ಇಂದಿನ ಕಾಲದಲ್ಲಿ ಬಹುತೇಕ ಜನರ ಮನಸ್ಸಿನಲ್ಲಿ ಒಂದು ಸಾಮಾನ್ಯ ಪ್ರಶ್ನೆ ಇದ್ದೇ ಇರುತ್ತೆ. ನಗರ ಜೀವನವೇ ಬೆಸ್ಟ್, ಅಥವಾ ಹಳ್ಳಿಯ ಜೀವನವೇ ಸುಖಕರನಾ? ನಗರದಲ್ಲಿ ಸೌಲಭ್ಯಗಳು ಹೆಚ್ಚು, ಹಳ್ಳಿಯಲ್ಲಿ ಶಾಂತಿ ಹೆಚ್ಚು. ಒಂದನ್ನು ಆರಿಸಬೇಕಾದರೆ ಮತ್ತೊಂದನ್ನು ಬಿಟ್ಟುಕೊಡಬೇಕಾದ ಪರಿಸ್ಥಿತಿ ಎದುರಾಗುತ್ತದೆ. ಆದ್ದರಿಂದ ಯಾವುದು ಉತ್ತಮ ಎನ್ನುವುದು ಪ್ರತಿಯೊಬ್ಬರ ಜೀವನ ಶೈಲಿ, ಆಸೆ ಮತ್ತು ಅಗತ್ಯಗಳ ಮೇಲೆ ಅವಲಂಬಿತವಾಗಿದೆ.
ನಗರ ಜೀವನ ನೋಡಿದರೆ ವೇಗ, ಅವಕಾಶಗಳು ಮತ್ತು ಅಭಿವೃದ್ಧಿ ಎಂಬ ಪದಗಳು ನೆನಪಿಗೆ ಬರುತ್ತವೆ. ಉದ್ಯೋಗ, ಶಿಕ್ಷಣ, ಆರೋಗ್ಯ ಸೌಲಭ್ಯಗಳು, ಮನರಂಜನೆ – ಎಲ್ಲವೂ ಕೈಗೆಟುಕುವಷ್ಟು ಹತ್ತಿರದಲ್ಲೇ ಇರುತ್ತವೆ. ಇಲ್ಲಿ ಕನಸುಗಳಿಗೆ ದೊಡ್ಡ ವೇದಿಕೆ ಸಿಗುತ್ತದೆ. ಆದರೆ ಅದೇ ಸಮಯದಲ್ಲಿ ಗದ್ದಲ, ಒತ್ತಡ, ಸಮಯದ ಕೊರತೆ ಮತ್ತು ಒಂಟಿತನ ಕೂಡ ನಗರ ಜೀವನದ ಭಾಗವಾಗಿಬಿಡುತ್ತದೆ.
ಇದನ್ನೂ ಓದಿ:
ಇನ್ನೊಂದು ಕಡೆ ಹಳ್ಳಿ ಜೀವನ ಸಂಪೂರ್ಣವಾಗಿ ವಿಭಿನ್ನ ಅನುಭವ ನೀಡುತ್ತದೆ. ಪ್ರಕೃತಿಯ ಮಧ್ಯೆ ಇರುವ ಶಾಂತಿ, ತಾಜಾ ಗಾಳಿ, ನೆಮ್ಮದಿಯ ಬದುಕು ಹಳ್ಳಿಯ ವಿಶೇಷತೆ. ಅಲ್ಲಿ ಜನರ ನಡುವಿನ ಬಾಂಧವ್ಯ ಗಟ್ಟಿಯಾಗಿರುತ್ತದೆ. ಎಲ್ಲರೂ ಒಬ್ಬರಿಗೊಬ್ಬರು ಸಹಾಯ ಮಾಡುವ ಮನಸ್ಸು ಇರುತ್ತದೆ. ಆದರೆ ಉದ್ಯೋಗ ಮತ್ತು ಶಿಕ್ಷಣದ ಅವಕಾಶಗಳು ಕಡಿಮೆ ಇರುವುದರಿಂದ ಯುವಕರು ನಗರಗಳತ್ತ ಸೆಳೆಯಲ್ಪಡುವುದು ಸಹಜ.
ಹಳ್ಳಿಯಲ್ಲಿ ಮನಸ್ಸಿಗೆ ಶಾಂತಿ ಸಿಗುತ್ತದೆ, ನಗರದಲ್ಲಿ ಜೀವನಕ್ಕೆ ವೇಗ ಸಿಗುತ್ತದೆ. ಹಳ್ಳಿಯ ಸರಳತೆ ಮನಸ್ಸನ್ನು ಹಗುರಗೊಳಿಸುತ್ತದೆ, ನಗರ ಜೀವನ ಸಾಧನೆಗೆ ದಾರಿ ತೋರಿಸುತ್ತದೆ. ಆದ್ದರಿಂದ ಯಾವುದು ಉತ್ತಮ ಎಂಬ ಪ್ರಶ್ನೆಗೆ ಒಂದು ಉತ್ತರ ಕೊಡುವುದು ಕಷ್ಟ. ಯಾರಿಗೆ ಯಾವ ರೀತಿಯ ಬದುಕು ಸಂತೋಷ ಕೊಡುತ್ತದೋ ಅದೇ ಅವರಿಗಾಗಿಯೇ ‘ಬೆಸ್ಟ್’ ಆಗಿರುತ್ತದೆ.
