ನಾವು ಪ್ರತಿದಿನ ರಾತ್ರಿ ಮಲಗುವಾಗ ನಮ್ಮ ಮೆದುಳು ವಿಶ್ರಾಂತಿಯಾಗುತ್ತಿದ್ದರೂ, ಅದರೊಳಗೆ ನೂರಾರು ಚಿಂತನೆಗಳು ನಡೆಯುತ್ತವೆ. ಕೆಲವರಿಗೆ ಮಲಗಿದಾಗ ಬಿದ್ದ ಕನಸುಗಳು ಸ್ಪಷ್ಟವಾಗಿ ನೆನಪಾಗುತ್ತವೆ, ಆದರೆ ಕೆಲವರಿಗೆ ಬೆಳಗ್ಗೆ ಎದ್ದ ಕೂಡಲೇ ಎಲ್ಲವೂ ಮರೆತುಹೋಗುತ್ತದೆ. ಇತ್ತೀಚಿನ ಅಧ್ಯಯನದ ಪ್ರಕಾರ, ಕನಸುಗಳನ್ನು ನೆನಪಿಸಿಕೊಳ್ಳುವ ಸಾಮರ್ಥ್ಯವು ನಮ್ಮ ನಿದ್ರೆಯ ಗುಣಮಟ್ಟ, ಮೆದುಳಿನ ಚಟುವಟಿಕೆ ಮತ್ತು ನಮ್ಮ ಮನೋಭಾವದ ಮೇಲೆ ಅವಲಂಬಿತವಾಗಿದೆ.
- ಕನಸುಗಳ ಬಗ್ಗೆ ನಿಮ್ಮ ಮನೋಭಾವ: ನೀವು ಕನಸುಗಳನ್ನು ಕೇವಲ ಕಲ್ಪನೆ ಎಂದು ನೋಡದೆ, ಅದರ ಹಿಂದೆ ಅರ್ಥವಿದೆ ಎಂದು ನಂಬಿದರೆ, ನಿಮ್ಮ ಮೆದುಳು ಅವನ್ನು ಹೆಚ್ಚು ಪ್ರಾಮುಖ್ಯತೆಯಿಂದ ಸಂಗ್ರಹಿಸುತ್ತದೆ.
- ಹಗಲುಗನಸು ಕಾಣುವವರು: ಹಗಲು ನಿದ್ದೆ ಅಥವಾ ಹಗಲುಗನಸು ಕಾಣುವವರ ಮೆದುಳು ಕನಸುಗಳನ್ನು ಸೃಷ್ಟಿಸುವಲ್ಲಿ ಹೆಚ್ಚು ಸಕ್ರಿಯವಾಗಿರುವುದರಿಂದ ಅವರು ತಮ್ಮ ಕನಸುಗಳನ್ನು ಹೆಚ್ಚು ನೆನಪಿಸಿಕೊಳ್ಳುತ್ತಾರೆ.
- ನಿದ್ರೆಯ ಮಾದರಿ: ಆಳವಾದ ನಿದ್ರೆಯಿಗಿಂತ ಹಗುರವಾದ ನಿದ್ರೆಯಲ್ಲಿ ಇರುವವರು ಕನಸುಗಳನ್ನು ಸ್ಪಷ್ಟವಾಗಿ ನೆನಪಿಸಿಕೊಳ್ಳುವ ಸಾಧ್ಯತೆ ಹೆಚ್ಚು. ಅವರ ಮೆದುಳು ಜಾಗೃತ ಸ್ಥಿತಿಯ ಸಮೀಪದಲ್ಲಿರುವುದರಿಂದ ಕನಸುಗಳ ಮಾಹಿತಿ ನೆನಪಿನಲ್ಲೇ ಉಳಿಯುತ್ತದೆ.
- ವಯಸ್ಸಿನ ಪ್ರಭಾವ: ಯುವಕರಿಗೆ ಕನಸುಗಳು ಹೆಚ್ಚು ಜೀವಂತವಾಗಿ ನೆನಪಾಗುತ್ತವೆ. ಆದರೆ ವಯಸ್ಸಾದವರಲ್ಲಿ ಕನಸುಗಳ ಸ್ಪಷ್ಟತೆ ಕಡಿಮೆ ಆಗುತ್ತದೆ. ಚಳಿಗಾಲದಲ್ಲಿ ಕನಸುಗಳನ್ನು ನೆನಪಿಸಿಕೊಳ್ಳುವ ಸಾಧ್ಯತೆ ಇನ್ನೂ ಕಡಿಮೆ.
- ಮೆದುಳಿನ ಅರಿವು ಮತ್ತು ಅಭ್ಯಾಸಗಳು: ನಿಮ್ಮ ಅರಿವು, ನಿದ್ರೆಯ ಸಮಯ ಮತ್ತು ದೈನಂದಿನ ಅಭ್ಯಾಸಗಳು ಕನಸುಗಳನ್ನು ನೆನಪಿಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಕನಸುಗಳು ಸ್ವತಃ ಮೆದುಳಿನ ಸಂವೇದನೆಗಳ ಪ್ರತಿಫಲವಾಗಿದ್ದು, ಅವುಗಳನ್ನು ಅರಿತುಕೊಳ್ಳುವುದರಿಂದ ಮಾನಸಿಕ ಆರೋಗ್ಯವನ್ನು ಅರ್ಥಮಾಡಿಕೊಳ್ಳಲು ಸಹಾಯವಾಗುತ್ತದೆ.
ಹೀಗಾಗಿ, ಮುಂದಿನ ಬಾರಿ ನಿಮಗೆ ಕನಸು ನೆನಪಾಗದಿದ್ದರೆ, ಅದು ಕೇವಲ ಮರೆವಲ್ಲ, ನಿಮ್ಮ ಮೆದುಳಿನ ವೈಜ್ಞಾನಿಕ ಪ್ರತಿಕ್ರಿಯೆಯೇ ಆಗಿರಬಹುದು!
