ಉತ್ತರ ಕರ್ನಾಟಕದ ಜನಪ್ರಿಯ ಸ್ಟ್ರೀಟ್ ಫುಡ್ ಗಿರ್ಮಿಟ್ ತಿಂದಿದ್ದೀರಾ? ಒಮ್ಮೆ ತಿಂದು ನೋಡಿ ಪದೇ ಪದೇ ನೀವೇ ಮಾಡ್ಕೊಂಡು ತಿಂತಿರಾ. ಟೀ ಜೊತೆ ಸವಿಯಲು ಸೂಕ್ತವಾದ ಸಿಂಪಲ್ ಗಿರ್ಮಿಟ್ ಮಾಡುವ ವಿಧಾನ ಇಲ್ಲಿದೆ ನೋಡಿ.
ಬೇಕಾಗುವ ಸಾಮಾಗ್ರಿಗಳು:
ಮಂಡಕ್ಕಿ/ಕಡಲೆಪುರಿ – 3 ಕಪ್
ಹುಣಸೆ ರಸ – ¼ ಕಪ್
ಟೊಮೇಟೊ – 1 (ಸಣ್ಣಗೆ ಕತ್ತರಿಸಿದ)
ಈರುಳ್ಳಿ – 2 (ಸಣ್ಣಗೆ ಹಚ್ಚಿದ)
ಕೊತ್ತಂಬರಿ ಸೊಪ್ಪು – ಸ್ವಲ್ಪ
ಹುರಿಗಡಲೆ ಪುಡಿ – 2 ಚಮಚ
ಹಸಿರು ಮೆಣಸಿನಕಾಯಿ – 3
ಎಣ್ಣೆ – 2 ಚಮಚ
ಜೀರಿಗೆ – 2 ಚಮಚ
ಸಾಸಿವೆ – 2 ಚಮಚ
ಬೆಲ್ಲ – 2 ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಕರಿಬೇವು – ಸ್ವಲ್ಪ
ಅರಿಶಿಣ ಪುಡಿ – ¼ ಚಮಚ
ಸೇವ್/ಖಾರ ಬೂಂದಿ – ಟಾಪಿಂಗ್ಗಾಗಿ
ಮಾಡುವ ವಿಧಾನ:
ಬಾಣಲೆಗೆ ಎಣ್ಣೆ ಹಾಕಿ ಬಿಸಿಯಾದ ನಂತರ ಸಾಸಿವೆ, ಜೀರಿಗೆ ಹಾಕಿ ಒಗ್ಗರಣೆ ಮಾಡಿ.ಅದಕ್ಕೆ ಹಸಿರು ಮೆಣಸಿನಕಾಯಿ, ಕರಿಬೇವು ಹಾಕಿ ಸ್ವಲ್ಪ ಹುರಿದುಕೊಳ್ಳಿ. ಈಗ ಅರಿಶಿಣ ಮತ್ತು ಈರುಳ್ಳಿಯ ಅರ್ಧ ಭಾಗವನ್ನು ಸೇರಿಸಿ 2 ನಿಮಿಷ ಫ್ರೈ ಮಾಡಿ. ನಂತರ ಹುಣಸೆರಸ, ಬೆಲ್ಲ, ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
ಈ ಮಿಶ್ರಣ ಸ್ವಲ್ಪ ಗಟ್ಟಿಯಾಗಿದರೆ ಒಲೆಯಿಂದ ಕೆಳಗಿಳಿಸಿ. ಇದು ಗಿರ್ಮಿಟ್ ಮಸಾಲಾ.ಈಗ ಒಂದು ದೊಡ್ಡ ಪಾತ್ರೆಯಲ್ಲಿ ಮಂಡಕ್ಕಿ ಹಾಕಿ ಅದಕ್ಕೆ ಈ ಮಸಾಲಾ, ಉಳಿದ ಈರುಳ್ಳಿ, ಟೊಮೇಟೊ, ಹುರಿಗಡಲೆ ಪುಡಿ ಹಾಗೂ ಕೊತ್ತಂಬರಿ ಸೊಪ್ಪು ಹಾಕಿ ಚೆನ್ನಾಗಿ ಕಲಸಿ. ಕೊನೆಯಲ್ಲಿ ಸೇವ್ ಅಥವಾ ಖಾರ ಬೂಂದಿ ಉದುರಿಸಿ ಸರ್ವ್ ಮಾಡಿ.
