್ವಚ್ಛವಾದ ಆಲೂಗಡ್ಡೆಯನ್ನು ತೊಳೆದು ಸಣ್ಣ ತುಂಡುಗಳಾಗಿ ಕತ್ತರಿಸಿ ಮಿಕ್ಸಿ ಮಾಡಿ ರಸ ತೆಗೆದು
ನೇರವಾಗಿ ಚರ್ಮಕ್ಕೆ ಹಚ್ಚಬಹುದು ಅಥವಾ ಸ್ವಲ್ಪ ಹಸಿ ಹಾಲು ಅಥವಾ ಜೇನುತುಪ್ಪ ಸೇರಿಸಿ ಕೂಡ ಹಚ್ಚಬಹುದು.
