ಅಪಾರ್ಟ್ಮೆಂಟ್‌ನಲ್ಲಿ ಸೆಕ್ಯೂರಿಟಿ ಗಾರ್ಡ್ ಮೇಲೆ ನಾಯಿಯ ಡೆಡ್ಲಿ ಅಟ್ಯಾಕ್!

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಮುಂಬೈನ ಅಪಾರ್ಟ್‌ಮೆಂಟ್ ಸಂಕೀರ್ಣವೊಂದರ ಬಳಿ ಭಯಾನಕ ಘಟನೆಯೊಂದು ನಡೆದಿದ್ದು, ಭದ್ರತಾ ಸಿಬ್ಬಂದಿಯ ಮೇಲೆ ಬೀದಿ ನಾಯಿಯೊಂದು ಮಾರಣಾಂತಿಕ ದಾಳಿ ನಡೆಸಿದೆ. ಈ ಆತಂಕಕಾರಿ ದೃಶ್ಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಘಟನೆ ವಿವರ:

ವರದಿಗಳ ಪ್ರಕಾರ, ಘಟನೆ ನಡೆದ ಸಮಯದಲ್ಲಿ ಎರಡು ನಾಯಿಗಳು ಅಪಾರ್ಟ್‌ಮೆಂಟ್ ಪ್ರವೇಶದ್ವಾರದ ಸುತ್ತ ಓಡಾಡುತ್ತಿದ್ದವು. ಆರಂಭದಲ್ಲಿ, ಭದ್ರತಾ ಸಿಬ್ಬಂದಿ ಅವುಗಳ ಪಕ್ಕದಲ್ಲಿ ಹಾದುಹೋದಾಗ ನಾಯಿಗಳು ಶಾಂತವಾಗಿದ್ದವು. ಆದರೆ ಎರಡನೇ ಬಾರಿ ಸಿಬ್ಬಂದಿ ಅವುಗಳ ಹತ್ತಿರಕ್ಕೆ ಬಂದಾಗ, ಒಂದು ನಾಯಿಯು ಅನಿರೀಕ್ಷಿತವಾಗಿ ಸಿಬ್ಬಂದಿಯ ಮೇಲೆ ಎರಗಿ ಮಾರಣಾಂತಿಕವಾಗಿ ಕಚ್ಚಿದೆ.

ನಾಯಿಯು ಸಿಬ್ಬಂದಿಯ ತೋಳಿಗೆ ಗಂಭೀರವಾಗಿ ಕಚ್ಚಿದೆ. ಕೂಡಲೇ ಸೆಕ್ಯೂರಿಟಿ ಗಾರ್ಡ್ ಹೋರಾಡಿ ನಾಯಿಯಿಂದ ಬಿಡಿಸಿಕೊಂಡಿದ್ದಾರೆ. ದಾಳಿಯ ಸಮಯದಲ್ಲಿ, ಹತ್ತಿರದಲ್ಲಿದ್ದ ಒಬ್ಬ ವ್ಯಕ್ತಿ ಸಮಯಪ್ರಜ್ಞೆ ಮೆರೆದು ಕಟ್ಟಿಗೆಯೊಂದರಿಂದ ನಾಯಿಯನ್ನು ಹೊಡೆದು ಓಡಿಸಿ, ಸಿಬ್ಬಂದಿಯನ್ನು ರಕ್ಷಿಸಿದ್ದಾರೆ.

ಸದ್ಯ ದಾಳಿಗೊಳಗಾದ ಸೆಕ್ಯೂರಿಟಿ ಗಾರ್ಡ್ ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಭಯಾನಕ ದಾಳಿಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸಾರ್ವಜನಿಕ ವಲಯದಲ್ಲಿ ಬೀದಿ ನಾಯಿಗಳ ಸುರಕ್ಷತೆಯ ಬಗ್ಗೆ ಕಳವಳ ವ್ಯಕ್ತವಾಗಿದೆ.