ಡಿಕೆಶಿ-ಜೆಡಿಎಸ್ ಖಾಲಿ ಟ್ರಂಕ್ ವಾರ್: ಕುಮಾರಸ್ವಾಮಿ ಅಭಿವೃದ್ಧಿ ಪಟ್ಟಿ ಬಿಡುಗಡೆ ಮಾಡಿ ತಿರುಗೇಟು!

ಹೊಸ ದಿಗಂತ ಡಿಜಿಟಲ್ ಡೆಸ್ಕ್:

ರಾಜ್ಯ ರಾಜಕೀಯದಲ್ಲಿ ಡಿಸಿಎಂ ಡಿ.ಕೆ ಶಿವಕುಮಾರ್ ಮತ್ತು ಜೆಡಿಎಸ್ ನಡುವೆ ಖಾಲಿ ಟ್ರಂಕ್ ವಾರ್ ಜೋರಾಗಿ ನಡೆಯುತ್ತಿದೆ. ಕೇಂದ್ರ ಸಚಿವ ಹೆಚ್.ಡಿ ಕುಮಾರಸ್ವಾಮಿ ಅವರನ್ನ ಖಾಲಿ ಟ್ರಂಕ್ ಎಂದಿದ್ದ ಡಿಸಿಎಂ ಡಿ.ಕೆ ಶಿವಕುಮಾರ್‌ಗೆ ಜೆಡಿಎಸ್ ತಿರುಗೇಟು ಕೊಟ್ಟಿದೆ.

ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಡಿಕೆಶಿ ವಿರುದ್ಧ ವಾಗ್ದಾಳಿ ನಡೆಸಿರೋ ಜೆಡಿಎಸ್, ಹೆಚ್‌ಡಿಕೆ ಅವಧಿಯಲ್ಲಿ ಆದ ಅಭಿವೃದ್ಧಿ ಕಾರ್ಯಗಳ ಪಟ್ಟಿ ಬಿಡುಗಡೆ ಮಾಡಿ ಕುಮಾರಸ್ವಾಮಿ ಟ್ರಂಕ್‌ನಲ್ಲಿ ಅಭಿವೃದ್ಧಿ ಇದೆ ಎಂದು ಟಾಂಗ್ ಕೊಟ್ಟಿದೆ. ಜೊತೆಗೆ ಡಿಕೆಶಿ ಆಸ್ತಿ ಗಳಿಕೆಯ ಪಟ್ಟಿ ಬಿಡುಗಡೆ ಮಾಡಿ ಇದು ಡಿ.ಕೆ ಶಿವಕುಮಾರ್ ಟ್ರಂಕ್ ಎಂದು ಲೇವಡಿ ಮಾಡಿದೆ.

https://x.com/JanataDal_S/status/1982703167973584987?ref_src=twsrc%5Etfw%7Ctwcamp%5Etweetembed%7Ctwterm%5E1982703167973584987%7Ctwgr%5Efbb5bcc8372f2484bc6f58ad57ac70d70108d207%7Ctwcon%5Es1_&ref_url=https%3A%2F%2Fpublictv.in%2Ftrunk-war-between-dcm-dk-shivakumar-and-jds%2F

ಹೌದಪ್ಪ ಹೌದು. ಡಿಸಿಎಂ ಡಿಕೆಶಿವಕುಮಾರ್ ಸಾಹೇಬರೇ, ಹೆಚ್.ಡಿ.ಕುಮಾರಸ್ವಾಮಿ ಅವರು ಖಾಲಿ ಟ್ರಂಕ್ ಅನ್ನೋದು ದಿಟವೇ. ಅವರದ್ದು ಖಾಲಿ ಕೈ, ತುಂಬಿದ ಹೃದಯ. ಆದರೆ ನಿಮ್ಮದು ಹಾಗಲ್ಲವಲ್ಲ, ಹೃದಯದ ತುಂಬಾ ಕಾರ್ಕೋಟಕ ವಿಷ ಎಂದು ಆಕ್ರೋಶ ಹೊರಹಾಕಿದೆ.ಕಂಡೋರ ಹಣ ಮತ್ತು ಬಡವರು, ದೀನದಲಿತರು, ದುರ್ಬಲರ ಭೂಮಿಯನ್ನು ಹೆದರಿಸಿ ಬೆದರಿಸಿ ಕಿತ್ತುಕೊಂಡು ತುಂಬಿಸಿಕೊಂಡ ಪಾಪದ ಟ್ರಂಕು. ಈ ಸತ್ಯ ನಿಮಗಷ್ಟೇ ಅಲ್ಲ, ಇಡೀ ನಾಡಿಗೆ, ದೇಶಕ್ಕೇ ತಿಳಿದಿದೆ. ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ ಮಿಸ್ಟರ್ ಲೂಟೇಶಿ ಎಂದು ಕಿಡಿಕಾರಿದೆ.

ಕುಮಾರಸ್ವಾಮಿ ಟ್ರಂಕ್‌ನಲ್ಲಿರುವುದೇನು?
– 2 ಬಾರಿ ರೈತರ ಸಾಲಮನ್ನ.
– ಸಾರಾಯಿ ಮತ್ತು ಲಾಟರಿ ನಿಷೇಧ.
– ಗ್ರಾಮ ವಾಸ್ತವ್ಯ ಮೂಲಕ ಹಳ್ಳಿ-ಹಳ್ಳಿಗಳಿಗೆ ಸರ್ಕಾರ.
– ಜನತಾ ದರ್ಶನ
– ಸುವರ್ಣ ಗ್ರಾಮ ಯೋಜನೆ.
– ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ರಚನೆ.
– ನಮ್ಮ ಮೆಟ್ರೋಗೆ ಅಡಿಗಲ್ಲು.
– ಧಾರವಾಡ ಹೈಕೋರ್ಟ್ ಪೀಠ ಸ್ಥಾಪನೆ.
– ಬೀದಿಬದಿಯ ವ್ಯಾಪಾರಿಗಳಿಗೆ ಬಡವರ ಬಂಧು ಯೋಜನೆ.
– ಸುವರ್ಣ ಸೌಧ ನಿರ್ಮಾಣ.
– ರಾಜ್ಯದಲ್ಲಿ 760 ಪ್ರಾಥಮಿಕ ಶಾಲೆಗಳು, 1,000 ಪ್ರೌಢಶಾಲೆಗಳು, 260 ಪದವಿ ಕಾಲೇಜುಗಳು, 500 ಪದವಿ ಪೂರ್ವ ಕಾಲೇಜುಗಳು.
– 7 ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜು, 6 ಮೆಡಿಕಲ್ ಕಾಲೇಜುಗಳ ಸ್ಥಾಪನೆ.
– ವಿದ್ಯಾರ್ಥಿನಿಯರಿಗೆ ಉಚಿತ ಸೈಕಲ್ ವಿತರಣೆ.
– ಭಾಗ್ಯಲಕ್ಷ್ಮಿ ಯೋಜನೆ.
– ಪ್ರೌಢಶಾಲೆಗಳಲ್ಲಿಯೂ ಬಿಸಿಯೂಟ.
– 1,000 ಕರ್ನಾಟಕ ಪಬ್ಲಿಕ್ ಶಾಲೆಗಳ ಘೋಷಣೆ.
– ಸುವರ್ಣ ಗ್ರಾಮ ಯೋಜನೆ.
– ರೈತ ಸಿರಿ ಯೋಜನ.
– ಫೆರಿಪೆರಲ್ ರಿಂಗ್ ರೋಡ್
– ಕಾಂಪೀಟ್ ವಿಥ್ ಚೀನಾ
– ಸಂಧ್ಯಾ ಸುರಕ್ಷಾ ಯೋಜನೆ.
– ರೋಶಿಣಿ ಯೋಜನೆ
– ಮಾತೃಶ್ರೀ ಯೋಜನೆ
– ಕಾವೇರಿ 4ನೇ ಹಂತ, ಹೊಸ ಪ್ರದೇಶಗಳಿಗೆ ಕಾವೇರಿ ನೀರು.
– ಕೊಡಗಿನ ನೆರೆ ಸಂತ್ರಸ್ತರಿಗೆ ತಲ 10ಲಕ್ಷವೆಚ್ಚದಲ್ಲಿ ಶಾಶ್ವತ ಮನೆ

ಡಿ.ಕೆ ಶಿವಕುಮಾರ್ ಟ್ರಂಕ್‌ನಲ್ಲಿರುವುದು?
– ಬಡವರು, ದಲಿತರ ಭೂಮಿ ಕಬಳಿಸಿ ತುಂಬಿಸಿಕೊಂಡ ಸಾವಿರಾರು ಕೋಟಿ ಮೌಲ್ಯದ ಅಕ್ರಮ ಆಸ್ತಿಗಳ ಟ್ರಂಕು ಎಂದು ಹೇಳಿ ಚುನಾವಣಾ ಆಯೋಗಕ್ಕೆ ನೀಡಿದ ಆಸ್ತಿ ಲೆಕ್ಕವನ್ನು ಪ್ರಕಟಿಸಿ ತಿರುಗೇಟು ನೀಡಿದೆ.
– 2004 – 8 ಕೋಟಿ ರೂ.
– 2008 – 75 ಕೋಟಿ ರೂ.
– 2013 – 215 ಕೋಟಿ ರೂ.
– 2018 – 840 ಕೋಟಿ ರೂ.
– 2023 – 1414 ಕೋಟಿ ರೂ.