ಇತ್ತೀಚಿನ ದಿನಗಳಲ್ಲಿ ಬಾಯಿಯ ಆರೈಕೆಗೆ ಮೌತ್‌ವಾಶ್ ಬಳಸುವುದು ಸಾಮಾನ್ಯವಾಗಿದೆ. ಶ್ವಾಸ ತಾಜಾಗಿಡಲು ಮತ್ತು ಬಾಯಿಯ ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲು ಇದು ಸಹಾಯಕ ಎನ್ನಲಾಗುತ್ತದೆ. ಆದರೆ ಪ್ರತಿದಿನ ಮೌತ್‌ವಾಶ್ ಬಳಸುವುದು ನಿಜವಾಗಿಯೂ ಆರೋಗ್ಯಕರವೋ ಅಥವಾ ಬಾಯಿಯ ನೈಸರ್ಗಿಕ ಸಮತೋಲನಕ್ಕೆ ಹಾನಿಕಾರಕವೋ ಎಂಬ ಪ್ರಶ್ನೆ ಸಧ್ಯದ ಮಟ್ಟಿಗೆ ಚರ್ಚೆಯ ವಿಷಯವಾಗಿದೆ.
ತಜ್ಞರ ಪ್ರಕಾರ, ಮಿತ ಪ್ರಮಾಣದಲ್ಲಿ ಮೌತ್‌ವಾಶ್ ಬಳಸುವುದು ಉತ್ತಮ. ಆದರೆ ದಿನನಿತ್ಯ ಬಳಕೆ ದೀರ್ಘಾವಧಿಯಲ್ಲಿ ಕೆಲವು ಹಾನಿಗಳನ್ನುಂಟುಮಾಡಬಹುದು.
- ಬಾಯಿಯ ನೈಸರ್ಗಿಕ ಬ್ಯಾಕ್ಟೀರಿಯಾವನ್ನು ಹಾನಿ ಮಾಡುತ್ತದೆ: ಮೌತ್‌ವಾಶ್‌ನಲ್ಲಿರುವ ರಾಸಾಯನಿಕಗಳು ಒಳ್ಳೆಯ ಬ್ಯಾಕ್ಟೀರಿಯಾಗಳನ್ನೂ ಕೊಲ್ಲುತ್ತವೆ. ಇದರಿಂದ ಬಾಯಿಯ ನೈಸರ್ಗಿಕ ರಕ್ಷಣಾ ಪದ್ಧತಿ ದುರ್ಬಲಗೊಳ್ಳುತ್ತದೆ.
- ಅತಿಯಾದ ಒಣತನ: ಅಲ್ಕೋಹಾಲ್‌ ಆಧಾರಿತ ಮೌತ್‌ವಾಶ್ ಬಾಯಿಯನ್ನು ಒಣಗಿಸುತ್ತದೆ, ಇದರಿಂದ ದುರ್ವಾಸನೆ ಮತ್ತು ಹಲ್ಲು ಕುಳಿಗಳು ಉಂಟಾಗುವ ಸಾಧ್ಯತೆ ಹೆಚ್ಚುತ್ತದೆ.
- ಸಂವೇದನಾಶೀಲತೆ ಹೆಚ್ಚಳ: ನಿರಂತರ ಬಳಕೆ ಬಾಯಿ ಮತ್ತು ಹಲ್ಲಿನ ಭಾಗಗಳಲ್ಲಿ ಉರಿಯೂತ ಅಥವಾ ಸಂವೇದನಾಶೀಲತೆ ಉಂಟುಮಾಡಬಹುದು.
- ಸರಿಯಾದ ಬಳಕೆ ಸಮಯ: ನಿಮ್ಮ ವೈದ್ಯರು ಶಿಫಾರಸು ಮಾಡಿದ ಅವಧಿಯ ವರೆಗೆ ಮಾತ್ರ ಮೌತ್‌ವಾಶ್ ಬಳಸಿ. ಜೊತೆಗೆ ದಿನದಲ್ಲಿ ಒಮ್ಮೆ ಅಥವಾ ವಾರಕ್ಕೆ ಕೆಲವು ಬಾರಿ ಮಾತ್ರ ಬಳಸುವುದೇ ಸುರಕ್ಷಿತ.
- ವೈದ್ಯರ ಸಲಹೆ ಅಗತ್ಯ: ಬಾಯಿ ಸಂಬಂಧಿತ ಸಮಸ್ಯೆಗಳಿದ್ದರೆ, ಯಾವ ಮಾದರಿಯ ಮೌತ್‌ವಾಶ್ ಸೂಕ್ತ ಎಂಬುದನ್ನು ದಂತವೈದ್ಯರಿಂದ ತಿಳಿದುಕೊಳ್ಳುವುದು ಉತ್ತಮ. ಮೌತ್‌ವಾಶ್ ಬಳಕೆ ಸಂಪೂರ್ಣ ತಪ್ಪಲ್ಲ. ಆದರೆ ಅದನ್ನು ಅತಿಯಾಗಿ ಬಳಸುವುದು ಹೆಚ್ಚು ಹಾನಿಕಾರಕವಾಗಬಹುದು. (Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
