ಚಳಿಗಾಲದಲ್ಲಿ ದೇಹಕ್ಕೆ ಬಿಸಿ, ರುಚಿಗೆ ಪರಿಪೂರ್ಣವಾದ ಸಸ್ಯಾಹಾರಿ ಸೈಡ್ ಡಿಶ್ ಬೇಕೇ? ಮೆಂತ್ಯ ಸೊಪ್ಪಿನ ಸ್ವಲ್ಪ ಕಹಿತನ ಮತ್ತು ಹಸಿರು ಬಟಾಣೆಯ ಸಿಹಿತನ ಒಂದಾಗಿ ತಯಾರಾಗುವ ಮೇಥಿ–ಮಟರ್ ಕರಿ ಆರೋಗ್ಯದ ಜೊತೆಗೆ ರುಚಿಗೇನು ಕಡಿಮೆಯಿಲ್ಲ. ಚಪಾತಿ, ರೊಟ್ಟಿ, ಪುಲಾವ್ ಅಥವಾ ಅನ್ನದ ಜೊತೆಗೆ ಇದು ತುಂಬಾ ಚೆನ್ನಾಗಿ ಹೊಂದುತ್ತದೆ.
ಬೇಕಾಗುವ ಪದಾರ್ಥಗಳು
ಮೆಂತ್ಯ ಸೊಪ್ಪು – 1 ಕಪ್
ಹಸಿರು ಬಟಾಣಿ – 1/2 ಕಪ್
ಈರುಳ್ಳಿ – 2
ಟೊಮೇಟೋ – 2 (ಪ್ಯೂರಿ)
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಟೀಸ್ಪೂನ್
ಹಸಿಮೆಣಸು – 1
ಅರಿಶಿನ ಪುಡಿ – 1/4 ಟೀಸ್ಪೂನ್
ಕೆಂಪು ಮೆಣಸಿನ ಪುಡಿ – 1 ಟೀಸ್ಪೂನ್
ಧನಿಯಾ ಪುಡಿ – 1 ಟೀಸ್ಪೂನ್
ಗರಂ ಮಸಾಲಾ – 1/2 ಟೀಸ್ಪೂನ್
ಎಣ್ಣೆ – 2 ಟೇಬಲ್ ಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ನೀರು – ಅಗತ್ಯವಿದ್ದಷ್ಟು
ಮಾಡುವ ವಿಧಾನ
ಪ್ಯಾನ್ನಲ್ಲಿ ಎಣ್ಣೆ ಬಿಸಿ ಮಾಡಿ ಈರುಳ್ಳಿಯನ್ನು ಹಾಕಿ ಚಿನ್ನದ ಬಣ್ಣ ಬರುತ್ತುವವರೆಗೆ ಹುರಿಯಿರಿ. ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಗೂ ಹಸಿಮೆಣಸು ಸೇರಿಸಿ ಸುಗಂಧ ಬರಲುವರೆಗೆ ಫ್ರೈ ಮಾಡಿ. ಟೊಮೇಟೋ ಪ್ಯೂರಿ ಹಾಕಿ ಹಸಿ ವಾಸನೆ ಹೋಗುವವರೆಗೆ ಬೇಯಿಸಿ. ಈಗ ಅರಿಶಿನ, ಮೆಣಸಿನ ಪುಡಿ, ಧನಿಯಾ ಪುಡಿ, ಉಪ್ಪು ಸೇರಿಸಿ ಒಮ್ಮೆ ಚೆನ್ನಾಗಿ ಕಲಸಿ. ಹಸಿರು ಬಟಾಣಿ ಹಾಕಿ ಸ್ವಲ್ಪ ನೀರು ಸೇರಿಸಿ 5 ನಿಮಿಷ ಮುಚ್ಚಿ ಬೇಯಿಸಿ. ಕೊನೆಗೆ ಮೆಂತ್ಯ ಸೊಪ್ಪು ಮತ್ತು ಗರಂ ಮಸಾಲಾ ಸೇರಿಸಿ 3–4 ನಿಮಿಷ ಬೇಯಿಸಿದರೆ ಕರಿ ತಯಾರು. ಬಿಸಿ ಬಿಸಿ ಮೆಂತ್ಯ–ಮಟರ್ ಕರಿಯನ್ನು ರೊಟ್ಟಿ, ಅನ್ನ ಅಥವಾ ಚಪಾತಿಯೊಂದಿಗೆ ಸವಿಯಿರಿ.
