ಕೆಲಸದಲ್ಲಿರೋರು ಸಾಮಾನ್ಯವಾಗಿ ಹೇಳೋ ಒಂದು ಮಾತು “ಜಿಮ್ ಹೋಗೋಕೆ ಟೈಮ್ ಸಿಗ್ತಿಲ್ಲ” ಅಂತ. ಕೆಲಸ, ಮನೆ ಜವಾಬ್ದಾರಿ, ಟ್ರಾಫಿಕ್, ಒತ್ತಡ ಇವೆಲ್ಲದರ ನಡುವೆ ವ್ಯಾಯಾಮಕ್ಕೆ ಸಮಯವೇ ಸಿಗೋದಿಲ್ಲ ಎಂದು ಹಲವರು ಹೇಳುತ್ತಾರೆ. ಆದರೆ ನಿಜವಾಗಿ ನೋಡಿದರೆ ಇದು ಸಮಯದ ಸಮಸ್ಯೆಗಿಂತ ಹೆಚ್ಚು ಆದ್ಯತೆಯ ಪ್ರಶ್ನೆ. ನಮಗೆ ಮುಖ್ಯವೆಂದು ಅನಿಸಿದ ಕೆಲಸಗಳಿಗೆ ನಾವು ಯಾವಾಗಲೂ ಸಮಯವನ್ನು ಸೃಷ್ಟಿಸಿಕೊಳ್ಳುತ್ತೇವೆ.
ಆರೋಗ್ಯವೂ ಅದೇ ರೀತಿಯ ಪ್ರಮುಖ ವಿಷಯ. ದೇಹ ಆರೋಗ್ಯವಾಗಿದ್ದರೆ ಮಾತ್ರ ಕೆಲಸ, ಕನಸು, ಜೀವನ ಎಲ್ಲವೂ ಸುಗಮವಾಗಿ ಸಾಗುತ್ತವೆ. ಆದರೆ ನಾವು ದಿನಕ್ಕೆ ಎಷ್ಟೋ ಗಂಟೆಗಳಷ್ಟು ಮೊಬೈಲ್ನಲ್ಲಿ ಕಳೆಯುತ್ತೇವೆ, ಸೋಶಿಯಲ್ ಮೀಡಿಯಾದಲ್ಲಿ ಸ್ಕ್ರೋಲ್ ಮಾಡುತ್ತೇವೆ, ಆದರೆ ವ್ಯಾಯಾಮಕ್ಕೆ ಅರ್ಧ ಗಂಟೆ ಕೊಡಲು ಹಿಂಜರಿಯುತ್ತೇವೆ.
ಇದನ್ನೂ ಓದಿ:
ಜಿಮ್ಗೆ ಹೋಗುವುದು ಅಂದರೆ ಕೇವಲ ದೇಹದ ಆಕಾರಕ್ಕಾಗಿ ಮಾತ್ರವಲ್ಲ; ಅದು ಮನಸ್ಸಿಗೆ ಶಕ್ತಿ ನೀಡುವ ಅಭ್ಯಾಸವೂ ಹೌದು. ದಿನಕ್ಕೆ ಸ್ವಲ್ಪ ಸಮಯವನ್ನು ನಮ್ಮ ಆರೋಗ್ಯಕ್ಕಾಗಿ ಮೀಸಲಿಟ್ಟರೆ ಜೀವನವೇ ಬದಲಾಗುತ್ತದೆ. ಸಮಯ ಸಿಗೋದಿಲ್ಲ ಎನ್ನುವುದಕ್ಕಿಂತ, ಆರೋಗ್ಯಕ್ಕಾಗಿ ಸಮಯ ಮಾಡಿಕೊಳ್ಳುವುದು ಮುಖ್ಯ ಎಂಬ ಅರಿವು ಬಂದಾಗಲೇ ನಿಜವಾದ ಫಿಟ್ನೆಸ್ ಪ್ರಯಾಣ ಆರಂಭವಾಗುತ್ತದೆ.
