ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇಂದು ತಮ್ಮ ಸತತ ಒಂಬತ್ತನೇ ಬಜೆಟ್ ಅನ್ನು ಮಂಡಿಸಲಿದ್ದಾರೆ.
ಕಳೆದ ಗುರುವಾರ ಮಂಡಿಸಲಾದ ಆರ್ಥಿಕ ಸಮೀಕ್ಷೆಯ ವರದಿಯ ಪ್ರಕಾರ, 2026-27ರ ಅವಧಿಯಲ್ಲಿ ಭಾರತದ ನೈಜ ಜಿಡಿಪಿ ಬೆಳವಣಿಗೆಯು 6.8% ರಿಂದ 7.2% ರಷ್ಟಿರಲಿದೆ ಎಂದು ಅಂದಾಜಿಸಲಾಗಿದೆ. ಅಲ್ಲದೆ, ಸರ್ಕಾರದ ‘ವಿತ್ತೀಯ ಕೊರತೆ’ ತಗ್ಗಿಸುವ ಕಾರ್ಯತಂತ್ರವು ಮುಂದುವರಿಯುವ ಸಾಧ್ಯತೆಯಿದೆ.
ಈ ಮುನ್ಸೂಚನೆಗಳಿಂದಾಗಿ ಇಂದಿನ ಬಜೆಟ್ನ ತಕ್ಷಣದ ಲೆಕ್ಕಾಚಾರಗಳ ಬಗ್ಗೆ ಕುತೂಹಲ ಕಡಿಮೆ ಎನಿಸಬಹುದು. ಹಾಗೆಂದ ಮಾತ್ರಕ್ಕೆ ಈ ಬಜೆಟ್ ಮಹತ್ವದ್ದಲ್ಲ ಎಂದು ಭಾವಿಸಬೇಕಿಲ್ಲ. ಬದಲಿಗೆ, ದೇಶದ ಪ್ರಸ್ತುತ ಆರ್ಥಿಕ ಸಂದರ್ಭ ಮತ್ತು ಭವಿಷ್ಯದ ದೀರ್ಘಕಾಲದ ಗುರಿಗಳನ್ನು ಗಮನದಲ್ಲಿಟ್ಟುಕೊಂಡು ಈ ಬಜೆಟ್ ಅನ್ನು ವಿಶ್ಲೇಷಿಸುವುದು ಅತ್ಯಂತ ಅಗತ್ಯವಾಗಿದೆ.
