ಮನೆಯನ್ನು ಸ್ವಚ್ಛವಾಗಿ ಇಡುವುದರಿಂದ ಕೇವಲ ಅಲಂಕಾರ ಮಾತ್ರವಲ್ಲ, ವಾಸ್ತು ಪ್ರಕಾರ ಅದು ಸಂಪತ್ತು, ಆರೋಗ್ಯ ಮತ್ತು ಸಕಾರಾತ್ಮಕ ಶಕ್ತಿಯ ಮೂಲವೂ ಆಗಿದೆ. ಮನೆಯಲ್ಲಿ ಧೂಳು, ಕಸ, ಅಥವಾ ಅಶುದ್ಧತೆ ಇದ್ದರೆ ನಕಾರಾತ್ಮಕ ಶಕ್ತಿ ಆವರಿಸಬಹುದು ಎನ್ನುವುದು ವಾಸ್ತು ಶಾಸ್ತ್ರದ ನಂಬಿಕೆ. ಆದರೆ ಸರಿಯಾದ ಸಮಯದಲ್ಲಿ ಮನೆಯನ್ನು ಗುಡಿಸುವುದರಿಂದ ಲಕ್ಷ್ಮಿಯ ಆಶೀರ್ವಾದ ದೊರೆತು, ಆರ್ಥಿಕವಾಗಿ ಬೆಳವಣಿಗೆ ಸಾಧ್ಯ ಎಂದು ನಂಬಲಾಗಿದೆ.
- ವಾಸ್ತು ಪ್ರಕಾರ ಸ್ವಚ್ಛತೆಯ ಪ್ರಾಮುಖ್ಯತೆ: ಮನೆ ಶುಚಿತ್ವ ಕೇವಲ ಅಲಂಕಾರಕ್ಕಾಗಿ ಅಲ್ಲ, ಅದು ನಕಾರಾತ್ಮಕ ಶಕ್ತಿಯನ್ನು ದೂರಮಾಡಿ, ಧನಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಮನೆಯಲ್ಲಿ ವಾಸಿಸುವವರ ಆರೋಗ್ಯ ಮತ್ತು ಶಾಂತಿ ಕಾಪಾಡಿಕೊಳ್ಳಲು ಇದು ಬಹಳ ಮುಖ್ಯ.
- ಬ್ರಹ್ಮ ಮುಹೂರ್ತ — ಮನೆಯನ್ನು ಗುಡಿಸಲು ಶ್ರೇಷ್ಠ ಸಮಯ: ವಾಸ್ತು ಪ್ರಕಾರ ಬ್ರಹ್ಮ ಮುಹೂರ್ತ (ಸುಮಾರು ಬೆಳಗ್ಗೆ 4 ರಿಂದ 6 ಗಂಟೆ ನಡುವೆ) ಮನೆಯನ್ನು ಗುಡಿಸಲು ಅತ್ಯಂತ ಸೂಕ್ತ ಸಮಯ. ಈ ಸಮಯದಲ್ಲಿ ಮನೆಯನ್ನು ಗುಡಿಸುವುದರಿಂದ ಧನಾತ್ಮಕ ಶಕ್ತಿಯ ಹರಿವು ಹೆಚ್ಚುತ್ತದೆ ಹಾಗೂ ನಕಾರಾತ್ಮಕ ಶಕ್ತಿ ದೂರವಾಗುತ್ತದೆ.
- ಶುರುಮಾಡಬೇಕಾದ ದಿಕ್ಕು: ಮನೆ ಗುಡಿಸುವಾಗ ಈಶಾನ್ಯ ಮೂಲೆಯಿಂದ (ಉತ್ತರ-ಪೂರ್ವ ದಿಕ್ಕು) ಪ್ರಾರಂಭಿಸಿ ನೈಋತ್ಯ (ದಕ್ಷಿಣ-ಪಶ್ಚಿಮ) ಕಡೆಗೆ ಸಾಗುವುದು ಶ್ರೇಷ್ಠ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ. ಇದು ಮನೆಯಲ್ಲಿ ಶಕ್ತಿಯ ಸಮತೋಲನ ಕಾಯ್ದುಕೊಳ್ಳಲು ಸಹಾಯಕ.
- ಕಲ್ಲು ಉಪ್ಪು ಮತ್ತು ನಿಂಬೆ ರಸದ ಉಪಯೋಗ: ಗುಡಿಸುವ ನೀರಿಗೆ ಸ್ವಲ್ಪ ಕಲ್ಲು ಉಪ್ಪು ಸೇರಿಸುವುದರಿಂದ ಮನೆಯಿಂದ ನಕಾರಾತ್ಮಕ ಶಕ್ತಿಯನ್ನು ತೆಗೆದುಹಾಕಬಹುದು. ನಿಂಬೆ ರಸದಿಂದ ಸ್ವಚ್ಛಗೊಳಿಸಿದರೆ ಮನೆಯಲ್ಲಿ ಹೊಸತನ ಹಾಗೂ ಶಾಂತಿ ತುಂಬುತ್ತದೆ.
- ಬಕೆಟ್‌ನ ಬಣ್ಣಕ್ಕೂ ಅರ್ಥವಿದೆ: ವಾಸ್ತು ಪ್ರಕಾರ, ಮನೆಯನ್ನು ಗುಡಿಸಲು ಕೆಂಪು ಬಣ್ಣದ ಬಕೆಟ್ ಬಳಸಬಾರದು. ಹಸಿರು ಅಥವಾ ನೀಲಿ ಬಣ್ಣದ ಬಕೆಟ್ ಬಳಕೆ ಧನಾತ್ಮಕ ಶಕ್ತಿ ಹೆಚ್ಚಿಸುತ್ತದೆ ಎನ್ನಲಾಗುತ್ತದೆ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
