ಚಳಿಗಾಲ ಬಂದಾಗ ನಾವು ಕಂಬಳಿ, ಸ್ವೆಟರ್ಗಳು, ಹೀಟರ್ಗಳ ಮೊರೆ ಹೋಗುತ್ತೇವೆ. ಆದರೆ, ತಂತ್ರಜ್ಞಾನಕ್ಕಿಂತಲೂ ಪ್ರಕೃತಿಯಲ್ಲೇ ಒಂದು ನೈಸರ್ಗಿಕ ಪರಿಹಾರ ಅಡಗಿದೆ ಎಂಬುದು ನಿಮಗೆ ಗೊತ್ತೇ? ಕೆಲವು ಒಳಾಂಗಣ ಸಸ್ಯಗಳು ನಿಮ್ಮ ಮನೆಯ ವಾತಾವರಣವನ್ನು ಕೇವಲ ಸುಂದರಗೊಳಿಸುವುದಷ್ಟೇ ಅಲ್ಲ, ಗಾಳಿಯಲ್ಲಿರುವ ತೇವಾಂಶವನ್ನು ಸಮತೋಲನದಲ್ಲಿಟ್ಟು, ಕೋಣೆಯನ್ನು ಸಹಜವಾಗಿ ಬೆಚ್ಚಗಿಡಲು ಸಹ ಸಹಾಯ ಮಾಡುತ್ತವೆ. ಜೊತೆಗೆ ಶುದ್ಧ ಗಾಳಿ, ಮನಸ್ಸಿಗೆ ನೆಮ್ಮದಿ ಮತ್ತು ಆರೋಗ್ಯಕರ ವಾತಾವರಣವನ್ನು ಕೂಡ ನೀಡುತ್ತವೆ.
- ಪೀಸ್ ಲಿಲ್ಲಿ: ಈ ಸಸ್ಯವು ವಾತಾವರಣದ ಹೆಚ್ಚುವರಿ ತೇವಾಂಶವನ್ನು ಹೀರಿಕೊಂಡು ಒಳಾಂಗಣ ಶಾಖವನ್ನು ಸಮತೋಲನದಲ್ಲಿರಿಸುತ್ತದೆ. ಬಿಳಿ ಹೂವುಗಳಿಂದ ಕೋಣೆಗೆ ಶಾಂತಿ ತುಂಬುತ್ತದೆ. ಪರೋಕ್ಷ ಬೆಳಕು ಮತ್ತು ನಿಯಮಿತ ನೀರಾವರಿ ಸಾಕು.
- ಮನಿ ಪ್ಲಾಂಟ್ (ಪೋಥೋಸ್): ಕಡಿಮೆ ಬೆಳಕಿನಲ್ಲೂ ಬೆಳೆಯುವ ಈ ಸಸ್ಯ ಗಾಳಿಯ ಆರ್ದ್ರತೆಯನ್ನು ಕಾಪಾಡಿ, ಚಳಿಯಲ್ಲಿ ಕೋಣೆಯ ಉಷ್ಣತೆಯನ್ನು ಸಹಜವಾಗಿ ಉಳಿಸುತ್ತದೆ. ಜೊತೆಗೆ ಗಾಳಿಯನ್ನು ಶುದ್ಧೀಕರಿಸುತ್ತದೆ.
- ಸ್ನೇಕ್ ಪ್ಲಾಂಟ್: ರಾತ್ರಿಯಲ್ಲೂ ಆಮ್ಲಜನಕ ಹೊರ ಬಿಡುವ ಅಪರೂಪದ ಸಸ್ಯ ಇದು. ಚಳಿಗಾಲಕ್ಕೆ ಅತ್ಯಂತ ಸೂಕ್ತ. ಕಡಿಮೆ ನೀರು, ಕಡಿಮೆ ಬೆಳಕಲ್ಲಿಯೂ ಚೆನ್ನಾಗಿ ಬೆಳೆಯುತ್ತದೆ.
- ಸ್ಪೈಡರ್ ಪ್ಲಾಂಟ್: ಹಾನಿಕಾರಕ ಅನಿಲಗಳನ್ನು ಹೀರಿಕೊಂಡು ಶುದ್ಧ ಗಾಳಿ ನೀಡುವ ಈ ಸಸ್ಯ ಚಳಿಗಾಲದಲ್ಲಿ ಮನೆಯೊಳಗೆ ತಾಜಾತನ ತರುತ್ತದೆ.
- ಅರೆಕಾ ಪಾಮ್: ಕೋಣೆಯ ತಾಪಮಾನವನ್ನು ಸಮತೋಲನದಲ್ಲಿಟ್ಟುಕೊಳ್ಳಲು ಸಹಾಯ ಮಾಡುವ ಈ ಸಸ್ಯದ ಗರಿಗಳಂತಹ ಎಲೆಗಳು ಮನೆಯನ್ನು ಸಹಜವಾಗಿ ಉಷ್ಣ ಹಾಗೂ ಆಕರ್ಷಕವಾಗಿಸುತ್ತವೆ.
