ಎಗ್ ಪ್ರಿಯರಿಗಾಗಿ ರೆಸ್ಟೋರೆಂಟ್ ಸ್ಟೈಲ್ ಮಸಾಲಾ ಎಗ್ ಭುರ್ಜಿ ಪರ್ಫೆಕ್ಟ್ ಆಯ್ಕೆ. ಎಗ್‌ನಿಂದ ಮಾಡುವ ಎಲ್ಲ ರೆಸಿಪಿಗಳು ತುಂಬಾ ಸಿಂಪಲ್ ಮತ್ತು ತ್ವರಿತ. ಇಂದು ನಾವು ಬಿಸಿ ಬಿಸಿ, ಹಾಗು ರುಚಿಯಾದ ಮಸಾಲಾ ಎಗ್ ಭುರ್ಜಿ ಹೇಗೆ ಮಾಡಬೇಕು ಎಂಬುದನ್ನು ನೋಡೋಣ.
ಬೇಕಾಗಿರುವ ಪದಾರ್ಥಗಳು:
ಎಣ್ಣೆ – 2 ಟೀಸ್ಪೂನ್
ಬೆಣ್ಣೆ – 3 ಟೀಸ್ಪೂನ್
ಬೆಳ್ಳುಳ್ಳಿ – 1 ಟೀಸ್ಪೂನ್
ಹಸಿರು ಮೆಣಸಿನಕಾಯಿಗಳು – 2 ಟೀಸ್ಪೂನ್
ಶುಂಠಿ – 2 ಟೀಸ್ಪೂನ್
ಕರಿಬೇವಿನ ಎಲೆ – 6-7
ಕಟ್ ಮಾಡಿದ ಈರುಳ್ಳಿ – 1/2 ಕಪ್
ಉಪ್ಪು – 3 ಟೀಸ್ಪೂನ್
ಅರಿಶಿನ ಪುಡಿ – 2 ಟೀಸ್ಪೂನ್
ಮೆಣಸಿನ ಪುಡಿ – 2 ಟೀಸ್ಪೂನ್
ಪಾವ್ ಭಾಜಿ ಮಸಾಲಾ – 1 1/2 ಟೀಸ್ಪೂನ್
ಕೊತ್ತಂಬರಿ ಸೊಪ್ಪು – 1 ಟೀಸ್ಪೂನ್
ಕಟ್ ಮಾಡಿದ ಟೊಮೆಟೊ – ಸ್ವಲ್ಪ
ಬೇಯಿಸಿದ ಮೊಟ್ಟೆ – 3-4 (ಚಿಕ್ಕ ಚಿಕ್ಕದಾಗಿ ಕಟ್ ಮಾಡಿದ)
ಮಾಡುವ ವಿಧಾನ:
ಮೊದಲು ಮೊಟ್ಟೆಗಳನ್ನು ಬೇಯಿಸಿ ಚಿಕ್ಕ ಚಿಕ್ಕದಾಗಿ ಕಟ್ ಮಾಡಿ ಇಡಿ.
ಬಾಣಲೆಗೆ ಎಣ್ಣೆ ಹಾಕಿ, ಅದಕ್ಕೆ ಬೆಣ್ಣೆ, ಬೆಳ್ಳುಳ್ಳಿ, ಹಸಿರು ಮೆಣಸಿನಕಾಯಿ, ಶುಂಠಿ ಸೇರಿಸಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಫ್ರೈ ಮಾಡಿ. ಈಗ ಕರಿಬೇವಿನ ಎಲೆಗಳು ಮತ್ತು ಕತ್ತರಿಸಿದ ಈರುಳ್ಳಿಯನ್ನು ಸೇರಿಸಿ ಚೆನ್ನಾಗಿ ಹುರಿಯಿರಿ. ಇದಕ್ಕೆ ಉಪ್ಪು, ಅರಿಶಿನ ಪುಡಿ, ಮೆಣಸಿನ ಪುಡಿ ಮತ್ತು ಪಾವ್ ಭಾಜಿ ಮಸಾಲಾ ಹಾಕಿ ಮಿಶ್ರಣ ಮಾಡಿ.
ಕೊನೆಗೆ ಚಿಕ್ಕ ಎಗ್ ತುಂಡು, ಕಟ್ ಮಾಡಿದ ಟೊಮೆಟೊ ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ ಫ್ರೈ ಮಾಡಿ. ಸ್ವಲ್ಪ ಬೆಣ್ಣೆ ಹಾಕಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.
